ខ្យល់គ អាចកើតឡើងដោយសារការធ្លាក់ចុះនៃលំហូរឈាមទៅកាន់ខួរក្បាល។ បន្ទាប់ពីអ្នកបាត់បង់ស្មារតី ធ្លាក់ ឬដួលទៅលើដី ពេលនោះឈាមអាចហូរទៅកាន់ខួរក្បាលរបស់អ្នកបានច្រើនវិញ ដែលធ្វើឲ្យអ្នកដឹងខ្លួនធម្មតាវិញ។
មូលហេតុដែលអាចនាំឲ្យអ្នកខ្យល់គមានដូចជា៖
ដោយសារតែប្រពន្ធ័ប្រសាទ ដែលបណ្តាលឲ្យចង្វាក់បេះដូងដើរយឺត និងសរសៃឈាមរីកដែលជាលទ្ធផលធ្វើឲ្យឈាមចាល់នៅផ្នែកខាងក្រោមនៃរាងកាយ និងមានឈាមតិចទៅកាន់ខួរក្បាល។ បញ្ហាប្រពន្ធ័ប្រសាទនេះអាចកើតឡើងដោយរឿងជាច្រើនរួមទាំងស្ត្រេស ការឈឺចាប់ ការភ័យខ្លាច ក្អកដំណកដង្ហើម និងការនោម។
សម្ពាធឈាមធ្លាក់ចុះពេលអង្គុយ ឬឈរ ឬពេលប្តូរទីកន្លែង ៖ បញ្ហានេះអាចកើតឡើង ប្រសិនបើអ្នកក្រោកឈរឡើងយ៉ាងឆាប់រហ័សពេក ការខ្វះជាតិទឹក ឬដោយសារថ្នាំមួយចំនួនដូចជាអ្នកដែលមានសម្ពាធឈាមខ្ពស់ជាដើម។
ការដួលសន្លប់ដែលបណ្តាលមកពីបញ្ហាប្រពន្ធ័ប្រសាទ គឺមានភាពងាយស្រួលក្នុងការដឹង។ ភាគច្រើនវាកើតឡើងចំពោះមនុស្សមួយចំនួនដែលសន្លប់ពេលឃើញឈាមដោយសារតែការភ័យខ្លាច។ មនុស្សមួយចំនួនអាចដឹងខ្លួនថាពួកគេល្វើយដោយសារតែពួកគេមានរោគសញ្ញាជាមុន ដូចជាមានអារម្មណ៍ខ្សោយ ក្អួត ក្តៅខ្លួន ឬវិលមុខ។ បន្ទាប់ពីពួកគេបានភ្ញាក់ឡើងពួកគេអាចមានអារម្មណ៍វង្វេង វិលមុខ ឬឈឺមួយរយៈ (ប្រភពពី៖ Health.com.kh)៕ (កែសម្រួលដោយ ៖ បុប្ផា)
ចែករំលែកព័តមាននេះ