ខេត្តបន្ទាយមានជ័យ ៖ ជនសង្ស័យប្រុស-ស្រី៥នាក់ត្រូវបានចាប់ខ្លួនជួញដូរប្រើប្រាស់គ្រឿងញៀន១ថង់ស្មើ១០០,៤ក្រាមត្រូវបានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់នៅកាលពីថ្ងៃទី០៦ ខែកក្កដា ឆ្នាំ២០១៩ ។
ជនសង្ស័យដែលត្រូវចាប់ខ្លួន៥នាក់មានទី១-ឈ្មោះ ស៊ិន សុរដ្ឋា ភេទស្រី អាយុ៣០ឆ្នាំ, ទី២-ឈ្មោះ សួន ចិន្ថា ភេទប្រុស អាយុ១៥ឆ្នាំ, ទី៣-ឈ្មោះ ហឿ ម៉ានិត ភេទប្រុស អាយុ១៦ឆ្នាំ, ទី៤-ឈ្មោះ ដៀប សិរីបុត្រ ភេទប្រុស អាយុ១៨ឆ្នាំ, ទី៥-ឈ្មោះ ស ខាំសិញ ភេទប្រុស អាយុ១៦ឆ្នាំ ជនទាំងនេះរស់នៅភូមិជំទាវ ឃុំឬស្សីក្រោក ស្រុកមង្គលបូរី ។
លោកវរសេនីយ៍ឯក ស ប៊ុនសឿង មេបញ្ជាការកងរាជអាវុធហត្ថខេត្តបន្ទាយមានជ័យបានប្រាប់ថា នៅពេលឃាត់ខ្លួនជនសង្ស័យប្រុស-ស្រីគឺកម្លាំងកងរាជអាវុធហត្ថខេត្តបន្ទាយមានជ័យបានសហការជាមួយកម្លាំងកងរាជអាវុធហត្ថស្រុកមង្គលបូរី បានធ្វើការស្រាវជ្រាវ និងកំណត់មុខសញ្ញា ។
បានចុះប្រតិបត្តិការបង្ក្រាបឃាត់ខ្លួនជនសង្ស័យចំនួន៥នាក់ និងរឹបអូសវត្ថុតាងគ្រឿងញៀនប្រភេទមេតំហ្វេតាមីនហៅខេទឹកកកចំនួន១ងថងស្មើ១០០,៤ក្រាម និងជញ្ចីងថ្លឹងគ្រឿងញៀន១ កាំភ្លើងខ្យល់ឆ្នៃ១គ្រឿង និងវត្ថុតាងមួយចំនួនទៀតដែលចុះប្រតិបត្តិការកាលពីថ្ងៃទី០៣ ខែកក្តដា ឆ្នាំ២០១៩ ស្ថិតនៅភូមិជំទាវ ឃុំឬស្សីក្រោក ស្រុកមង្គលបូរី ។
លោកបានបញ្ជាក់ថា ក្រោយពេលឃាត់ខ្លួនជនសង្ស័យប្រុស-ស្រី៥នាក់ និងវត្ថុតាងត្រូវបាននាំយកទៅសាកសួរតាមចម្លើយ និងវត្ថុតាងត្រូវបានកសាងសំណុំរឿងបញ្ជូនទៅសាលាដំបូងខេត្តដើម្បីចាត់ការតាមច្បាប់ ៕
កែសម្រួលដោយ ៖ សំណាង
ចែករំលែកព័តមាននេះ