នៅប្រទេសស្លូវ៉ាគីមានសត្វអណ្តើកមួយក្បាលពេលនេះ កំពុងទាក់ទាញការចាប់អារម្មណ៍យ៉ាងខ្លាំង ។ គេមានការភ្ញាក់ផ្អើល ព្រោះអណ្តើកដែលទើបនឹងកើតនាពេលថ្មីៗនេះមានក្បាលដល់ទៅ២ និងមានជើង៥ ។ ម្ចាស់របស់សត្វអណ្តើកនេះ លោក ROMAN GRESAK មានមោទនភាពក្នុងការបង្ហាញសត្វអណ្តើកចម្លែកនេះនៅទីក្រុង ZILINA កាលពីប៉ុន្មានថ្ងៃមុននេះ ។ លោកក៏បញ្ជាក់ផងដែរថា ក្បាលរបស់វាទាំង២ពុំចំណុះគ្នា ឡើយ ហើយមានសកម្មភាពដាច់ដោយឡែកពីគ្នា ។
ពួកអ្នកជំនាញការពេលពិនិត្យអណ្តើកគោកនេះដែលមានអាយុទើប៧សប្តាហ៍ពន្យល់ថា នេះជាសំណាងមួយ ដែលអណ្តើកក្បាល២នេះពុំស្ថិតក្នុងព្រៃ ។ ពិតមែនហើយអណ្តើកនេះដែលមានក្បាល២ដូច្នេះពុំអាចបញ្ចូលក្បាលទាំង២របស់វាទៅក្នុងស្នូកបានឡើយ ហេតុនេះវាងាយរងគ្រោះក្លាយជាចំណីរបស់សត្វផ្សេងៗដោយគ្មានមធ្យោបាយការពារខ្លួន ។ បាតុភូតនេះនាំឱ្យគេនឹកឃើញដល់សត្វពស់ក្បាល២ មួយនៅអាល់បានី ដែលក្លាយទៅជាតារាក្នុងឱកាសនៃការតាំងពិព័រណ៍ពិភពលោកអំពើសត្វចម្លែកកម្រក្នុងធម្មជាតិកាលពីប៉ុន្មានសប្តាហ៍មុន៕
ចែករំលែកព័តមាននេះ