ទឹកក្តៅឧណ្ហគឺជាសមាសធាតុដ៏សំខាន់ចំពោះរាងកាយ ដែលរាងកាយត្រូវការជាចាំបាច់ ក្នុងការបញ្ជូនសារធាតុអាហារទៅចិញ្ចឹមសរីរាង្គនិងជួយសម្រួលក្នុងការបញ្ចេញកាកសំណល់ផ្សេងៗ ។ ក្រៅពីនេះ ទឹកអាចជួយស្តារសុខភាពបានយ៉ាងប្រសើរទៀតផង ជាពិសេសទឹកក្តៅឧណ្ហៗ ។ គួរទទួលទានតាំងពីម៉ោង៥ភ្លឺប្រមាណកន្លះលីត្រ នឹងចូលទៅជម្រះលាងវត្ថុកខ្វក់ក្នុងរាងកាយឱ្យចេញមកក្រៅ ។
ប៉ុន្តែអ្នកមិនត្រូវភ្លេចទទួលទានអាហារពេលព្រឹកទេ ព្រោះបន្ទាប់ពីលាងជម្រះប្រព័ន្ធរំលាយអាហារហើយ នៅពេលអាហារថ្មីចូលទៅ ទឹកនឹងធ្វើការរំលាយអាហារបានល្អ រីឯប្រព័ន្ធរំលាយអាហារ ក៏ធ្វើការបានស្រួល ។នៅពេល រាង កាយបានទទួលទឹកគ្រប់គ្រាន់ នឹងធ្វើឱ្យស្បែកស្រស់ថ្លា ហើយការទទួលទានទឹកក្តៅឧណ្ហៗ គឺជាការលាងជាតិពុលក្នុងខ្លួន ដូចជា ពួកជំងឺលើសឈាម ឬជំងឺមានសារធាតុខ្លាញ់ក្នុងឈាមខ្ពស់ ដែលជំងឺទាំងនេះបណ្តាលមកពីបញ្ហាខ្វះជាតិទឹក ។
* ហូបផ្លែម្នាស់ដើម្បីព្យាបាលការជាំស្បែក
មនុស្សខ្លះងាយនឹងជាំស្បែកណាស់ដោយ គ្រាន់តែមានការប៉ះទង្គិចបន្តិចបន្តួចប៉ុន្តែ តើអ្នកដឹងទេថា ដោយគ្រាន់តែ ហូបផ្លែម្នាស់ក៏អាចលុបបំបាត់បញ្ហានេះបានដែរ នោះ ។ ផ្លែម្នាស់ គឺជាប្រភេទផ្លែឈើដែលសម្បូរទៅដោយអង់ហ្ស៊ីមម្យ៉ាងឈ្មោះថា ប្រូមេឡែន ដែលអ្នកខ្លះ ប្រើដើម្បីជាថ្នាំព្យាបាល មិនឱ្យមានការហើមសាច់បន្ទាប់ពីមានរបួស ។ តែត្រូវដឹងថា ហូបផ្លែម្នាស់កុំឱ្យលើស ពីមួយចំហៀង ក្នុងមួយថ្ងៃ ព្រោះប្រសិនបើហូបផ្លែម្នាស់ច្រើនពេក វាអាចនាំឱ្យមានបញ្ហាឈឺពោះហើយរាក ។
*វិធីបង្ការជំងឺឫសដូងបាត
ឫសដូងបាត គឺជាអាការៈរោគមួយប្រភេទ កើត ឡើងនៅត្រង់ទ្វារធំ (រន្ធគូទ) ដែលបង្កការលំបាកយ៉ាងខ្លាំង នៅពេលបន្ទោបង់ម្តងៗ ។ វិធីការពារកុំឱ្យកើតឫសដូងបាត៦ចំណុច អាចជួយអ្នកបាន ៖
១-ពិសាទឹកក្នុងមួយថ្ងៃឱ្យបានយ៉ាងតិច៨កែវ
២-ទទួលទានបន្លែ ផ្លែឈើ ដែលមានសរសៃ ដូចជាចេក ក្រូច និងម្នាស់…
៣-បន្ទោបង់ឱ្យទៀងទាត់ពេលវេលា និងមិនត្រូវប្រឹងខ្លាំងពេកទេ ព្រោះអាចនាំឱ្យឈាមកកស្ទះនៅបរិវេណទ្វារធំ បណ្តាលឱ្យហើម និងយារចេញមក
៤-ត្រូវហាត់ប្រាណជាប្រចាំ
៥-គេងឱ្យបានគ្រប់គ្រាន់
៦-ចៀសវាងចំណីអាហា ដែលបង្កឱ្យកើតអាការៈក្រហល់ក្រហាយដល់ផ្លូវអាហារដូចជា ហឹរខ្លាំង កាហ្វេ ទឹកតែ និងភេសជ្ជៈ ដែលមានជាតិអាល់កុល ៕
ចែករំលែកព័តមាននេះ