ប្រទេសអង់គ្លេស-សហរដ្ឋអាមេរិក ៖ យោងតាមប្រភពការទូតដែលបែកធ្លាយ ហើយចេញផ្សាយកាលពីថ្ងៃទី៦កក្កដាដោយកាសែត MAIL ON SUNDAYថា ឯកអគ្គរាជទូតអង់គ្លេសប្រចាំសហរដ្ឋអាមេរិក លោកKIM DARROCHយល់ថា…
ប្រទេសអង់គ្លេស-សហរដ្ឋអាមេរិក ៖ យោងតាមប្រភពការទូតដែលបែកធ្លាយ ហើយចេញផ្សាយកាលពីថ្ងៃទី៦កក្កដាដោយកាសែត MAIL ON SUNDAYថា ឯកអគ្គរាជទូតអង់គ្លេសប្រចាំសហរដ្ឋអាមេរិក លោកKIM DARROCHយល់ថា រដ្ឋការលោកដូណាល់ត្រាំល្ងីល្ងើហើយដំណើរការមិនរលូន។
អ្នកការទូតរូបនោះអះអាងថា រដ្ឋការលោកប្រធានាធិបតីត្រាំអាចផ្ទុះបែកជាភ្លើងហើយបញ្ចប់ក្នុងសភាពដ៏អភ័ព្វ។ យើងយល់យ៉ាងច្បាស់ទៀតថា រដ្ឋាភិបាលនោះនឹងក្លាយជាមិនធម្មតាដំណើរមិនសូវរលូន។ ឯកអគ្គរាជទូតអាយុ៦៥ឆ្នាំរូបនោះ បើតាមកាសែតMAIL ON SUNDAY បានសរសេរក្នុងសារមួយថា ប្រធានាធិបតីអាមេរិកមានសតិមិននឹងន៎ហើយមិនគ្រប់ទឹក។
ចំណែកសារមួយទៀតស្ដីពីទស្សនកិច្ចផ្លូវរដ្ឋដ៏ចម្រូងចម្រាស់របស់លោកត្រាំនៅអង់គ្លេសកាលពីខែមុននិយាយថា ប្រធានាធិបតីអាមេរិកនិងក្រុមរបស់លោកសុទ្ធតែវាយប្ញក តែទោះជាយ៉ាងណាអង់គ្លេសអាចមិនទុកមុខទុកមាត់ឲ្យយូរទេ ព្រោះតែការប្រកាន់គំនិតគិតដល់អាមេរិកមុនគេបង្អស់។
ឯកអគ្គរាជទូតរូបនោះសរសេរទៀតថាបណ្ដាព័ត៌មានពីភាពច្របូកច្របល់និងបណ្ដាការតស៊ូផ្ទៃក្នុងដ៏សាហាវ ដែលមានក្នុងសេតវិមាន បណ្ដាព័ត៌មានក្លែងក្លាយFAKE NEWS តាមលោកត្រាំ ភាគច្រើនកើតមានទៀងទាត់។
លោកKIM DARROCHជាអ្នកការទូតម្នាក់ដែលមានបទពិសោធន៍ខ្ពស់ប្រចាំនៅក្រុងវ៉ាស៊ីនតោន ចាប់ពីខែមករាឆ្នាំ២០១៦មក មុនជ័យជម្នះរបស់លោកត្រាំក្នុងការបោះឆ្នោតប្រធានាធិបតី។ ក្នុងសារដ៏ថ្មីបំផុតមួយរបស់លោក ទើបសរសេរកាលពីថ្ងៃទី២២មិថុនា លោកKIM DARROCHបានរិះគន់នយោបាយរបស់លោកត្រាំលើរឿងអុីរ៉ង់ ដែលនាំឲ្យមានការភ័យខ្លាចដល់ជម្លោះដោយអាវុធមួយ។ លោកថាលោកត្រាំចំពោះរឿងនោះស្ថិតក្នុងជំហររវើរវាយនិងច្របូកច្របល់ ដោយបញ្ជាឲ្យវាយប្រហារអុីរ៉ង់មុនពេលលុបចោលវិញ៕ (កែសម្រួលដោយ ៖ បុប្ផា)
ចែករំលែកព័តមាននេះ