ខេត្តមណ្ឌលគិរី ៖ កាលពីវេលាម៉ោង២និង៣០នាទីរសៀលថ្ងៃទី៧ ខែកក្កដា ឆ្នាំ២០១៩ មានករណីប្រទះឃើញបុរសជាជនបរទេសម្នាក់ដេកស្លាប់នៅចំណុចផ្ទះចំការ ស្ថិតក្នុងភូមិពូលូង សង្កាត់រមនា ក្រុងសែនមនោរម្យ ខេត្តមណ្ឌលគិរី។…
ខេត្តមណ្ឌលគិរី ៖ កាលពីវេលាម៉ោង២និង៣០នាទីរសៀលថ្ងៃទី៧ ខែកក្កដា ឆ្នាំ២០១៩ មានករណីប្រទះឃើញបុរសជាជនបរទេសម្នាក់ដេកស្លាប់នៅចំណុចផ្ទះចំការ ស្ថិតក្នុងភូមិពូលូង សង្កាត់រមនា ក្រុងសែនមនោរម្យ ខេត្តមណ្ឌលគិរី។
ជនរងគ្រោះដែលស្លាប់ឈ្មោះ Kang Joo Soo ភេទប្រុស អាយុ៦០ឆ្នាំ ជាជនជាតិកូរ៉េ កាន់លិខិតឆ្លងដែនលេខ M34847647 ស្នាក់នៅកន្លែងកើតហេតុខាងលើ។
ក្រោយទទួលបានសេចក្តីរាយការណ៍ខាងលើភ្លាម កម្លាំងជំនាញការិយាល័យបច្ចេកទេសវិទ្យាសាស្ត្រ សហការជាមួយកម្លាំងជំនាញនៃអធិការដ្ឋាននគរបាលក្រុងសែនមនោរម្យ កម្លាំងប៉ុស្ដិ៍រមនា និងគ្រូពេទ្យ បានចុះទៅពិនិត្យសពជនរងគ្រោះ និងបានធ្វើការសន្និដ្ឋានថា ជនរងគ្រោះពិតស្លាប់ដោយសារជម្ងឺទឹកនោមផ្អែមរាំរ៉ៃប្រាកដមែន និងបានប្រគល់សពជនរងគ្រោះទៅអោយក្រុមគ្រួសារដើម្បីយកទៅធ្វើបុណ្យតាមប្រពៃណី ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា)
ចែករំលែកព័តមាននេះ