រាជធានីភ្នំពេញ ៖ មន្ត្រីជាន់ខ្ពស់គណបក្សប្រជាជនកម្ពុជា និងជាអ្នកនាំពាក្យលោកសុខ ឥសាន បានអះអាងថា អតីតគណបក្សសង្គ្រោះជាតិបានបែកបាក់រាយប៉ាយអស់ហើយផ្ទុយទៅវិញ បើចង់ប្រមូលផ្តុំឡើងវិញ ទាល់តែ១០ ឬ២០ឆ្នាំទៀត ។ លោកសុខ ឥសាន បានឲ្យដឹងនៅថ្ងៃទី១៤ កក្កដាថា អតីតមេបក្សប្រឆាំងតែងតែប្រកាសមូលផ្តុំគ្នាឡើងវិញ តែផ្ទុយទៅវិញ គឺបែកបាក់រាយប៉ាយអស់ហើយ ។
លោកបញ្ជាក់ថា «មកពីមានធ្លុងច្រើនបែកបាក់ ទើបមានការប្រមូលផ្តុំ តែការពិតមិនអាចប្រមូលផ្តុំបាន ទើបខិតខំឃោសនាថា ប្រមូលផ្តុំៗ ។ តើនៅប៉ុន្មានឆ្នាំទៀតទើបប្រមូលផ្តុំបានទៅ បើនៅរាយប៉ាយយ៉ាងនេះ ? រង់ចាំ១០-២០ឆ្នាំទៀតហើយមើលទៅ» ។ ជាមួយគ្នានោះដែរលោកសុខ សាន ក៏បានលើកឡើងថា ការប្រកាសរៀបចំគណបក្សប្រឆាំងឡើងវិញនៅបារាំងមិនអាចទៅរួចទេ ព្រោះ បក្សប្រឆាំងបានងាប់បាត់ទៅហើយ តាំងពីឆ្នាំ២០១៧មកម្ល៉េះ ។ លោកមន្ថែមថា អ្វីដែលនិយាយឡើងសុទ្ធតែពិភពលោក តែធាតុពិតមានតែមួយក្តាប់តូចប៉ុណ្ណោះ ។
អតីតបក្សប្រឆាំងនៅតែរឹងមាំមិនដែលមានខ្មោចឯណារឹងមាំទេ ។ រប៉ាត់រប៉ាយអស់ហើយនៅរឹងមាំទៀត ? ។ លោកសុខ ឥសាន ក៏បានអះអាងថា រាល់សកម្មភាពប្រឆាំង ដើម្បីគាស់រំលើងរាជរដ្ឋភិបាលកម្ពុជា ហើយដែលគេហៅថា ជាផ្លាស់ប្តូរដោយសន្តិវិធី និងជាវិជ្ជ គឺជាក្រុមឧទ្ទាមក្រៅ ច្បាប់តែប៉ុណ្ណោះ ។
អ្នកនាំពាក្យគណបក្សកាន់អំណាចក៏បានលើកឡើងថា ការចង់បានសិទ្ធិធ្វើនយោបាយឡើងវិញនោះ គឺមានច្បាប់បើកផ្លូវឲ្យចូលហើយ តែមិនព្រមអនុវត្តទេ បែរជានាំគ្នាស្រែកថា អត់សិទ្ធិធ្វើនយោបាយ ។ លោកក៏បានគូសបញ្ជាក់ថា ការរង់ចាំតែបញ្ជារបស់មេក្រុមឧទ្ទាមក្រៅច្បាប់ថា នឹងចូលស្រុកនៅពេលណា គឺសមត្ថកិច្ចរង់ចាំតែឃើញមុខអាលនឹងវ៉ៃខ្នោះនាំចូលគុកដោយមិនបាច់ រង់ចាំសួរមេឡើយ ។ លោកបានបញ្ជាក់ គណបក្សកានអំណាចបានកាន់អំណាចបានជាង៤០ឆ្នាំ ដោយសារមានការគាំទ្រពីប្រជាជនកម្ពុជាលើកម្មវិធីនយោបាយរបស់គណបក្សប្រជាជនកម្ពុជា ៕កែសម្រួលដោយ ៖សុឃាក់
ចែករំលែកព័តមាននេះ