លទ្ធផលនៃការសិក្សាស្រាវជ្រាវថ្មីចុងក្រោយមួយបានរកឃើញថា បណ្តាជនដែលទទួលទានសូកូឡានិងស្រាក្រហមនឹងទទួលទានអត្ថប្រយោជន៍ថ្មីមួយទៀតសម្រាប់សុខភាពរបស់ពួកគេ នោះគឺ ទប់ស្កាត់ការកើតមានជំងឺទឹកនោមផ្អែម ។
លទ្ធផលនៃការសិក្សាស្រាវជ្រាវថ្មីចុងក្រោយមួយបានរកឃើញថា បណ្តាជនដែលទទួលទានសូកូឡានិងស្រាក្រហមនឹងទទួលទានអត្ថប្រយោជន៍ថ្មីមួយទៀតសម្រាប់សុខភាពរបស់ពួកគេ នោះគឺ ទប់ស្កាត់ការកើតមានជំងឺទឹកនោមផ្អែម ។
ការពិសោធទៅលើស្ត្រីស្ម័គ្រចិត្តចំនួន២០០០នាក់ពីសំណាក់ក្រុមអ្នកស្រាវជ្រាវមកពីសាកលវិទ្យាល័យ UEA និង King’s College London ចក្រភពអង់គ្លេសបានបង្ហាញថា សមាសធាតុឈ្មោះ Flavonoidsនៅក្នុងស្រាក្រហម សូកូឡា ក៏ដូចជានៅក្នុង ទឹកតែមានប្រសិទ្ធភាពរក្សារៀបរយនូវកម្រិតគ្លុយកូសក្នុងឈាមទប់ស្កាត់បានការកើតមានជំងឺទឹកនោមផ្អែមប្រភេទ-២ ។ លើសពីនេះសមាសធាតុ Flavonoidsក៏នៅមានប្រសិទ្ធភាពបង្ការជំងឺមួយចំនួនទៀតមានដូចជា ជំងឺបេះដូងជំងឺលើសឈាម ជំងឺមហារីក និងជំងឺភ្លេចភាំ្លងជាដើម ។
ថ្លែងតាមរយៈការចុះផ្សាយក្នុងព្រឹត្តិប័ត្រឈ្មោះ The Journal of Nutrition លោកសាស្ត្រាចារ្យ Aedin Cassidy អ្នកដឹកនាំការសិក្សាមកពីសាកលវិទ្យាល័យ UEAបានបញ្ជាក់ថា៖«យើងបានផ្តោតជាសំខាន់ទៅលើសមាសធាតុ Flavones (មាននៅក្នុងពពួកបន្លែ ពពួករុក្ខជាតិមានក្លិនប្រើជំនួយរសជាតិសម្ល )និងសមាសធាតុ Anthocyanins (មាននៅក្នុងផ្លែបឺរីគ្រប់ប្រភេទទំពាំងបាយជូរក្រហម) ។ នៅក្នុងមន្ទីរពិសោធន៍ យើងបានរកឃើញថា ពពួកអាហារដូចបានរៀបរាប់ខាងដើម អាចផ្លាស់ប្តូរនូវរៀបរយគ្លុយកូសក្នុងឈាម អ្នកដែលប្រើប្រាស់សមាសធាតុ Flavones និង Anthocyanins ច្រើន រ៉េស៊ីស្តង់អាំងស៊ុយលីន(លក្ខខណ្ឌសរីរសាស្រ្តដែលបណ្តាកោសិការាងកាយមិនអាចឆ្លើយតបនឹងការធ្វើសកម្មភាពជាធម្មតារបស់អ័រម៉ូនអាំងស៊ុយលីន) របស់គេចុះថយក្នុងកម្រិតទាប »។ លោកសាស្ត្រចារ្យបានបន្ថែមថា ៖«នេះជាការសិក្សាពិសោធលើមនុស្សលក្ខណទ្រង់ទ្រាយធំលើកទី១ដែលពិនិត្យមើលលើប្រសិទ្ធភាពសមាសធាតុជីវសកម្ម ក្នុងការកាត់បន្ថយហានិភ័យជំងឺទឹកនោមផ្អែម »។
ឯលោកសាស្ត្រាចារ្យ Tim Spector សមាជិកក្រុមស្រាវជ្រាវមកពីសាកលវិទ្យាល័យKing’s College Londonបានថ្លែងថា៖«វាជាលទ្ធផលដ៏រំភើបរីករាយមួយដ្បិតអាហារដែលយើងគិតថា មិនផ្តល់អត្ថប្រយោជន៍ដល់សុខភាពតួយ៉ាងដូចជា សូកូឡាឬស្រាក្រហមបែរជាមានផ្ទុកសារធាតុមានប្រយោជន៍ទៅវិញ ។ ប៉ុន្តែ រឿងសំខាន់មួយដែលមនុស្សទូទៅគួរអនុវត្តដើម្បីបង្ការជំងឺទឹកនោមផ្អែមប្រភេទ-២គឺផ្លាស់ប្តូរបែបបទរស់ នៅ ក្នុងនោះមានដូចជា ហាត់ប្រាណឱ្យបានទៀងទាត់ រក្សាទម្ងន់ខ្លួនកុំឱ្យធាត់ខ្លាំងពេកនិងទទួលទានអាហារដែលផ្តល់ផលល្អដល់សុខភាព »៕
ចែករំលែកព័តមាននេះ