រាជធានីភ្នំពេញ ៖ អ្នកនាំពាក្យក្រសួងការជាតិលោក ឈុំ សុជាត ការផ្សាយព័ត៌របស់សហរដ្ឋអាមេរិកថា កម្ពុជាបានចុះហត្ថលេខាជាមួយចិន ដើម្បីឲ្យកងព័ទចិនប្រើប្រាស់ទឹកដីកម្ពុជាជាមូលដ្ឋាននោះ គឺជាចេតនាចង់បំផ្លាញដល់សន្តិសុខ និងសន្តិភាពនៅកម្ពុជា…
រាជធានីភ្នំពេញ ៖ អ្នកនាំពាក្យក្រសួងការជាតិលោក ឈុំ សុជាត ការផ្សាយព័ត៌របស់សហរដ្ឋអាមេរិកថា កម្ពុជាបានចុះហត្ថលេខាជាមួយចិន ដើម្បីឲ្យកងព័ទចិនប្រើប្រាស់ទឹកដីកម្ពុជាជាមូលដ្ឋាននោះ គឺជាចេតនាចង់បំផ្លាញដល់សន្តិសុខ និងសន្តិភាពនៅកម្ពុជា និងក្នុងតំបន់ ។
លោកឈុំ សុជាតិ បានលើកឡើងលើបណ្តាញសង្គម នៅមុននេះយ៉ាងដូច្នេះថា ៖« វាជារឿងហួសចិត្តដែលសារព័ត៌មានរបស់សហរដ្ឋអាមេរិកបានប្រឌិតព័ត៌មានដ៏ឆ្កួតលីលា តាមអំពើចិត្ត អំពីមូលដ្ឋានទ័ពបរទេសនៅលើទឹកដីកម្ពុជា ហើយត្រូវបានបន្ទោស ដោយសារព័ត៌មានរបស់ពួកគេដទៃទៀត ដែលហាក់ធ្វើឡើងក្នុងចេតនាចង់បំផ្លាញដល់សន្តិសុខ និងសន្តិភាពនៅកម្ពុជា និងក្នុងតំបន់» ។ លោកបន្ថែមថា ក្នុងនាមអ្នកនាំពាក្យក្រសួងការពារជាតិ ខ្ញុំមិនអាចទទួលយកការប្រឌិតព័ត៌មានបែបនេះបានឡើយ ។ ក្រសួងការពារជាតិ មិនដែលមានកិច្ចព្រមព្រៀងសម្ងាត់ណាមួយឱ្យកងទ័ពចិនប្រើប្រាស់ទឹកដីកម្ពុជាធ្វើជាមូលដ្ឋានឡើយ ។
អស់លោកល្មមឈប់ប្រើប្រាស់ព័ត៌មានក្លែងបន្លំ អំពីវត្តមានកងទ័ពចិនលើទឹកដីកម្ពុជា ដើម្បីប្រឆាំងនឹងកម្ពុជាតទៅទៀត ។ អ្នកនាំពាក្យរូបនេះបានគូសបញ្ជាក់ថា ពាក់ព័ន្ធនឹងមូលដ្ឋានទ័ពបរទេសនេះកម្ពុជាធ្លាប់បានបញ្ជាក់ជំហរយ៉ាងច្បាស់ច្រើនដងរួចហើយថា រាជរដ្ឋាភិបាលកម្ពុជាមិនអនុញ្ញាតឲ្យមានមូលដ្ឋានទ័ពបរទេសនៅលើទឹកដីកម្ពុជានោះឡើយ ។ លោកថា រដ្ឋធម្មនុញ្ញនៃព្រះរាជាណាចក្រកម្ពុជាក៏មិនអនុញ្ញាតឱ្យមានមូលដ្ឋានទ័ពបរទេសនៅលើទឹកដីរបស់ខ្លួនដែរ ហើយក៏មិនបញ្ជូនកងទ័ពកម្ពុជាទៅក្រៅប្រទេសនោះដែរ លើកលែងតែបេសកកម្មជាមួយអង្គការសហប្រជាជាតិតែមួយប៉ុណ្ណោះ ៕ កែសម្រួលដោយ ៖សុឃាក់
ចែករំលែកព័តមាននេះ