រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា គេសង្កេតឃើញហ្វូងគោដើរ និងដេកយ៉ាងអនាធិបតេយ្យទាំងយប់ទាំងថ្ងៃនៅតាមផ្លូវចោមចៅ មុខផ្សារកាណាស៊ីធី ស្ថិតក្នុងភូមិចោមចៅ សង្កាត់ចោមចៅ២ ខណ្ឌពោធិសែនជ័យ កំពុងបង្កឲ្យមានការព្រួយបារម្ភពីសុវត្ថិភាពរបស់អ្នកដំណើរ…
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា គេសង្កេតឃើញហ្វូងគោដើរ និងដេកយ៉ាងអនាធិបតេយ្យទាំងយប់ទាំងថ្ងៃនៅតាមផ្លូវចោមចៅ មុខផ្សារកាណាស៊ីធី ស្ថិតក្នុងភូមិចោមចៅ សង្កាត់ចោមចៅ២ ខណ្ឌពោធិសែនជ័យ កំពុងបង្កឲ្យមានការព្រួយបារម្ភពីសុវត្ថិភាពរបស់អ្នកដំណើរ ហើយគេ មិនទាន់ឃើញមានចំណាត់ការណាឡើយ ។
តាមប្រភពពីប្រជាពលរដ្ឋបានលើកឡើងថា ហ្វូងគោទាំងនេះមិនមែនទើបតែឃើញនៅទីនេះនោះទេ គឺគេឃើញច្រើនថ្ងៃមកហើយ ដោយហ្វូងគោទាំងនេះដើរ និងដេកយ៉ាងអនាធិបតេយ្យទាំងថ្ងៃទាំងយប់តាមផ្លូវលើខឿនទ្រូងផ្លូវ មិនដឹងថាគេទុកគ្រាន់បង្អួតភ្នែកអ្នកដំណើរ និងភ្ញៀវទេសចរជាតិ-អន្តរជាតិឆ្លងកាត់ ឬយ៉ាងណានោះទេ ។
តែអ្វីជាក្តីព្រួយបារម្ភនោះគឺសុវត្ថិភាពចរាចរណ៍អ្នកដំណើរឆ្លងកាត់ ព្រោះអាចប្រឈម និងបង្កគ្រោះថ្នាក់ផ្សេងៗកើតឡើងជាយថាហេតុ ខណៈដែលគ្មានម្ចាស់អើពើ និងលែងគោយ៉ាងអនាធិបតេយ្យបែបនេះ ៕ (កែសម្រួលដោយ ៖ ធីតា)
ចែករំលែកព័តមាននេះ