រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា បុរស៤នាក់បានចូលផឹកស៊ីក្នុងហាងគោដុតមួយកន្លែង លុះស្រវឹងធ្លាក់ភ្នែក ស្រាប់តែរករឿងបោកកែវបោកចានផ្អើលភ្ញៀវ និងសន្តិសុខចូលទៅឃាត់ ស្រាប់តែផ្ទុះហិង្សាវាយគ្នា បណ្តាលអោយមាននាក់រងរបួស ដែលហេតុការណ៍នេះបានកើតឡើង…
រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា បុរស៤នាក់បានចូលផឹកស៊ីក្នុងហាងគោដុតមួយកន្លែង លុះស្រវឹងធ្លាក់ភ្នែក ស្រាប់តែរករឿងបោកកែវបោកចានផ្អើលភ្ញៀវ និងសន្តិសុខចូលទៅឃាត់ ស្រាប់តែផ្ទុះហិង្សាវាយគ្នា បណ្តាលអោយមាននាក់រងរបួស ដែលហេតុការណ៍នេះបានកើតឡើង កាលពីវេលាម៉ោង១០យប់ថ្ងៃទី២២ ខែកក្កដា ឆ្នាំ២០១៩ នៅក្នុងហាងផឹកស៊ីមួយកន្លែង យីហោគោដុតរឹទ្ធពិទូ នៅតាមបណ្តោយផ្លូវចូលកន្លែងចាក់សំរាមចាស់ ភូមិដំណាក់ធំ សង្កាត់ស្ទឹងមានជ័យ២ ខណ្ឌមានជ័យ ។
ចំណែកភាគីដែលចូលទៅផឹកស៊ីអុកឡុកក្នុងហាងខាងលើមិនបានអោយដឹងឈ្មោះនោះទេ គ្រាន់តែដឹងថា មានគ្នា៤នាក់ ។
បើតាមការរៀបរាប់របស់បុគ្គលិកបម្រើការក្នុងហាងបានអោយដឹងថា នៅមុនពេលកើតហេតុគេបានឃើញបុរស៤នាក់ វ័យជាង៤០ឆ្នាំ បានចូលទៅផឹកស៊ីនៅក្នុងហាងតាំងពីក្បាលព្រលប់មកម្លេះ លុះផឹកអស់ស្រា និងសាច់ក្លែមជាច្រើនមុខហើយក៏ស្រវឹងធ្លាក់ភ្នែករៀងៗខ្លួន មិនដឹងថា មានរឿងអ្វីនឹងគ្នានោះទេ ស្រាប់តែបុរសទាំងនោះបានយកកែវ និងចានបោកកម្ទេចចោលផ្អើលភ្ញៀវដែលនៅអង្គុយជិតរត់ចេញអស់ ហើយស្របពេលនេះដែរមានបុរសជាសន្តិសុខមើលការខុសត្រូវនៅទីនោះ បានចូលទៅឃាត់ ស្រាប់តែបុរសម្នាក់បានវាយទៅសន្តិសុខរូបនោះ តែត្រូវសន្តិសុខអូសចេញមកក្រៅបង្កហិង្សាវាយគ្នាទៅវិញទៅមក បណ្តាលឲ្យបុរសម្នាក់ក្នុងចំណោមគ្នីគ្នា៤នាក់រងរបួសបោងភ្នែកខាងស្តាំក៏ត្រូវបានបុគ្គលិគប្រុសនាំគ្នាជួយឃាត់ ហើយរាយការណ៍ជូនសមត្ថកិច្ចមូលដ្ឋាន និងកងរាជអាវុធហត្ថខណ្ឌមានជ័យចុះទៅអន្តរាគមន៍ផងដែរ។
ដោយឡែកខាងភាគីខាងបុរស៤នាក់បានចោទថា ខាងម្ចាស់ហាងព្រួតគ្នាវាយពួកគាត់
បណ្តាលអោយដាច់ខ្សែ.កផងដែរ ។ ក្រោយកើតហេតុភាគីទាំសង្ខាងមិនបានប្តឹងផ្តល់គ្នានោះទេ គឺបញ្ចប់គ្នាត្រឹមសុំទោស ដើម្បីបញ្ចប់រឿងហើយក៏មិនបានគិតលុយថ្លៃផឹកស៊ី និងខូចខាតសម្ភារផងដែរ ៕ កែសម្រួលដោយ ៖ សុឃាក់
ចែករំលែកព័តមាននេះ