រាធានីភ្នំពេញ ៖ សេចក្តីរាយការណ៍បឋម សង្វៀនជល់មាន់១កន្លែង ត្រូវបានកម្លាំងនគរបាលផ្នែកអន្តរាគមន៍ខណ្ឌពោធិ៍សែនជ័យសហការណ៍ជាមួយកម្លាំងនគរបាលប៉ុស្តិ៍កាកាប២ បង្ក្រាបដោយចាប់ខ្លួនអ្នកញៀនល្បែងចំនួន៩នាក់ ព្រមទាំងដកហូតម៉ូតូចំនួន៥គ្រឿង និងអាគក៤ក្បាលផងដែរ ។ ខណៈអ្នកទាំងនោះកំពុងប្រមូលផ្ដុំគ្នាជល់មាន់ដោយលួចលាក់…
រាធានីភ្នំពេញ ៖ សេចក្តីរាយការណ៍បឋម សង្វៀនជល់មាន់១កន្លែង ត្រូវបានកម្លាំងនគរបាលផ្នែកអន្តរាគមន៍ខណ្ឌពោធិ៍សែនជ័យសហការណ៍ជាមួយកម្លាំងនគរបាលប៉ុស្តិ៍កាកាប២ បង្ក្រាបដោយចាប់ខ្លួនអ្នកញៀនល្បែងចំនួន៩នាក់ ព្រមទាំងដកហូតម៉ូតូចំនួន៥គ្រឿង និងអាគក៤ក្បាលផងដែរ ។ ខណៈអ្នកទាំងនោះកំពុងប្រមូលផ្ដុំគ្នាជល់មាន់ដោយលួចលាក់ ក្រោមការធុញទ្រាន់ពីសំណាក់អ្នកភូមិ ទើបអ្នកភូមិរាយការណ៍សុំឲ្យកម្លាំងជួយបង្ក្រាបតែម្ដង ។
ទីតាំងសង្វៀនជល់មាន់ខាងលើ ស្ថិតនៅក្នុងភូមិព្រៃសាលា សង្កាត់កាកាប២ ខណ្ឌពោធិ៍សែនជ័យ រាជធានីភ្នំពេញ ហើយត្រូវបានកម្លាំងនគរបាលបង្ក្រាប កាលពីវេលាម៉ោង១០ព្រឹក ថ្ងៃទី២១ ខែកក្កដានេះ ។ នគរបាលបាននិយាយថា បុរសដែលត្រូវចាប់ខ្លួនទាំង៩នាក់នោះ រួមមាន ៖ ១ -ឈ្មោះថា ចាន់ថន អាយុ២៧ឆ្នាំ ស្នាក់នៅបន្ទប់ជួល ក្នុងភូមិទួលពង្រ សង្កាត់ចោមចៅ១ ។ ២- ឈ្មោះ ហយ ម៉ាណែត អាយុ៣៩ឆ្នាំ ស្នាក់នៅផ្ទះជួលម្ដុំផ្សារទួលសង្កែ ក្នុងសង្កាត់ទួលសង្កែ ខណ្ឌឫស្សីកែវ ។ ៣- ឈ្មោះអេង សំអាន អាយុ៣២ឆ្នាំ ស្នាក់នៅផ្ទះជួលក្នុងភូមិព្រៃសាលា សង្កាត់កាកាប២ ខណ្ឌពោធិ៍សែនជ័យ ។ ៤- ឈ្មោះសុខ អ៊ាង អាយុ៣៧ឆ្នាំ ស្នាក់នៅផ្ទះជួល សង្កាត់ទួលស្វាយព្រៃទី១ ខណ្ឌចំការមន ។ ៥- ឈ្មោះផាន់ រិទ្ធី អាយុ២៧ឆ្នាំ ស្នាក់នៅភូមិត្រពាំងជ្រៃ សង្កាត់កាកាប២ ខណ្ឌពោធិ៍សែនជ័យ ។ ៦- ឈ្មោះមាឃ ថាប់ ហៅឡាយ អាយុស្នាក់នៅបន្ទប់ជួលភូមិត្រពាំងជ្រៃ សង្កាត់កាកាប២ ខណ្ឌពោធិ៍សែនជ័យ ។ ៧ – ឈ្មោះស៊ុន បុនណា អាយុ២៩ឆ្នាំ ស្នាក់នៅផ្ទះជួលភូមិចំការឪឡឹក សង្កាត់កាកាប២ ខណ្ឌពោធិ៍សែនជ័យ ។ ៨-ឈ្មោះស៊ុត ហួង ហៅពៅ អាយុ២៨ឆ្នាំ ស្នាក់នៅផ្ទះជួលភូមិចំការឪឡឹក២ ខណ្ឌពោធិ៍សែនជ័យ ។
៩- ឈ្មោះឃី សម្បត្តិ អាយុ២៩ឆ្នាំ ស្នាក់នៅផ្ទះជួលក្នុងភូមិត្រពាំងជ្រៃ សង្កាត់កាកាប២ ខណ្ឌពោធិ៍សែនជ័យ ។ ប្រភពដដែលបានបន្តថា នៅមុនពេលឈានដល់ការចុះទៅបង្ក្រាប និងចាប់ខ្លួនកម្លាំនគរបាលខាងលើបានល្បាតពួនស្ទាក់បទល្មើសនៅក្នុងមូលដ្ឋាន ខណៈនោះបានទទួលដំណឹងពីអ្នកភូមិថា មានមនុស្ស១ក្រុម កំពុងជួបជុំគ្នាជល់មាន់យ៉ាងសប្បាយ ។
ពេលនោះកម្លាំងក៏បានចុះទៅអន្តរាគមន៍ឆ្មក់ចូលទៅបង្ក្រាប និងចាប់ខ្លួនបានចំនួន៩នាក់ ព្រមទាំងដកហូតបានម៉ូតូម៉ាកហុងដាឌ្រីមសេ១២៥ ចំនួន៤គ្រឿង និងម៉ូតូម៉ាកហុងដាស្កូបពី១គ្រឿង រួមជាមួយមាន់ជល់ចំនួន៤ក្បាលផងដែរ ។ បន្ទាប់មកបាននាំអ្នកទាងនោះទៅកាន់អធិការដ្ឋាននគរបាលខណ្ឌពោធិ៍សែនជ័យ ដើម្បីធ្វើការសាកសួរ និងកសាងសំណុំរឿងចាត់ការតាមច្បាប់ ៕ កែសម្រួលដោយ ៖ សុឃាក់
ចែករំលែកព័តមាននេះ