ADផ្ទាំងផ្សព្វផ្សាយពាណិជ្ជកម្ម

Picture

ក្មេងមើលទូរទស្សន៍​ច្រើនអាច​នាំ​ឱ្យ​ខូច​ខួរ​ក្បាល​​

10 ឆ្នាំ មុន

ការ​សិក្សា​ធ្វើ​ឡើង​ដោយ​ក្រុ​ម​អ្នក​ស្រាវ​ជ្រាវ​ជប៉ុន​បាន​បង្ហាញ​ថា ក្មេង​ៗ​ដែល​មើល​ទូរទស្សន៍​ច្រើន​ពេក​អាច​នាំ​ឱ្យ​រច្ច​នា​សម្ព័ន្ធ​ខួរ​ក្បាល​របស់​ពួក​គេ​ផ្លាស់​ប្តូរ​និង​ឈាន​ទៅ​ខូច​ខាត ។

ការ​សិក្សា​ធ្វើ​ឡើង​ដោយ​ក្រុ​ម​អ្នក​ស្រាវ​ជ្រាវ​ជប៉ុន​បាន​បង្ហាញ​ថា ក្មេង​ៗ​ដែល​មើល​ទូរទស្សន៍​ច្រើន​ពេក​អាច​នាំ​ឱ្យ​រច្ច​នា​សម្ព័ន្ធ​ខួរ​ក្បាល​របស់​ពួក​គេ​ផ្លាស់​ប្តូរ​និង​ឈាន​ទៅ​ខូច​ខាត ។

​ការ​ពិ​សោធ​លើ​ក្មេង​អា​យុ​ចន្លោះ​ពី​៥​ឆ្នាំទៅ​១៨​ឆ្នាំ​ចំ​នួន​២៧៦​នាក់​​តាម​រយៈ​ការ​ស្គែន​ខួរ​ក្បាល​បាន​រក​ឃើញ​ថា ក្រុម​ដែល​ចំ​ណាយ​ពេល​ពេល​ជាច្រើន​ម៉ោង​មើល​ទូរទស្សន៍​ កោ​សិ​កា​ប្រសាទ​ពណ៌​ប្រផេះ​​នៅ​តំ​បន់ជុំវិញ Frontopolar Cortex​(ផ្នែក​ខាង ​មុខ​របស់​ខួរ​ក្បាល)​នៃ​ខួរ​ក្បាលរបស់​ពួក​គេ​បាន​ កើន​​ចំ​នួន​ច្រើន​លើស​លប់ ។​ យោង​តាម​អ្នក​វិទ្យា​​សាស្ត្រ​​​សាក​ល​​វិ​ទ្យា​ល​​័យ​To​hoku​ ​Uni​vers​i​-​t​y​​ ក្រុង Sendaiប្រ​ទេស​ជប៉ុន​ ការ​កើន​ឡើង​នៃ​បរិ​មាណ​កោ​សិ​កា​ពណ៌​ប្រ​ផេះ​នេះ​គឺ​ជា​រឿង​អវិជ​្ជ​មាន​ខណៈ​វា​នឹង​ធ្វើ​ឱ្យ​ភាព​វៃ​ឆ្លាត​ខាង​វោ​ហា​រសាស្ត្រ​ចុះ​អន់​ថយ ។ ពួក​គេ​បាន​​ឱ្យ​ដឹង​បន្ត​ថា កោ​សិ​កា​ពណ៌​ប្រ​ផេះ​ អាច​ត្រូវ​បាន​ប្រៀប​ធៀប​ទៅ​នឹង​ទម្ងន់​ខ្លួន​ដែរ​​ហើយ​ថា ផ្នែក​​នេះ​ចាំ​បាច់​ត្រូវ​កាត់​ចេញ​អំ​ឡុង​កុ​មា​រ​ភាព​ដើម្បី​ឱ្យ​ខួរ​ក្បាល​ដំណើរ​ការ​​​ទៅ​ដោយ​ពេញ​សមត្ថ​ភាព ។

ចុះផ្សាយ​ក្នុង​ព្រឹត្តិ​ប័ត្រ​ Cerebral Cortex ក្រុម​អ្នក​វិទ្យា​សាស្ត្រ​បាន​បញ្ជាក់​បន្ថែម​ថា ៖«ផល​ប៉ះ​ពាល់​ពី​ការ​មើលទូរទស្សន៍​ទៅ​លើ​ការ​អភិ​វឌ្ឍរច្ច​នា​សម្ព័ន្ធ​ខួរ​ក្បាល​ មិន​ធ្លាប់​មាន​ការ​សិក្សាស្រាវ​ជ្រាវ​ពី​មុន​មក​ទេ ។ ជា​ការ​សន្និដ្ឋាន​រួម ការ​មើល​ទូរទស្សន៍​គឺ​ជាប់​ពាក់​ព័ន្ធ​ដោយ​​ផ្ទាល់​ឬ​ក៏​ដោយ​ប្រ​យោល​ទៅ​នឹង​ការ​អភិ​វឌ្ឍ​មុខ​ងារ​យល់​ដឹង​របស់​ក្មេង​ »។

ដោយ​ឡែក​ ការ​សិក្សា​លើក​មុន​ដែល​ធ្វើ​ឡើង​ដោយ​អ្នក​វិទ្យា​សាស្ត្រ​២ប្រ​ទេស​រួម​គ្នា​បង្ហាញ​ថា ​មនុស្ស​ធំ​ដែល​​មើល​ទូរទស្សន​៍​ត្រឹម​តែ​ជាង​២ម៉ោង​ក្នុង​​១ថ្ងៃ​អាច​នាំ​ទៅ​រក​សេចក្តី​ស្លាប់​ឆាប់​រហ័ស​ ។ ការ​ពិ​សោធ​​លើ​មនុស្ស​២៣៥.០០០​នាក់​​បាន​រក​ឃើញ​ថា រៀង​រាល់​២ម៉ោង​ដែល​បុគ្គល​​ម្នាក់​​មើល​ទូរទស្សន៍​ប្រចាំថ្ងៃ​  គឺ​បុគ្គល​នោះ​​ប្រឈម​នឹង​អត្រា​កើត​ជំ​ងឺ​ទឹកនោម​ផ្អែម​ប្រភេទ​២​ដល់​២០​ភាគ​រយ​ខណៈ​អត្រា​ប្រ​ឈម​នឹង​​ជំ​ងឺ​បេះ​ដូង​ មាន១៥ភាគរយ ។ ឯអត្រា​ប្រឈម​នឹង​ការ​ស្លាប់​ដោយ​មូល​ហេតុ​ផ្សេង​ៗ​ទៀតគឺ​មាន ​១៣ភាគ​រយ​ ​។​

វេជ្ជ​បណ្ឌិត​ Anders Grontvedមក​ពី​សាកល​វិទ្យាល័យ​ University of Southern​ប្រទេស​ដាណឺម៉ាក​និង​វេជ្ជ​បណ្ឌិត ​Frank Hu ​មក​ពី Harvard School of Public Health​​សហរដ្ឋ​អាមេរិក​បាននិយាយ​ថា កង្វះ​ខាត​ការ​ធ្វើ​លំ​ហាត់​ប្រាណ​គួប​ផ្សំនឹង​ការ​​ទទួល​ទាន​អាហារ​ដែល​គ្មាន​ប្រយោជន៍​ដល់​រាង​កាយ​អំឡុង​មើល​ទូរទស្សន៍​ សុទ្ធ​តែ​ជា​កត្តា​ប្រឈម​យ៉ាង​ធ្ងន់​ធ្ងរ ។

ឯក្រុម​អ្នក​ស្រាវ​ជ្រាវ​របស់​ប្រ​ទេស​ហូ​ឡង់​បាន​រក​ឃើញ​ថា ការ​មើល​ទូរទស្សន៍​រាល់​យប់​អាច​បណ្តាល​ឱ្យ​រឹង​សរសៃ​ឈាម​ក្រ​ហម​ហើយ​ដែល ​នេះ​គឺ​ជា​សញ្ញា​នៃ​ជំ​ងឺ​បេះ​ដូង​ទៅ​ថ្ងៃ​ខាង​មុខ ។ ការ​ពិ​សោធ​​លើ​បុរស​-ស្ត្រី​​​វ័យ​ចន្លោះ​ពី​៣២ឆ្នាំ​ដល់​៣៦​ឆ្នាំ​​ចំ​នួន​៣៧៣​នាក់​បាន​បង្ហាញ​ថា អ្នក​ដែល​ចំ​ណាយ​ពេល​ជាង​២០​នា​ទី​មើល​ទូ​រទស្ស​ន៍​រាល់​យប់​ ធ្វើ​ឱ្យ​សរសៃចែក​ចាយ​ឈាម​សំ​ខាន់​ទៅ​កាន់​ក្បាល​និង​ក​មាន​​សភាព​​រឹង​​ខ្លាំង​​ ៕