កាលពីទសវត្សឆ្នាំ១៩៩០ ការសិក្សាទ្រង់ទ្រាយតូចមួយបានរកឃើញថា មនុស្សពេញវ័យដែលនិយមចូលចិត្តស្តាប់តន្ត្រីពីសតវត្សមុនៗ ខួរក្បាលមានភាពឆ្លាតវៃខ្លាំង ។ ចាប់ពីពេលនោះមក ការសិក្សាស្រាវជ្រាវជាច្រើនត្រូវបានបង្កើតឡើងដើម្បីរកឱ្យឃើញ ថាតើអាហារអ្វីខ្លះដែលចូលរួមចំណែកបង្កើនភាពឆា្លតវៃនេះ ។ខាងក្រោមនេះជាអាហារ១០ប្រភេទដែលក្រុមអ្នកស្រាវជ្រាវជឿថា បានជួយឱ្យខួរក្បាលឈានដល់កម្រិតកំពូលក្នុងការបំពេញមុខងារផ្សេងៗ ៖
១- ពពួកត្រីមានខ្លាញ់ច្រើន ៖
ជាងពាក់កណ្តាលនៃទម្ងន់ខួរក្បាលគឺបង្កើតឡើងដោយលីពីត ហើយជាង៦០ភាគរយនៃលីពីតទាំងនេះគឺជាអាស៊ីតខ្លាញ់ ដែលស្ថិតក្នុងគ្រួសារ Omega ។ ខ្លាញ់ទាំងនេះពិតជាសំខាន់ខ្លាំងណាស់ចំពោះផលិតកម្មនិងអភិវឌ្ឍបណ្តាកោសិកាខួរក្បាល រក្សាភាពរាវនៃភ្នាសកោសិកា ។ តួនាទីសំខាន់មួយទៀតរបស់វាគឺជួយជំរុញសកម្មភាពកោសិកាប្រសាទ ។ ពពួកត្រីសមុទ្រដូចជា សូម៉ុង ធូណាស្រស់និងសាឌីនគឺជាប្រភពខ្លាញ់ Omega-3 ដែលជួយសម្រួលដល់អន្តរទំនាក់ទំនងរវាងបណ្តាកោសិកាខួរក្បាល ។ ចូរទទួលទានត្រីប្រភេទនេះ យ៉ាងហោចណាស់២ដងក្នុងមួយសប្តាហ៍ ។
២- ផលិតផលកែច្នៃពីទឹកដោះគោ (ទឹកដោះគោ ហ្វ្រូម៉ា យ៉ាអួ ) ៖
ផលិតផលទឹកដោះគោមានសារធាតុខ្លាញ់ផ្តល់អត្ថប្រយោជន៍យ៉ាងពិសេសចំពោះខួរក្បាល ។ ខ្វះសារធាតុខ្លាញ់ក្នុងផលិតផលពីទឹកដោះគោអាចបណ្តាលឱ្យកើតមានជំងឺផ្សេងៗក្នុងនោះ ជំងឺពិការភាពសរសៃប្រសាទ (Multiple sclerosis)ជាដើម ។ បន្ថែមពីនេះទៀត ប្រូតេអុីន កាល់ស្យូម វីតាមីន D និងម៉ាញេស្យូមក្នុងផលិតផលទាំងនេះដើរតួនាទីសំខាន់ជួយបង្កើនកម្រិតសកម្មភាពខួរក្បាល ។
៣- ថ្លើមសត្វ ៖
២៥ភាគរយនៃអុកស៊ីសែនរបស់រាងកាយបានចែកទៅឱ្យខួរក្បាល ។ សារធាតុដែកគឺជាតម្រូវការចាំបាច់ដើម្បីបញ្ជូនអុកស៊ីសែនទៅខួរក្បាលតាមរយៈអេម៉ូក្លូប៊ីនឈាម ហើយថ្លើមគឺជាអាហារដែលផ្ទុកដោយសារធាតុនេះ ។ លើសពីនេះ ថ្លើមក៏មានផ្ទុកវីតាមីនក្រុម Bផងដែរ ។ តាំងពីទសវត្សឆ្នាំ ១៩៩០មក បណ្តាវីតាមីនក្រុម Bមានដូចជា B1, B6, B9និង B12ត្រូវគេដឹងថា ជួយធ្វើឱ្យល្អប្រសើរដល់មុខងារយល់ដឹងរបស់ខួរក្បាល ។
៤- ពពួកគ្រាប់ធញ្ញជាតិទាំងមូល ៖
គ្រាប់ធញ្ញជាតិមានដូចជាស្រូវសាឡី ស្រូវធម្មតា….សម្បូរទៅដោយសារធាតុសរសៃ ។ តាមការស្រាវជ្រាវថ្មីៗបានបង្ហាញថា ទទួលទានអាហារដែលសម្បូរសារធាតុសរសៃ កាត់បន្ថយហានិភ័យមុខងារយល់ដឹងរបស់ខួរក្បាល ។ ជាទូទៅដើម្បីទទួលបានអត្ថប្រយោជន៍ គេមិនគួរទទួលទានអាហារនេះមួយមុខតែឯងនោះទេ ។
៥- សាច់ក្រហមគ្មានខ្លាញ់ ៖
ការសិក្សាមួយដែលបានចេញផ្សាយកាលឆ្នាំ២០១១បានបង្ហាញថា ស្ត្រីសុខភាពល្អដែលមានកម្រិតសារធាតុដែកក្នុងចំណោមគ្រប់គ្រាន់ ខួរក្បាលមានភាពវៃឆ្លាតនិងរហ័សរហួនជាងអ្នកដែលមានសារធាតុដែកទាប ។ សារធាតុដែកមាននាទីដឹកជញ្ជូនខ្យល់អុកស៊ីសែនចែកចាយក្នុងរាងកាយនិងទៅកាន់ខួរក្បាល ហើយសាច់ក្រហមជាពិសេសសាច់គោ ជាប្រភពដ៏សម្បូរបែបនៃសារធាតុនេះ ។ កង្វះខាតសារធាតុដែកក្នុងរបបអាហារអាចកាត់បន្ថយសមត្ថភាពដឹកជញ្ជូនអុកស៊ីសែនរបស់ឈាម បណ្តាលឱ្យថយចុះបរិមាណអុកស៊ីសែនក្នុងខួរក្បាល ។
៦- ស៊ុត ៖
ស៊ុតផ្ទុកទៅដោយ Phospholipidsនិង lecithinជាផ្នែកសំខាន់ប្រមូលផ្តុំភ្នាសកោសិកាខួរក្បាល ។ ក្រៅពីនេះ ស៊ុតសម្បូរទៅដោយប្រូតេអុីននិងអាស៊ីតអាមីណូ ។
៧- បន្លែស្ពៃស្លឹកម្យ៉ាងឈ្មោះ Spinach ៖
ដូចបន្លែស្លឹកផ្សេងទៀតដែរ Spinachផ្ទុកសារធាតុចិញ្ចឹមច្រើនយ៉ាងមានដូចជា វីតាមីន និងអាស៊ីតហ្វូលិកជាដើម ។
៨- ពពួកបង្គា បង្កង ក្តាម ខ្យង ខ្ចៅនិងងាវ ៖
ចូរចង់់ចាំថា អាហារដែលអ្នកទទួលទានគឺមានឥទ្ធិពលដោយផ្ទាល់ទៅលើសកម្មភាពខួរក្បាល ។ ទទួលទានពពួកអាហារទាំងនេះពិតជាអាចជួយកែលំម្អដល់អារម្មណ៍និងរក្សាចិត្តឱ្យក្លៀវក្លាជានិច្ច ។
៩- ចេកទុំ ៖
ម៉ាញេស្យូមដ៏សម្បូរបែបក្នុងផ្លែចេកគឺជារ៉ែយ៉ាងសំខាន់មួយ មាននាទីបញ្ជូនរលកសញ្ញាសរសៃប្រសាទ ។ ចំណែកវីតាមីន B6 វិញក៏សំខាន់ណាស់ដែរចំពោះសុខភាពខួរក្បាល ។
១០- ផ្លែប៊័រ ៖
ប៊័រជាផ្លែឈើផ្តល់អត្ថប្រយោជន៍ដល់ខួរក្បាល ក៏ព្រោះសារធាតុប្រេងរបស់វាបានជួយសម្រួលដល់លំហូរឈាមទៅកាន់ខួរក្បាល ។ បន្ថែមពីនេះទៀត វាជួយឱ្យសម្ពាធឈាមថយចុះ ៕
ចែករំលែកព័តមាននេះ