ហួសចិត្ត…បាត់ឡាន12កៅអីគាត់
- កំពត
ខេត្តព្រៃវែង ៖ សេចក្តីរាយការណ៍បឋមឲ្យដឹងថា កាលពីវេលាម៉ោង៤ទៀបភ្លឺថ្ងៃទី១៦កក្កដា មានករណីចោរលួចរថយន្ត១គ្រឿង នៅភូមិត្បូងវត្ត ឃុំក្របៅ ស្រុកកំចាយមារ ។ រថយន្តដែលត្រូវចោរលួចនេះ…
ខេត្តព្រៃវែង ៖ សេចក្តីរាយការណ៍បឋមឲ្យដឹងថា កាលពីវេលាម៉ោង៤ទៀបភ្លឺថ្ងៃទី១៦កក្កដា មានករណីចោរលួចរថយន្ត១គ្រឿង នៅភូមិត្បូងវត្ត ឃុំក្របៅ ស្រុកកំចាយមារ ។ រថយន្តដែលត្រូវចោរលួចនេះ ម៉ាកសាំយ៉ុងចំណុះ១២កៅអី ពណ៌លឿង គ្មានផ្លាកលេខ ជាកម្មសិទ្ធិរបស់ឈ្មោះ គឹម សុគុណ ភេទប្រុស អាយុ២៩ឆ្នាំ មុខរបររត់តាក់ស៊ី រស់នៅភូមិស្វាយជួរ ឃុំចំការអណ្តូង ស្រុកចំការលើ ខេត្តកំពង់ចាម ។
តាមព័ត៌មានឲ្យដឹងថា កាលពីថ្ងៃទី១៥ កក្កដា ម្ចាស់រថយន្តបានរួមដំណើរជាមួយមនុស្ស៥នាក់ ក្នុងគោលបំណងទៅពិនិត្យជំងឺនៅប្រទេសវៀតណាម ។ ពេលចេញទៅដល់ភូមិត្បូងវត្ត ឃុំក្របៅ ស្រុកកំចាយមារ ដោយសារយប់ជ្រៅពេក ក៏នាំគ្នាសម្រាកនៅផ្ទះឈ្មោះ ភួង សារីន ភេទប្រុស អាយុ៣៦ឆ្នាំ ដែលត្រូវជាបងប្អូន ដើម្បីព្រឹកឡើងបន្តដំណើរទៅទៀត ។
លុះពេលទៀបភ្លឺថ្ងៃទី១៦ ខែកក្កដា ពួកគាត់ភ្ញាក់ពីដំណេកស្រាប់តែបាត់រថយន្ត ទើបមានការឆោឡោពីចោរលួចរថយន្ត ។ (សម្រួល៖ ស្រីណា)
ចែករំលែកព័តមាននេះ