សម្រេចចោទប្រកាន់មន្ត្រីប៉ូលិស…ករណីរត់ការដោះលែងចិន១៨នាក់
- ភ្នំពេញ
រាជធានីភ្នំពេញ ៖ លោក គុជ គឹមឡុង អ្នកនាំពាក្យអយ្យការអមសាលាដំបូងរាជធានីភ្នំពេញ បានឲ្យដឹងថា កាលពីព្រឹកថ្ងៃទី២៥ កក្កដា លោកសាយ…
រាជធានីភ្នំពេញ ៖ លោក គុជ គឹមឡុង អ្នកនាំពាក្យអយ្យការអមសាលាដំបូងរាជធានីភ្នំពេញ បានឲ្យដឹងថា កាលពីព្រឹកថ្ងៃទី២៥ កក្កដា លោកសាយ…
រាជធានីភ្នំពេញ ៖ លោក គុជ គឹមឡុង អ្នកនាំពាក្យអយ្យការអមសាលាដំបូងរាជធានីភ្នំពេញ បានឲ្យដឹងថា កាលពីព្រឹកថ្ងៃទី២៥ កក្កដា លោកសាយ ណូរ៉ា ព្រះរាជអាជ្ញារងអមសាលាដំបូងរាជធានីភ្នំពេញ បានសម្រេចចោទប្រកាន់មន្ត្រីនគរបាល៣នាក់ ដែលអង្គភាពប្រឆាំងអំពើពុករលួយឃាត់ខ្លួន និង២នាក់ទៀតកំពុងគេចខ្លួន ជាប់ពីបទសូកប៉ាន់ និងបទរារាំងក្នុងការអនុវត្តច្បាប់នៃក្រមព្រហ្មទណ្ឌ និងបទរំលោភអំណាចតាមមាត្រា៣៥ ច្បាប់ស្តីពីការប្រឆាំងអំពេីពុករលួយ ពាក់ព័ន្ធករណីការរត់ការដោះលែងជនជាតិចិន១៨ នាក់នៅខេត្តកំពង់ស្ពឺ ជាក្រុមជំរិតទាប្រាក់តាមអនឡាញ ។ សូមរំលឹកថា៖ បន្តសួរមន្ត្រីប៉ូលិស៣នាក់…លើករណីដោះលែងចិន១៨នាក់នៅកំពង់ស្ពឺ
ក្រោយពីការចោទប្រកាន់ជាផ្លូវការហើយ តំណាងអយ្យការបានចាត់បញ្ជូនសំណុំរឿងនេះ ទៅចៅក្រមស៊ើបសួរ ដើម្បីសម្រេចឃុំខ្លួនជនសង្ស័យ៣នាក់ ដាក់ពន្ធនាគារជាបណ្តោះអាសន្ន និងចេញដីការតាមរកចាប់ខ្លួន២នាក់ទៀត ដើម្បីនាំមកផ្តន្ទទាទោសតាមផ្លូវច្បាប់ ។ ជនសង្ស័យ១-ឈ្មោះ សឿន សុថា ភេទប្រុស អាយុ៥៨ឆ្នាំ ជាអនុប្រធាននាយកដ្ឋាននគរបាលអត្តសញ្ញាណកម្ម និងមានឋានន្ទរស័ក្តិថ្នាក់ឧត្តសេនីយ៍
ទោ ។ ២-ឈ្មោះ រ័ត្ន ពិន្ទ ភេទប្រុស អាយុ៤៦ឆ្នាំ បម្រើការងារការិយាល័យតាមដាន នៃនាយកដ្ឋានអត្ត សញ្ញាណកម្ម មានឋានន្ទរៈស័ក្តិវរសេនីយ៍ត្រី ។ ៣-ឈ្មោះ វណ្ណ សុភាព ហៅញ៉ ភេទប្រុស អាយ៤៣ឆ្នាំ បម្រើការងារនៅនាយកដ្ឋានអន្តោប្រវេសន៍ មានឋានន្ទរៈស័ក្តិវរសេនីយ៍ទោ (៣នាក់ជាប់ឃុំ) ៤-ឈ្មោះ ជិន វេងលាង ភេទប្រុស អាយុ៣៨ឆ្នាំ និង៥-ឈ្មោះ ថា ស្រីល័ក្ខ ភេទស្រី អាយុ៣២ ឆ្នាំ (២នាក់កំពុងនៅក្រៅឃុំ) ។
គួរបញ្ជាក់ថា លោក សាយ ណូរ៉ា ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ នាព្រឹកថ្ងៃទី២២ ខែកក្កដា ឆ្នាំ២០១៩ បានសម្រេចប្រគល់មន្ត្រីនគរបាល៣នាក់ ដែលពាក់ ព័ន្ធករណីរត់ការ និង អន្ដរាគមន៍ឲ្យមានការដោះលែងជនជាតិចិនចំនួន១៨នាក់ ជាក្រុមចាប់ជំរិតតាម Online ដែលកម្លាំងនគរបា លខេត្តកំពង់ស្ពឺទើបតែចាប់ខ្លួន ឲ្យទៅអង្គភាពប្រឆាំងអំពើពុក រលួយ (ACU) ចាត់ការបន្ត ដើម្បីស្វែងរកអ្នកពាក់ព័ន្ធដទៃផ្សេងទៀត ។
សូមបញ្ជាក់ថា កម្លាំងសមត្តកិច្ចនគរបាលនាយកដ្ឋានប្រឆាំងភេរវកម្ម និងឧក្រិដ្ឋកម្ម ឆ្លងដែននៃអគ្គស្នង ការដ្ឋាននគរបាលជាតិ កាលពីរសៀលថ្ងៃទី២១ កក្កដា បានបញ្ជូនមន្ដ្រីន គរបាល៣នាក់ ទៅកាន់សាលា ដំបូងរាជធានីភ្នំពេញ ពាក់ករណីការដោះលែងជនជាតិចិន១៨ ដែលប្រព្រឹត្តបទល្មើសនៅខេត្តកំពុងស្ពឺ ។
នៅសាលាដំបូងរាជធានីភ្នំពេញ ត្រូវបានដឹងថា មន្ដ្រីនគរបាលទាំង៣ នាក់នោះ មាន២នាក់ បម្រើការងារនៅអគ្គនាយកដ្ឋានអត្តសញ្ញាណកម្ម ថ្នាក់ឧត្តមសេនីយ៍ម្នាក់ និងវរសេនីយ៍ត្រីម្នាក់ និងម្នាក់ទៀតបម្រើការងារនៅការិយាល័យស៊ើបអង្កេត និងនីតិវិធី នៃអគ្គនាយកដ្ឋានជនអន្ដោប្រវេសន៍ ។ គួរបញ្ជាក់ថា កាលពីថ្ងៃទី១៨ កក្កដា ២០១៩ កម្លាំងសមត្ថកិច្ចខេត្តកំពង់ស្ពឺ បានបើកប្រតិបត្តការ បង្ក្រាបករណីជន
ជាតិចិ ជំរិតទារប្រាក់តាមប្រព័ន្ធអ៊ីនធ័រណេត១៨ នាក់ ។
ប៉ុន្ដែបែជាត្រូវមន្ដ្រីនគរបាលទាំង៣នាក់នោះ បានចេញមុខរត់ការឲ្យមានការដោះលែង ជនជាតិចិនទាំង១៨ នាក់នោះ ទើបបានជាមានការបែកធ្លាយដល់ថ្នាក់ដឹកនាំ រហូតឈានដល់ការឃាត់ខ្លួនមន្ត្រីនគរបាល៣ បញ្ជូនទៅសាលាដំបូងរាជធានីភ្នំពេញ ដែលសំណុំរឿងនោះបានស្ថិតនៅដៃលោក សាយ ណូរ៉ា ព្រះ រាជអាជ្ញារងធ្វើការសាកសួរ ។
ការសាកសួរមន្ត្រីនគរបាលទាំង៣ នាក់នោះបានអូសបន្លាយដល់ម៉ោងជិត៨ យប់ថ្ងៃដដែលទើបបាន
បញ្ចប់ ក្រោយសាកសួរបញ្ចប់លោកព្រះរាជ អាជ្ញារងកាន់សំណុំរឿង មិនទាន់បានចោទប្រកាន់លើជនត្រូវពីបទល្មើសអ្វីនៅឡើយទេ ដោយបានប្រគល់មន្ត្រីនគរបាល៣ នាក់ទៅសមត្តកិច្ចគ្រប់គ្រងវិញ និងតម្រូវឲ្យព្រឹកថ្ងៃទី២២ កក្កដា បញ្ជូនម្តងទៀត ។ លុះព្រឹកថ្ងៃ២២ កក្កដា ក្រោយពីបញ្ចប់ការសាកសួររួចតំណាងអយ្យការ បានសម្រេចប្រគល់មន្ត្រីនគរបាលទាំង៣ នាក់ឲ្យទៅអង្គភាពប្រឆាំងអំពើពុករលួយ ដើម្បីបន្តនីតិវិធី ។
សូមបញ្ជាក់ទៀតថា កម្លាំងស្នងការដ្ឋាននគរបាលខេត្ត ផែនអន្តោប្រវេសន្តសហការជាមួយកម្លាំងនគរបាលព្រហ្មទណ្ឌ និងអាជ្ញាធរស្រុកបសេដ្ឋ ដោយមានការសម្របសម្រួលពីលោក ខៃ សម្ផស្ស ព្រះរាជអាជ្ញារង អមសាលាដំបូងខេត្តកំពង់ស្ពឺ បានចុះត្រួតពិនិត្យទីតាំងមួយកន្លែង ក្នុងចំការស្វាយរបស់ឈ្មោះ ហេ ជីវអេង បានជួលឲ្យទៅឈ្មោះ រ័ត្ន ពិន ស្ថិតនៅភូមិចារ ឃុំស្វាយចចឹប ស្រុកបសេដ្ឋ ខេត្តកំពង់ស្ពឺ ។
បន្ទាប់ពី Facebook Page អគ្គនាយកដ្ឋានអន្តោប្រវេសន្តចេញផ្សាយ កាលពីយប់ថ្ងៃទី១៧ ខែកក្កដា ថា ប្រតិបត្តិការនេះ ធ្វើឡើងនាវេលាម៉ោង១០ និង៩នាទី ថ្ងៃទី១៧ ខែកក្កដា ឆ្នាំ២០១៩ ឃាត់ខ្លួនជនបរទេសចំនួន១៨នាក់ មានសញ្ជាតិចិន៦នាក់ ,ចិនតៃវ៉ាន់១២នាក់ ដែលជាប់ពាក់ព័ន្ធនឹងករណីចាប់ជំរិត ទារប្រាក់តាមប្រព័ន្ធអ៉ីនធើណេត (VOIP) និងធ្វើការដកហូតសម្ភារៈមួយចំនួនរួមមាន ទូរស័ព្ទដៃ ម៉ាក អាយហ្វូន ចំនួន ២១គ្រឿង, អុបពូរ ០១គ្រឿង, សាំស៊ុង ០១គ្រឿង,ណូគា ០៦គ្រឿង, អាយផេត ០៤គ្រឿង, កុំព្យូទ័រលេបថប់ ០៥គ្រឿង, ឌែសថប់ ០១គ្រឿង, ព្រីនធើ ០២គ្រឿង,ដុំWifi ០២គ្រឿង, ស្ទិកឃើ ០១គ្រឿង, ទូរស័ព្ទលើតុ៣៣គ្រឿង (ថ្មី ០៨គ្រឿង), អាយកូម ០៦គ្រឿង, លុយដុល្លារក្លែងក្លាយ ០២ដុំ (៥២សន្លឹក)។ (សម្រួលដោយ៖ ស្រីណា)
ចែករំលែកព័តមាននេះ