ក្មេងប្រុសម្នាក់ នៅភាគខាងត្បូងប្រទេសចិន បានក្លាយទៅជាតារាល្បីក្នុងស្រុក បន្ទាប់ពីគេបានជំពប់ជើងលើហ្វូស៊ីលស៊ុតដាយណូស័រ ខណៈពេលកំពុងលេងនៅខាងក្រៅផ្ទះក្នុងសប្តាហ៍នេះ ។ អ្នករកឃើញស៊ុតដាយណូស័វ័យក្មេងរូបនេះ មានឈ្មោះ Zhang Yangzhe…
ក្មេងប្រុសម្នាក់ នៅភាគខាងត្បូងប្រទេសចិន បានក្លាយទៅជាតារាល្បីក្នុងស្រុក បន្ទាប់ពីគេបានជំពប់ជើងលើហ្វូស៊ីលស៊ុតដាយណូស័រ ខណៈពេលកំពុងលេងនៅខាងក្រៅផ្ទះក្នុងសប្តាហ៍នេះ ។ អ្នករកឃើញស៊ុតដាយណូស័វ័យក្មេងរូបនេះ មានឈ្មោះ Zhang Yangzhe បានឆ្លងកាត់ការរកឃើញគួរឱ្យចាប់អារម្មណ៍ខណៈពេលដែលកំពុងស្វែងរកអ្វីមួយ ដើម្បីបំបែកស៊ុតដែលស្ថិតនៅលើទំនប់នៃទន្លេ Dongjiang ក្នុងខេត្តក្វាងទុង កាលពីថ្ងៃអង្គារ ។
ក្មេងប្រុសអាយុ១០ឆ្នាំរូបនេះ ត្រូវបានគេរាយការណ៍ថាស្រលាញ់ផ្នែកវិទ្យាសាស្ត្រ ហើយដំបូងឡើយបានឃើញដុំថ្មចម្លែកនៅក្នុងដី ប៉ុន្ដែក្រោយមកគេបានប៉ាន់ស្មានថាវាអាចជាស៊ុតដាយណូស័រនៅពេលពិនិត្យមើលកាន់តែជិត ។
ក្រោយពីបានឃើញស៊ុតមួយពីដំបូង Zhang បានកត់សម្គាល់ថាជា «ដុំថ្ម» ដែលមានរាងជារង្វង់មូល ក្រោយមកគេបានហៅម្តាយរបស់គេឱ្យមកមើលវាផងដែរ ។ មិនយូរប៉ុន្មានក្រុមអ្នកឯកទេសបានបញ្ជាក់ថាជា «ដុំថ្ម» ដែរ ប៉ុន្តែតាមពិតវាជាស៊ុតដាយណូស័រ ហើយក្រោយមកជីករកឃើញចំនួន ១០ ស៊ុតបន្ថែមទៀតនៅតំបន់ជុំវិញនោះ ។ ស៊ុតដែលមានប្រវែងប្រហែល ៨,៨៩ សង់ទីម៉ែត្រ នោះមានមានអាយុកាលប្រហែល ៦៦ លានឆ្នាំមកហើយ ។
និយាយទៅកាន់សារព័ត៌មាន Beijing Youth Daily ម្តាយរបស់ Zhang អ្នកស្រី Li Xiaofang បានចែករំលែកថាកូនប្រុសរបស់នាងពិតជាស្រឡាញ់វិទ្យាសាស្ត្រជាពិសេសប្រធានបទនៅលើដាយណូស័រ ។ ហើយជាការពិតសិស្សថ្នាក់ទីបីបានអានសៀវភៅជាច្រើននៅលើប្រធានបទរួចហើយ ។
កុមារា Zhang បាននិយាយថា «ខ្ញុំបានរៀនចំណេះដឹងនេះពីសៀវភៅ និងពីវប្បធម៌នៅសាលារៀន» ។ នេះបើយោងតាមស្ថានីយវិទ្យុ Heyuan ។ សូមបញ្ជាក់ផងដែរថា ចាប់តាំងពីឆ្នាំ ១៩៩៦ មកមានស៊ុតសត្វដាយណូស័រច្រើនជាង ១៧.០០០ ត្រូវបានគេជីករកឃើញនៅក្នុងប្រទេសចិន ៕ ប្រភព ៖ nextshark ។ (សម្រួលដោយ៖ ស្រីណា)
ចែករំលែកព័តមាននេះ