រាជធានីភ្នំពេញ ៖ ស្ថានភាពជំងឺគ្រុនឈាមគិតត្រឹមពីខែមករា ដល់សប្តាហ៍ទី២ ខែកក្កដា ឆ្នាំ២០១៩នេះ អ្នកកើតជំងឺគ្រុនឈាមមានចំនួន២១,១៣០នាក់ ស្លាប់២៥នាក់ (អត្រាស្លាប់ ០.១២%)…
រាជធានីភ្នំពេញ ៖ ស្ថានភាពជំងឺគ្រុនឈាមគិតត្រឹមពីខែមករា ដល់សប្តាហ៍ទី២ ខែកក្កដា ឆ្នាំ២០១៩នេះ អ្នកកើតជំងឺគ្រុនឈាមមានចំនួន២១,១៣០នាក់ ស្លាប់២៥នាក់ (អត្រាស្លាប់ ០.១២%) ក្នុងនោះខេត្តចំនួន៩កំពុងប្រឈមឡើងចុះ) និង១៦ខេត្តទៀតមានការថយចុះ ។ នេះបើតាមរបាយការណ៍របស់ក្រសួងសុខាភិបាល ។
របាការណ៍បានឲ្យដឹងថា ខេត្តដែលកំពុងប្រឈមឡើងចុះនៃជំងឺគ្រុនឈាមនេះរួមមាន ខេត្តព្រៃវែង សៀមរាប ព្រះវិហារ កំពង់ស្ពឺ កណ្តាល កែប កំពត មណ្ឌលគិរី និងក្រចេះ ។ ជាមួយគ្នានោះដែរ ក្រសួងសុខាភិបាលក៏បានត្រៀមរួចជាស្រេចនូវថ្នាំអាបេត ថ្នាំបាញ់មូសសឺរ៉ូមសម្រាប់ព្យាបាល និងបានចែកចាយរួចជាស្រេចទៅដល់មន្ត្រីក្រុមការងារ នៅទូទាំង២៥ រាជធានី-ខេត្ត (ចុះទាំងយប់ ចុះទាំងថ្ងៃ) ។
ទោះជាយ៉ាងណាក្តី ដើម្បីចូលរួមលុបបាត់នូវជម្រកមូស គឺសំខាន់បំផុត គឺការចូលរួមពីប្រជាពលរដ្ឋ ដូច្នេះប្រជាពលរដ្ឋត្រូវតែធានា «ផ្ទះរបស់ខ្ញុំគ្មានដង្កូវទឹក» ត្រូវថែរក្សានូវអនាម័យជាប់ជានិច្ច គ្មានកន្លែងដក់ទឹកថ្លាណាមួយក្លាយទៅជាជម្រកមូសខ្លានោះនឹងគ្មានមូសខ្លាញីចម្លងជំងឺគ្រុនឈាមនោះទេ ៕ កែសម្រួលដោយ ៖ សុឃាក់
ចែករំលែកព័តមាននេះ