រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យថា ជនរងគ្រោះឃើញបុរសម្នាក់ដើរតាមផ្លូវក៏ចូលហូប ក្រោយពីហូបហើយក៏ទៅបាត់ មួយសន្ទុះបុរសនេះឃើញរថយន្តជនរងគ្រោះបើកមកពីក្រោយចោទថា រថយន្ដបើកដេញបុក ខឹងពេកក៏យកដំបងវាយកញ្ចក់រថយន្តផ្នែកខាងក្រោយរងការខូចខាតអស់១ផ្ទាំង ហើយត្រូវសមត្ថកិច្ចឃាត់ខ្លួនតែម្តង បង្កឱ្យមានការភ្ញាក់ផ្អើលកាលម៉ោង១០និង៣០នាទីយប់ ថ្ងៃទី៥ ខែកក្កដា ឆ្នាំ២០១៩ នៅតាមបណ្ដោយផ្លូវបេតុង ភូមិត្រពាំងទួល សង្កាត់កំបូល ខណ្ឌពោធិ៍សែនជ័យ ។
បុរសខាងលើនេះ ឈ្មោះ ផាន ចំណាប់ ភេទប្រុស អាយុ៣២ឆ្នាំ មុខរបរកម្មកររោងចក្រ រស់នៅភូមិត្រពាំងទួល សង្កាត់កំបូល ខណ្ឌពោធិ៍សែនជ័យ ចំណែកម្ចាស់រថយន្តឈ្មោះ សុខ រ៉ាន់ ភេទប្រុស អាយុ៣៧ឆ្នាំ ជិះរថយន្តម៉ាកឡិចស៊ីស RX330 ពាក់ស្លាកលេខភ្នំពេញ 2AT 6111 មុខរបរនៅផ្ទះ រស់ភូមិត្រពាំងទួល សង្កាត់កំបូល ខណ្ឌពោធិ៍សែនជ័យ ។
តាមប្រភពពីជនរងគ្រោះនិយាយថា មុនកើតហេតុ ពួកគាត់ផឹកស៊ីនៅផ្ទះបងប្អូនគាត់ ដោយមានគ្នាប្រមាណ៥នាក់ បន្ទាប់មកឃើញជនបង្កខាងលើដើរនៅតាមផ្លូវក៏ហៅចូលហូបជាមួយ ហើយជនបង្កនោះចូលផឹករួចបានដើរចេញបាត់ ។ លុះមួយសន្ទុះក្រោយមកពេលចប់កម្មវិធី គាត់ក៏រ៉ីយ៉ែររថយន្តដើម្បីដឹកធុងបាសទៅផ្ទះវិញ ដោយបានបើកអែបនឹងជនបង្ក ស្រាប់តែជនបង្កយកដំបងវាយទៅលើកញ្ចក់រថយន្តរបស់គាត់ បណ្តាលឲ្យបែកមួយផ្ទាំងខាងក្រោយ ក្រោយមមកក៏ប្តឹងសមត្ថកិច្ចឱ្យឃាត់ជនបង្កភ្លាមៗផងដែរ ។
ក្រោយពេលកើតហេតុ បន្ទាប់ពីសមត្ថកិច្ចឃាត់ខ្លួនបុរសខាងលើហើយ ដោយភាគីរងគ្រោះមិនប្តឹងប្តល់អ្វីឡើយ គ្រាន់តែសុំឱ្យជនបង្កជួយជួសជុលសងវិញ ហើយជនបង្កមិនមានដំណោះស្រាយទៀត សមត្ថកិច្ចក៏ឃាត់ខ្លួនទុកមួយយប់សិន ដើម្បីរង់ចាំការដោះស្រាយបន្ត ។ (កែសម្រួលដោយ ៖ បុប្ផា)
ចែករំលែកព័តមាននេះ