ខេត្តកណ្តាល ៖ សេចក្តីរាយការណ៍បឋមបានឲ្យដឹងថា ក្រុមដៃស្អិតឆ្លងដែនម្នាក់ក្នុងចំណោមពីរនាក់ត្រូវបានប្រជាពលរដ្ឋ និងនគរបាលក្រុងតាខ្មៅក្របួចជាប់ បន្ទាប់ពីឆក់កាបូបពីនារីអ៊ុតសក់បានសម្រេចហើយ តែក្រុមជនសង្ស័យបើកម៉ូតូគេចទៅប៉ះដៃម៉ូតូអ្នកធ្វើដំណើរ ទើបជនសង្ស័យម្នាក់លោតចុះ និងម្នាក់ទៀតបើកម៉ូតូគេចខ្លួនបាត់ ដែលហេតុការណ៍នេះបានកើតឡើងនៅវេលាម៉ោង១៩និង៤០នាទីថ្ងៃទី២៣…
ខេត្តកណ្តាល ៖ សេចក្តីរាយការណ៍បឋមបានឲ្យដឹងថា ក្រុមដៃស្អិតឆ្លងដែនម្នាក់ក្នុងចំណោមពីរនាក់ត្រូវបានប្រជាពលរដ្ឋ និងនគរបាលក្រុងតាខ្មៅក្របួចជាប់ បន្ទាប់ពីឆក់កាបូបពីនារីអ៊ុតសក់បានសម្រេចហើយ តែក្រុមជនសង្ស័យបើកម៉ូតូគេចទៅប៉ះដៃម៉ូតូអ្នកធ្វើដំណើរ ទើបជនសង្ស័យម្នាក់លោតចុះ និងម្នាក់ទៀតបើកម៉ូតូគេចខ្លួនបាត់ ដែលហេតុការណ៍នេះបានកើតឡើងនៅវេលាម៉ោង១៩និង៤០នាទីថ្ងៃទី២៣ ខែកក្កដា នៅចំណុចមុខសាលាគរុកោសល្យភូមិភាគ ភូមិព្រែកសំរោង សង្កាត់តាខ្មៅ ក្រុងតាខ្មៅ ខេត្តកណ្តាល ។
ជនរងគ្រោះ ឈ្មោះអ៊ុក ចាន់ណាក់ ភេទស្រី អាយុ២៦ឆ្នាំ ជនជាតិខ្មែរ ទីលំនៅភូមិព្រែកសំរោង៣ សង្កាត់តាខ្មៅ ខេត្តកណ្តាល មុខរបរជាងអ៊ុតសក់ ។ ជនសង្ស័យ២នាក់ទី០១-ឈ្មោះយ៉ាន់ ថាវ៉ាត់ ភេទប្រុស អាយុ១៦ឆ្នាំ ជនជាតិខ្មែរស្នាក់នៅភូមិបឹងឈូក សង្កាត់ច្បារអំពៅ២ ខណ្ឌច្បារអំពៅ រាជធានីភ្នំពេញ មុខរបរមិនពិតប្រាកដ (ឃាត់ខ្លួន) និងទី០២-មិនស្គាល់អត្តសញ្ញាណ(គេចខ្លួន) ។ សម្ភារបាត់បង់មាន ទូរស័ព្ទដៃ១គ្រឿងម៉ាក iphone x ពណ៌ស ។
លោកវរសេនីយ ស កែវពិសិដ្ឋ អធិការនគរបាលក្រុងតាខ្មៅបានអោយដឹងថា មុនពេលកើតហេតុជនរងគ្រោះបានជិះម៉ូតូជាមួយប្តីរបស់ខ្លួនក្នុងគោលបំណងមកមើលការប្រគុំតន្ត្រី និងតាំងពិព័រណ៌នៅសួនច្បារមាត់ទន្លេតាខ្មៅ លុះជិះមកដល់ចំណុចកើតហេតុខាងលើជនរងគ្រោះកំពុងចុចទូរស័ព្ទលេង ពេលនោះស្រាប់តែជនសង្ស័យជិះម៉ូតូម៉ាកសង់ពណ៌ខ្មៅមិនចាំសេរី និងផ្លាកលេខមកដល់ទន្ទឹមខាងស្តាំដៃ ធ្វើសកម្មភាពឆក់យកទូរស័ព្ទរបស់ជនរងគ្រោះហើយជិះគេចខ្លួន ។
ភ្លាមនោះជនរងគ្រោះបានជិះម៉ូតូដេញតាមរហូតដល់ស្តុប១១០ ម៉ូតូរបស់ជនសង្ស័យបានប៉ះដៃចង្កួតជាមួយអ្នកធ្វើដំណើរស្របទិសគ្នា បណ្តាលអោយរ៉េចង្កូតចង់ដួលទើបជនសង្ស័យឈ្មោះយ៉ាន់ ថាវ៉ាត់ លោតចុះពីលើម៉ូតូត្រូវបានជនរងគ្រោះ និងប្រជាជនចាប់វាយ និងឃាត់ខ្លួនប្រគល់ជូនសមត្ថកិច្ច ដើម្បីធ្វើការសាកសួរ ចំណែកឯបក្សពួកជនសង្ស័យម្នាក់ទៀតជិះម៉ូតូគេចខ្លួនបាត់តែម្តង ។ នៅចំពោះមុខសមត្ថកិច្ចជនសង្ស័យពុំព្រមឆ្លើយសារភាពឡើយ ។ ករណីនេះកម្លាំងជំនាញកំពុងសាកសួរបន្ត ដើម្បីកសាងសំណុំរឿងតាមនីតិវិធី ៕ កែសម្រួលដោយ ៖ សុឃាក់
ចែករំលែកព័តមាននេះ