អឹរ៉ុបខាងលិច ៖ អឺរ៉ុបខាងលិចជួបប្រទះនឹងធាតុអាកាសក្ដៅខ្លាំងជាលើកទី២ ប៉ះពាល់ដល់ប្រជាជនច្រើនលាននាក់ ដោយសីតុណ្ហភាពកាលពីថ្ងៃទី២៥កក្កដា នៅក្រុងប៉ារីសឡើងដល់លើសពី៤២អង្សាសេ។ ធាតុអាកាសក្ដៅខ្លាំងនឹងចុះថយវិញនាចុងសប្ដាហ៍នេះ មុនការមកដល់នៃព្យុះនានា។
នោះជាអាកាសធាតុក្ដៅខ្លាំងបំផុតនៅក្រុងប៉ារីសពុំធ្លាប់ជួបប្រទះ ចាប់តាំងពីជាង៧០ឆ្នាំមកហើយ។ នារសៀលថ្ងៃទី២៥កក្កដាសីតុណ្ហភាពនៅក្រុងប៉ារីសឡើងដល់៤២,៦អង្សាសេ។ ក្រុងប៉ារីសធ្លាប់មានសីតុណ្ហភាពលើសពី៤០អង្សាសេម្ដងគត់ កាលពីថ្ងៃទី២៨កក្កដាឆ្នាំ១៩៤៧ ដែលមានដល់៤០,៤អង្សាសេ។
អាល្លឺម៉ង់នាថ្ងៃទី២៥កក្កដា មានសីតុណ្ហភាពឡើងដល់៤២,៦អង្សាសេនៅLINGENតំបន់BASSE SAXE ដែលមុននេះសីតុណ្ហមាន៤០,៥អង្សាសេនៅGEILENKIRCHENភាគពាយ័ព្យប្រទេសនោះដែរ។ នៅហូឡង់សីតុណ្ហភាពមាន៤០,៤អង្សាសេ និងនៅបែលហ្ស៊ិក៤០,៦អង្សាសេ។ ធាតុអាកាសចាប់ចុះត្រជាក់វិញចាប់ពីថ្ងៃទី២៦កក្កដាទៅអមដោយព្យុះនានា៕ (កែសម្រួលដោយ ៖ បុប្ផា)
ចែករំលែកព័តមាននេះ