ខេត្តព្រះសីហនុ ៖ តាមការគ្រោងទុក អ្នកសារព័ត៌មានជាតិ និងអន្តរជាតិប្រមាណ៧០នាក់ បានទៅធ្វើទស្សនកិច្ចនៅមូលដ្ឋានកងទ័ពជើងទឹករាម ជាទីតាំងដែលមានការចុះផ្សាយដោយកាសែតអាមេរិកថា មានការសាងសង់ជាមូលដ្ឋានកងទ័ពជើងទឹកចិន ។ ការផ្សាយបែបនេះ…
ខេត្តព្រះសីហនុ ៖ តាមការគ្រោងទុក អ្នកសារព័ត៌មានជាតិ និងអន្តរជាតិប្រមាណ៧០នាក់ បានទៅធ្វើទស្សនកិច្ចនៅមូលដ្ឋានកងទ័ពជើងទឹករាម ជាទីតាំងដែលមានការចុះផ្សាយដោយកាសែតអាមេរិកថា មានការសាងសង់ជាមូលដ្ឋានកងទ័ពជើងទឹកចិន ។ ការផ្សាយបែបនេះ ធ្វើឱ្យមានផ្ទុះប្រតិកម្មជាច្រើនពីប្រមុខរាជរដ្ឋាភិបាលកម្ពុជា រហូតដល់ស្ថាប័នជាតិ ដោយបានច្រានចោលព័ត៌មានដែលចុះផ្សាយនោះរហូតដល់អ្នកនាំពាក្យក្រសួងការពារជាតិចិន ក៏បានទាត់ចោលព័ត៌មានទាំងនោះដែរ ដោយចាត់ទុកថាជាព័ត៌
មានមិនពិត ។
លោក ផៃ ស៊ីផាន អ្នកនាំពាក្យរាជរដ្ឋាភិបាលកម្ពុជា និងលោកនាយឧត្តមសេនីយ៍ ឈុំ សុផាត បានធ្វើការអះអាងថា ការនាំក្រុមអ្នកសារព័ត៌មានទៅកាន់មូលដ្ឋានកងទ័ពជើងទឹករាមដើម្បីផ្ទៀងផ្ទាត់ចំពោះព័ត៌មានដែលកាសែតអាមេរិកបានផ្សាយ និងដើម្បីលាងជម្រះរាល់ការមន្ទិលទាំងឡាយដែលបង្កដោយព័ត៌មានក្លែងក្លាយទាំងនោះ ។ ភាពមន្ទិលសង្ស័យចំពោះមូលដ្ឋានកងទ័ពជើងទឹករាមរបស់កម្ពុជា ត្រូវបានលាងជម្រះបន្ទាប់ពីមានទស្សនកិច្ចរបស់ក្រុមអ្នកសារព័ត៌មាន ។ ក្រោយពីចុះពិនិត្យ អ្នកសារព័ត៌មានជាតិ និងអន្តរជាតិបានជឿជាក់ថា មូលដ្ឋាននេះគ្មានអ្វីគួរឱ្យសង្ស័យដូចការចុះផ្សាយរបស់កាសែតអាមេរិកឡើយ ។
ការចុះពិនិត្យមូលដ្ឋានកងទ័ពជើងទឹករាមដោយអ្នកសារព័ត៌មានជាតិនិងអន្តរជាតិចំនួន៧៣នាក់នាព្រឹកថ្ងៃទី២៦ ខែកក្កដា ដឹកនាំដោយនាយឧត្តមសេនីយ៍ ឈុំ សុជាត អនុរដ្ឋលេខាធិការ និងជាអ្នកនាំពាក្យក្រសួងការពារជាតិ ។ ក្រៅពីប្រព័ន្ធផ្សព្វផ្សាយសំខាន់ៗនៅកម្ពុជា តំណាងស្ថាប័នព័ត៌មានបរទេសមួយចំនួនទៀត ក៏បានចូលរួមពិនិត្យមើលមូលដ្ឋានកងទ័ពជើងទឹករាមនេះដែរមានដូចជា AP, Reuters, VOA, Cambodia China Times, AFP, Xinhua, Cambodia China Friendship Radio និង Japanese TV ជាដើម ។
ក្រុមអ្នកសារព័ត៌មានបាននិយាយថា ទីតាំងមូលដ្ឋានកងទ័ពជើងទឹករាម មិនមានអត្តសញ្ញាណណាមួយពាក់ព័ន្ធនឹងយោធាចិននោះទេ ។ ក្រុមអ្នកសារព័ត៌មានបានចាត់ទុកថា អ្វីដែលបានផ្សាយដោយសារព័ត៌មានអាមេរិក មានលក្ខណៈនយោបាយ និងបំភ្លៃការពិតពីកម្ពុជា ។កាលពីពេលថ្មីៗនេះដែរ មានសារព័ត៌មានបរទេសមួយចំនួន ព្រមទាំងវិទ្យុសំឡេងសហរដ្ឋអាមេរិក(VOA)ផង បានផ្សាយដោយដកស្រង់តាមសារព័ត៌មាន The Wall Street Journal ថា «ប្រទេសចិនបានចុះហត្ថលេខាលើកិច្ចព្រមព្រៀងជាសម្ងាត់មួយ ដើម្បីអនុញ្ញាតឱ្យកងទ័ពរបស់ខ្លួនប្រើប្រាស់មូលដ្ឋានទ័ពជើងទឹកកម្ពុជា» ។ទោះជាយ៉ាងនេះក្តី ការផ្សព្វផ្សាយនេះត្រូវបានច្រានចោលដោយរាជរដ្ឋាភិបាលកម្ពុជា។
សម្តេចតេជោនាយករដ្ឋមន្ត្រី ហ៊ុន សែន បានចាត់ទុកការចុះផ្សាយនេះជាព័ត៌មានប្រឌិតដ៏អាក្រក់បំផុត ដើម្បីប្រឆាំងនឹងកម្ពុជា ។ ដោយឡែក សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានបញ្ជាក់ថា ការផ្សព្វផ្សាយព័ត៌មាននេះធ្វើឡើងក្នុងគោលដៅបង្កើតលេសដាក់ទណ្ឌកម្មមកលើកម្ពុជា និងបម្រើឱ្យចរន្តនយោបាយណាមួយតែប៉ុណ្ណោះ ។ ការចុះផ្សាយបែបនេះ គឺជាព័ត៌មានក្លែងក្លាយ(Fake News) ដែលគ្មានវិជ្ជាជីវៈសារព័ត៌មាន និងមានចេតនាបំផ្លាញដល់សន្តិសុខរបស់កម្ពុជា
តែសច្ចៈភាពនៅតែទទួលបានការគាំទ្រជានិច្ច ៕
ចែករំលែកព័តមាននេះ