ខេត្តកំពង់ឆ្នាំង ៖ តាមសេចក្តីរាយការណ៍បឋមបានឱ្យដឹងថា សមត្ថកិច្ចកងរាជអាវុធហត្ថស្នាក់ការសន្តិសុខB០៤ ឆ្នុកទ្រូ ស្រុកបរិបូរណ៍ បានឃាត់ខ្លួនជនសង្ស័យដែលធ្វើសកម្មភាពគាស់ដំបូលផ្ទះចូលលួចយកគ្រឿងអលង្ការអស់ជាង១០តម្លឹង ក្រោយមកជនរងគ្រោះបានទៅដាក់ពាក្យបណ្តឹងដើម្បីសមត្ថកិច្ចកងរាជអាវុធហត្ថឆ្នុកទ្រូជួយអន្តរាគមន៍ត្រឹមតែជាង២ម៉ោងប៉ុណ្ណោះ ទើបឃាត់ខ្លួនបាន។
ហេតុការណ៍ខាងលើបានបង្កការភ្ញាក់ផ្អើលកើតឡើងកាលពីវេលាម៉ោង៦ព្រឹកថ្ងៃទី៩ កក្កដា ឆ្នាំ២០១៩ នៅចំណុចផ្ទះបណ្តែតទឹករបស់ជនរងគ្រោះ ស្ថិតក្នុងភូមិឆ្នុកទ្រូ ឃុំឆ្នុកទ្រូ ស្រុកបរិបូរណ៍ ខេត្តកំពង់ឆ្នាំង ។
ជនរងគ្រោះឈ្មោះចេង គឹមហ៊ុន ភេទប្រុស អាយុ៣១ឆ្នាំ និងប្រពន្ធឈ្មោះ ហុង សុខហៀង អាយុ៣១ឆ្នាំ មានទីលំនៅក្នុងភូមិឃុំកើតហេតុខាងលើ ។ ចំណែកជនសង្សយ័ឈ្មោះ ច្រឹង យ៉ាំងយ៉ាវ ភេទប្រុស អាយុ៣១ឆ្នាំ ជាជនជាតិវៀតណាម រស់នៅក្នុងភូមិឃុំស្រុកកើតហេតុខាងលើ ។
តាមប្រភពព័ត៌មានពីជនរងគ្រោះបានអោយដឹងថា កាលពីវេលាម៉ោងប្រមាណជា៣ទៀបភ្លឺថ្ងៃទី៩ កក្កដា ជនសង្ស័យម្នាក់ខាងលើបានឡើងតាមដំបូល និងធ្វើសកម្មភាពគាស់ដំបូលផ្ទះចូលលួចយកមាសអស់ តែពេលនោះគឺប្អូនស្រីរបស់គាត់ភ្ញាក់ទាន់ និងស្គាល់មុខជនសង្ស័យក៏ស្រែកផ្អើលឆោឡោ ។ ភ្លាមៗនោះជនសង្ស័យក៏ហក់ចុះកាណូតបើកចេញទៅបាត់ ។
ក្រោយមកជនរងគ្រោះបានទៅដាក់ពាក់បណ្តឹងនៅទីស្នាក់ការសន្តិសុ ខ កងរាជអាវុធហត្ថ B០៤ ប្រចាំការនៅឆ្នុកទ្រូ ហើយសមត្ថកិច្ចក៏បានចេញប្រតិបត្តិការរហូតដល់ ម៉ោងប្រមាណជា៦ព្រឹកថ្ងៃដដែលទើបឃាត់ខ្លួនជនសង្សយ័បាន ហើយសមត្ថកិច្ចបាននាំជនសង្ស័យទៅយកមាស និងប្លាទីនដែលទំលាក់ចោលនៅក្នុងបែចិញ្ចឹមត្រីត្រឡប់មកវិញទាំងអស់ ។ ចំពោះ វត្ថុតាងដែលសមត្ថកិច្ចរឹបអូសបានរួមមាន ចិញ្ចៀនប្លាទីនចំនួន៤៨វង់, កងដៃប្លាទីនចំនួន២៣កង, ខ្សែដៃប្លាទីនប្រុស-ស្រីចំនួន៧ខ្សែ , ខ្សែ.កប្លាទីនប្រុស-ស្រីចំនួន២៩ខ្សែ សរុបគ្រឿងអលង្ការប្លាទីនទាំងអស់មានចំនួន១៥តម្លឹង៣ជី៤ហ៊ុន ។
នៅចំពោះមុខសមត្ថកិច្ចកងរាជអាវុហត្ថខេត្តកំពង់ឆ្នាំង ជនសង្សយ័បានឆ្លើយសារភាថា ខ្លួនពិតជាបានលួចយកគ្រឿងអលង្ការចេញពីផ្ទះជនរងគ្រោះខាងលើប្រាកដមែន ។
ប្រភពពីប្រជាពលរដ្ឋនៅក្នុងឃុំឆ្នុកទ្រូអោយដឹងថា ជនសង្សយ័ខាងលើជាមុខសញ្ញាលួចតាមដងទន្លេយ៉ាងសកម្មដែលសមត្ថកិច្ចកងរាជអាវុធហត្ថស្នាក់ការសន្តិសុខB០៤ឆ្នុកទ្រូ ទើបតែបង្ក្រាបបាន ។
បច្ចុប្បន្ន ជនសង្សយ័ត្រូវបានសមត្ថកិច្ចកងរាជអាវុធហត្ថខេត្តកំពុងសាកសួរ និងកសាងសំណុំរឿងបញ្ជូនបន្តទៅសាលាដំបូងខេត្តចាត់ការតាមនិតិវិធី។ ដោយឡែកវត្ថុតាង ត្រូវបានសមត្ថកិច្ចរៀបចំឯកសារប្រគល់ជូនទៅម្ចាស់វិញផងដែរ ៕ (កែសម្រួលដោយ ៖ ធីតា)
ចែករំលែកព័តមាននេះ