រាជធានីភ្នំពេញ ៖ សេចក្តីរាយការណ៍បានបន្តឱ្យដឹងថា អង្គភាពប្រឆាំងអំពើពុករលួយ បាននាំខ្លួនមន្ត្រីនគរបាល៣នាក់មកកាន់សាលាដំបូងរាជធានីភ្នំពេញមកសាកសួរ នៅព្រឹកថ្ងៃទី២៤ កក្កដា នេះ ពាក់ព័ន្ធករណីរត់ការដោះលែងជនជាតិចិន១៨នាក់នៅខេត្តកំពង់ស្ពឺ ដែលសំណុំរឿងស្ថិតនៅស្ថាប័នអយ្យការកំពុងធ្វើការសាកសួរ…
រាជធានីភ្នំពេញ ៖ សេចក្តីរាយការណ៍បានបន្តឱ្យដឹងថា អង្គភាពប្រឆាំងអំពើពុករលួយ បាននាំខ្លួនមន្ត្រីនគរបាល៣នាក់មកកាន់សាលាដំបូងរាជធានីភ្នំពេញមកសាកសួរ នៅព្រឹកថ្ងៃទី២៤ កក្កដា នេះ ពាក់ព័ន្ធករណីរត់ការដោះលែងជនជាតិចិន១៨នាក់នៅខេត្តកំពង់ស្ពឺ ដែលសំណុំរឿងស្ថិតនៅស្ថាប័នអយ្យការកំពុងធ្វើការសាកសួរ ។ សូមបញ្ជាក់៖ ក្រោយសួរនាំប៉ូលិសទាំង៣…ក៏ប្រគល់ទៅACUចាត់ការបន្ត
គួររំលឹកថា លោក សាយ ណូរ៉ា ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ កាលពីព្រឹកថ្ងៃទី២២ កក្កដា បានសម្រេចប្រគល់មន្ត្រីនគរបាល៣នាក់ ដែលពាក់ព័ន្ធករណីរត់ការ និងអន្ដរាគមន៍ឲ្យមានការដោះលែងជនជាតិចិនចំនួន១៨នាក់ ជាក្រុមចាប់ជំរិតតាម Online ដែលកម្លាំងនគរបាលខេត្ត កំពង់ស្ពឺ ទើបតែចាប់ខ្លួន ឲ្យទៅអង្គភាពប្រឆាំងអំពើពុក រលួយ (ACU) ចាត់ការបន្ត ដើម្បីស្វែងរកអ្នកពាក់ព័ន្ធដទៃផ្សេងទៀត ។
កម្លាំងសមត្ថកិច្ចនគរបាលនាយកដ្ឋានប្រឆាំងភេរវកម្ម និងឧក្រិដ្ឋកម្ម ឆ្លងដែននៃអគ្គស្នងការដ្ឋាននគរបាលជាតិ កាលពីរសៀលថ្ងៃទី២១ កក្កដា បានបញ្ជូនមន្ដ្រីនគរបាល៣នាក់ ទៅកាន់សាលាដំបូងរាជធានីភ្នំពេញ ពាក់ករណីការដោះលែងជនជាតិចិន១៨ ដែលប្រព្រឹត្តបទល្មើសនៅខេត្តកំពុងស្ពឺ ។
នៅសាលាដំបូងរាជធានីភ្នំពេញ ត្រូវបានដឹងថា មន្ដ្រីនគរបាលទាំង៣ នាក់នោះ មាន២នាក់ បម្រើការងារនៅអគ្គនាយកដ្ឋានអត្តសញ្ញាណកម្ម ថ្នាក់ឧត្តមសេនីយ៍ម្នាក់ និងវរសេនីយ៍ត្រីម្នាក់ និងម្នាក់ទៀតបម្រើការងារនៅការិយាល័យស៊ើបអង្កេត និងនីតិវិធី នៃអគ្គនាយកដ្ឋានជនអន្ដោប្រវេសន៍ ។ នគរបាលទាំង៣ នាក់ត្រូវបានគេស្គាល់ ១-ឈ្មោះ សឿន សុថា ២-ឈ្មោះ រ័ត្ន ពិន និងឈ្មោះ វណ្ណ សុភាព ។ (សម្រួលដោយ៖ ស្រីណា) ។ ព័ត៌មានបន្ថែមនឹងមានផ្សាយជូនបន្តទៀត ។
ចែករំលែកព័តមាននេះ