ការមានផ្ទៃពោះអាចជារឿងមួយពិបាក។ ពេលខ្លះ អ្នកប្រហែលជាត្រូវការគិតនូវពេលវេលាជ្រុះអូវ៉ុលរបស់ស្ត្រីផង។ យ៉ាងណាមិញ ការយល់ដឹងអំពីជីវិតរបស់មេជីវិតឈ្មោលអាចជារឿងល្អមួយបើសិនជាអ្នកមិនដឹងទាន់ធ្វើជាឪពុកម្តាយគេនៅឡើយទេ។ ជាមួយគ្នានេះដែរ ក៏មានមិត្តអ្នកអានរបស់យើងតែងសួរមកក្រុមការងារយើងជាញឹកញាប់ថា តើមានអ្វីកើតឡើងទៅបើសិនជាបុរសបាញ់ទឹកកាមនៅជិតរន្ធគូថស្ត្រី និងទឹកកាមហូរចូលទៅក្នុងទ្វារមាស? ចុះទឹកកាមដែលមាននៅលើសម្លៀកបំពាក់ ឬក្នុងអាងទឹកអាចធ្វើឲ្យមានផ្ទៃពោះដែរទេ?
នៅពេលយើងនិយាយដល់ទឹកកាមដែលបាញ់នៅលើសម្លៀកបំពាក់ និងរបស់របរផ្សេងនោះ ជីវិតរបស់មេជីវិតឈ្មោលគឺខុសគ្នាពីក្នុងទ្វារមាសស្ត្រី គឺវាមានអាយុខ្លីណាស់ ព្រោះមជ្ឈដ្ឋានក្រៅខ្លួនមនុស្សគឺមិនអាចស្វាគមន៍ការរស់នៅយូររបស់វាបានទេ។ នៅពេលដែលទឹកកាមស្ងួត មេជីវិតឈញមោលក៏ស្លាប់អស់ដែរ។
រយៈពេលរស់រានរបស់វាមានចាប់ពី ពីរបីនាទី រហូតដល់ពីរម៉ោង អាស្រ័យទៅតាមកន្លែងដែលវាតាងនៅស្ងួត ឬសើមដែរ។ បើសិនជាកម្រាលពូក ឬសម្លៀកបំពាក់ស្ងួត មេជីវិតឈ្មោលកម្ររស់បានពីរបីនាទីណាស់។ និយាយឲ្យខ្លីទៅ គឺថា បើសិនជាកន្លែងដែលទឹកកាមបាញ់ដាក់នោះស្ងួត មេជិវិតឈ្មោលក៏ឆាប់ស្លាប់ដែរ (ប្រភពពី៖ Health.com.kh)៕ (កែសម្រួលដោយ ៖ បុប្ផា)
ចែករំលែកព័តមាននេះ