រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានប្រកាសចាត់វិធានការ ចំពោះអ្នកប្រើប្រាស់គណនេយ្យហ្វេសប៊ុក ហើយនិយាយពីស្ថានភាពអាក្រក់ចំពោះសុខភាពនាយករដ្ឋមន្ត្រីតាមច្បាប់ព្រហ្មទណ្ឌ ។…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានប្រកាសចាត់
វិធានការ ចំពោះអ្នកប្រើប្រាស់គណនេយ្យហ្វេសប៊ុក ហើយនិយាយពីស្ថានភាពអាក្រក់ចំពោះសុខភាពនាយករដ្ឋមន្ត្រីតាមច្បាប់ព្រហ្មទណ្ឌ ។ នេះបើតាមលោក ផៃ ស៊ីផាន អ្នកនាំពាក្យរាជរដ្ឋាភិបាល ។
លោក ផៃ ស៊ីផាន អ្នកនាំពាក្យរាជដ្ឋាភិបាលបានសរសេលើបណ្តាញសង្គមនៅថ្ងៃទី១២ កក្កដា នេះ យ៉ាងដូច្នេះថា «គោរពជម្រាបជូនបណ្ដាញសារព័ត៌មាន និងប្រិយមិត្តហ្វេសប៊ុកថាក្នុងកិច្ចប្រជុំពេញអង្គគណៈ រដ្ឋមន្ត្រី សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានលើកឡើងថា ប្រសិន បើគណនីហ្វេសប៊ុកណាមួយប្រឌិតបំភ្លៃព័ត៌មាន (Fake News) ដែលធ្វើ ឱ្យមានការជ្រួលច្របល់មតិសាធារណៈជាហេតុ ផលធ្វើឱ្យប៉ះពាល់ ដល់សន្តិសុខជាតិ ដោយប្រឌិតស្ថានភាពអាក្រក់ពីសុខភាពរបស់នាយករដ្ឋមន្ត្រី នៅក្នុងតំ ណែងគឺជាបទល្មើសព្រហ្មទណ្ឌ»។
លោកបន្តថា រាជរដ្ឋាភិបាលនឹងចាត់វិធានការយ៉ាងម៉ឹងម៉ាត់ ចំពោះសកម្មភាពឧក្រិដ្ឋនេះ ។ សូមជម្រាបថាការលើកឡើងរបស់សម្តេចតេជោ ហ៊ុន សែន បន្ទាប់ពីក្រុមប្រឆាំងមួយចំនួនបានវាយប្រហារសម្តេចពីបញ្ហាសុខភាពរបស់សម្តេច នៅពេលដែលសម្តេចអញ្ជើញទៅពិនិត្យសុខភាពនៅមន្ទីពេទ្យប្រទេសសិង្ហបុរី តាមការណាត់របស់គ្រួពេទ្យ ។ (សម្រួលដោយ៖ ស្រីណា)
ចែករំលែកព័តមាននេះ