រាជធានីភ្នំពេញ ៖ ដូចជាការគ្រោងទុកគណៈកម្មាធិការអចិន្ត្រៃយ៍ព្រឹទ្ធសភា នៅព្រឹកថ្ងៃទី៨ ខែកក្កដានេះ បានកំពុងបើកកិច្ចប្រជុំពិនិត្យ និងសម្រេចលើសេចក្តីព្រាងច្បាប់ចំនួន៥ ។ កិច្ចប្រជុំក្រោមអធិបតីភាពសម្តេចវិបុលសេនា ភក្តីសាយ…
រាជធានីភ្នំពេញ ៖ ដូចជាការគ្រោងទុកគណៈកម្មាធិការអចិន្ត្រៃយ៍ព្រឹទ្ធសភា នៅព្រឹកថ្ងៃទី៨ ខែកក្កដានេះ បានកំពុងបើកកិច្ចប្រជុំពិនិត្យ និងសម្រេចលើសេចក្តីព្រាងច្បាប់ចំនួន៥ ។ កិច្ចប្រជុំក្រោមអធិបតីភាពសម្តេចវិបុលសេនា ភក្តីសាយ ឈុំ ប្រធានព្រឹទ្ធសភា និងមានការចូលរួមពីសមាជិកអចិន្ត្រៃយ៍សរុប១៣រូប ដើម្បីពិនិត្យ និងសម្រេចលើករបៀបវារៈចំនួនដូចខាងក្រោម៖
១- ពិនិត្យ និងសម្រេចលើសំណើរបស់គណៈកម្មការទី៩ ព្រឹទ្ធសភា សុំដាក់សេចក្តីព្រាងច្បាប់ស្តីពីការអនុម័តយល់ព្រមលើការធានាទូទាត់របស់រាជរដ្ឋាភិបាលនៃព្រះរាជាណាចក្រកម្ពុជា ឱ្យក្រុមហ៊ុន អេសភី អេចភី (ខេមបូឌា) ឯ.ក ទៅក្នុងរបៀបវារៈនៅសម័យប្រជុំលើកទី៣ព្រឹទ្ធសភា នីតិកាលទី៤ ។ ២- ពិនិត្យ និងសម្រេចលើសំណើរបស់គណៈកម្មការទី៩ ព្រឹទ្ធសភា សុំដាក់សេចក្តីព្រាងច្បាប់ស្តីពីការអនុម័តយល់ព្រមលើការធានាទូទាត់របស់រាជរដ្ឋាភិបាលនៃព្រះរាជាណាចក្រកម្ពុជាឱ្យក្រុមហ៊ុនស្នើថេក រឺញូបិល ឯ.ក ទៅក្នុងរបៀបវារៈនៃសម័យប្រជុំលើកទី៣ ព្រឹទ្ធសភា នីតិកាលទី៤ ។
៣- ពិនិត្យ និងសម្រេចលើសំណើរបស់គណៈកម្មការទី៩ ព្រឹទ្ធសភា សុំដាក់សេចក្តីព្រាងច្បាប់ស្តីពីការអនុម័តយល់ព្រមលើការធានាទូទាត់របស់រាជរដ្ឋាភិបាលនៃព្រះរាជាណាចក្រកម្ពុជា ឱ្យក្រុមហ៊ុនស្នើបើក ខូ អិលធីឌី ក្នុងរបៀបវារៈនៃសម័យប្រជុំលើកទី៣ ព្រឹទ្ធសភានីតិកាលទី៤ ។ ៤- ពិនិត្យ និងសម្រេចលើសំណើរបស់គណៈកម្មការទី៣ព្រឹទ្ធសភា សុំដាក់សេចក្តីព្រាងច្បាប់ស្តីពីការអនុម័តយល់ព្រមឱ្យព្រះរាជាណាចក្រកម្ពុជាចូលជាសមាជិកនៃកិច្ចព្រមព្រៀងស្តីពីវិធានការរដ្ឋម្ចាស់កំពង់ផែ ដើម្បីបង្ការទប់ស្កាត់ និងលុបបំបាត់ការនេសាទខុសច្បាប់គ្មានរបាយការណ៍ និងគ្មានការអនុញ្ញាតទៅក្នុងរបៀបវារៈនៅសម័យប្រជុំលើកទី៣ ព្រឹទ្ធសភា នីតិកាលទី៤ ។
៥- ពិនិត្យ និងសម្រេចលើសំណើរបស់គណៈកម្មការទី៣ព្រឹទ្ធសភា សុំដាក់សេចក្តីព្រាងច្បាប់ស្តីពី ការអនុម័តយល់ព្រមលើផែនការយុទ្ធសាស្ត្រអភិវឌ្ឍន៍ជាតិ២០១៩ -២០២៣ ទៅក្នុងរបៀបវារៈនៃសម័យប្រជុំលើកទី៧ព្រឹទ្ធសភា នីតិកាលទី៤ ៕ កែសម្រួលដោយ ៖ សុឃាក់
ចែករំលែកព័តមាននេះ