ខេត្តព្រះសីហនុ ៖ តាមសេចក្តីរាយការណ៍បឋមបានឱ្យដឹងថា កាលពីវេលាម៉ោង៣ឈានចូលព្រឹកថ្ងៃទី២៥ កក្កដា ឆ្នាំ២០១៩ លោកគួច ចំរើន អភិបាលខេត្ត បានដឹកនាំកម្លាំងចុះធ្វើការឡោមព័ទ្ធទីតាំងខារ៉ាអូខេមួយកន្លែងយីហោ…
ខេត្តព្រះសីហនុ ៖ តាមសេចក្តីរាយការណ៍បឋមបានឱ្យដឹងថា កាលពីវេលាម៉ោង៣ឈានចូលព្រឹកថ្ងៃទី២៥ កក្កដា ឆ្នាំ២០១៩ លោកគួច ចំរើន អភិបាលខេត្ត បានដឹកនាំកម្លាំងចុះធ្វើការឡោមព័ទ្ធទីតាំងខារ៉ាអូខេមួយកន្លែងយីហោ «លោកអូបាម៉ា» ស្ថិតនៅក្រុមទី៥ ភូមិ៤ សង្កាត់លេខ៤ ក្រុងខេត្តព្រះសីហនុ ដោយឃាត់ជនជាតិចិនប្រមាណជាង១០០នាក់ តាមការសន្និដ្ឋានជំហានដំបូងគឺមានជាប់ពាក់ព័ន្ធទៅនឹងករណីគ្រឿងញៀន ប៉ុន្តែគេនៅពុំទាន់ដឹងថា គ្រឿងញៀននៅក្នុងក្លឹបកម្សាន្តមួយនេះ សមត្ថកិច្ចបានរកឃើញមានចំនួនប៉ុន្មាននោះទេ ហើយក៏មិនដឹងពីចំនួនជនជាតិចិនដែលឃាត់ខ្លួនជំហានដំបូងមានប៉ុន្មាននាក់នោះដែរ។
តាមសេចក្តីរាយការណ៍បានបន្តថា គិតមកដល់ម៉ោង៦ព្រឹកថ្ងៃទី២៥ ខែកក្កដា ឆ្នាំ២០១៩ នេះ សមត្ថកិច្ចនៅបន្តរុករកទីតាំងលួចលាក់សារធាតុញៀន ទោះបីជាសមត្ថកិច្ចបានរកឃើញនៅតាមបន្ទប់មានគ្រឿងញៀនសម្រាប់បម្រើឲ្យភ្ញៀវយ៉ាងណាក៏ដោយ ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា)
ចែករំលែកព័តមាននេះ