រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា ប្រជាពលរដ្ឋរស់នៅសង្កាត់ព្រែកប្រា មានការភ្ញាក់ផ្អើលយ៉ាងខ្លាំង ក្រោយពីប្រទះឃើញសពបុរសម្នាក់អណ្តែតទឹកផ្កាប់មុខជាប់នឹងកំប្លោកអណ្តែតមកទើរជាប់មាត់ច្រាំងទន្លេ ដែលមានសភាពហើមស្អុយ បង្កជាការភ្ញាក់ផ្អើលដល់ប្រជាពលរដ្ឋរាយការណ៍សមត្ថកិច្ចមូលដ្ឋានចុះមកត្រួតពិនិត្យ កាលពីម៉ោង 7និង30នាទីយប់ ថ្ងៃទី7 ខែកក្កដា ឆ្នាំ២០១៩ នៅក្រោយផ្ទះលេខ 317ក ផ្លូវ369 សង្កាត់ព្រែកប្រា ខណ្ឌច្បារអំពៅ។
សពដែលប្រជាពលរដ្ឋប្រទះឃើញអណ្តែតទឹកនោះ ភេទប្រុស ភិនភាគ ស្លៀកខោសាច់ក្រណាត់ពណ៌ខៀវ តឺនុយពីលើ អាវសាច់ក្រណាត់ដៃវែងពណ៌ស្វាយ មានសភាពហើម នឹងមានក្លិនស្អុយទៅហើយ។
តាមប្រភពពីប្រជាពលរដ្ឋនៅកន្លែងកើតហេតុប្រាប់ឱ្យដឹងថា សពបុរសខាងលើនោះ គឺពួកគាត់ឃើញអណ្តែតតាំងពីម៉ោង3រសៀលមកម្ល៉េះ ដោយសពអណ្តែតផ្កាប់មុខជាប់ជាមួយកំប្លោកមកទើរជាប់នឹងមាត់ច្រាំងមានសភាពហើមស្អុយ ហើយភិនភាគដូចការរៀបរ៉ាប់ខាងលើ ក៏រាយកាណ៍ទៅអាជ្ញាធរមូលដ្ឋាន ។ លុះដល់ម៉ោង7និង30នាទីយប់ ទើបចុះមកត្រួតពិនិត្យដល់កន្លែងហេតុ។
ចំពោះហេតុការណ៍នេះដែល សមត្ថកិច្ចមិនទាន់អាចកំណត់បានថា សពស្លាប់ដោយសារមូលហេតុអ្វីឱ្យប្រាកដនៅឡើយទេ គឺកំពុងតែធ្វើកោសល្យវិច័យ និងស្រាវជ្រាវបន្តទៀត ។ ហើយបច្ចុប្បន្នសពត្រូវសមត្ថកិច្ចសណ្តោងតាមទូកអូប័រទៅតម្កល់ទុកបណ្តោះអាសន្ននៅវត្តចាក់លើ និងបានប្រកាសដល់បងប្អូនប្រជាពលរដ្ឋណា ដែលបាត់សមាជិកគ្រួសារ និងមានភិនភាគដូចខាងលើ សុំទៅមើលនៅវត្តចាក់អង្រែលើ ៕ (កែសម្រួលដោយ ៖ បុប្ផា)
ចែករំលែកព័តមាននេះ