រាជធានីភ្នំពេញ ៖ សេចក្តីរាយការណ៍បឋម យុវជន៣នាក់ដែលសមត្ថកិច្ចឃាត់ខ្លួនក្នុងពិធីរំលឹកខួប៣ឆ្នាំ នៃការស្លាប់លោកបណ្ឌិត កែម ឡី អ្នកវិភាគសង្គម និងនយោបាយ នាព្រឹកថ្ងៃទី១០ កក្កដា ឆ្នាំ២០១៩ ដែលយុវជនទាំង៣នឹងត្រូវដោះលែងអោយមានសេរីភាពឡើងវិញ បន្ទាប់ពីការជួបជុំនៅស្តាម៉ាតកាល់តិចត្រូវបានរំសាយ ។ នេះបើយោងតាមបណ្តាញសង្គមរបស់លោកគង់ មុនីកា ប្រធានគណបក្សឆន្ទៈខ្មែរ ។
លោក គង់ មុនីកា ប្រធានគណបក្សឆន្ទៈខ្មែបានសរសេរលើបណ្តាញសង្គមហ្វេសប៊ុកមុននេះថា «ខ្ញុំ និងលោក អ៊ី មុយលី ជាអគ្គលេខាធិការ ព្រមទាំងលោក ជុំ ហាក់ ជាប្រធានចលនាយុវជនគណបក្សឆន្ទៈខ្មែរ ដែលត្រូវជាប្អូនប្រុសបង្កើតរបស់សកម្មជនបរិស្ថានកូនភ្លោះ ជុំ ហួត ជុំហួរ បានចូលជួបសួរសុខទុក្ខយុវជនទាំងបីរូប ដែលត្រូវបានឃាត់ខ្លួនកាលពីព្រឹកម៉ិញ ។
លោកបន្តថា តាមការឲ្យដឹងពីអាជ្ញាធរ យុវជនទាំងបីនឹងត្រូវដោះលែងអោយមានសេរីភាពឡើងវិញ បន្ទាប់ពីការជួបជុំនៅស្តាម៉ាតកាល់តិចត្រូវបានរំសាយ ៕ កែសម្រួលដោយ ៖ សុឃាក់
បញ្ជាក់ ៖ ចាប់ខ្លួនគង់ រ៉ៃយ៉ា និងបក្សពួក៤នាក់ពាក់ព័ន្ធករណីញុះញង់ថ្ងៃបុណ្យខួបមរណភាពបណ្ឌិត កែម ឡី(មានវីដេអូ)
ចែករំលែកព័តមាននេះ