គ្រូបង្វឹកJose Mourinho ទៅជួបអ្នកមានជាងគេនៅចិន
តាមប្រភពព័ត៌មាន The Sun បានឱ្យដឹងថា គ្រូបង្វឹកជើងចាស់ Jose Mourinho បានទៅជួបជាមួយនឹងអ្នកមានជាងគេនៅប្រទេសចិន លោក Hui…
តាមប្រភពព័ត៌មាន The Sun បានឱ្យដឹងថា គ្រូបង្វឹកជើងចាស់ Jose Mourinho បានទៅជួបជាមួយនឹងអ្នកមានជាងគេនៅប្រទេសចិន លោក Hui…
តាមប្រភពព័ត៌មាន The Sun បានឱ្យដឹងថា គ្រូបង្វឹកជើងចាស់ Jose Mourinho បានទៅជួបជាមួយនឹងអ្នកមានជាងគេនៅប្រទេសចិន លោក Hui Ka Yan ដើម្បីនិយាយពីការចូលប្រឡូកក្នុងវិស័យបាល់ទាត់វិញ ដែលអាចនឹងទៅកាន់តំណែងក្នុងក្លិប Guangzhou Evergrande និង ក្រុមជម្រើសជាតិចិន។
រូបថតដែលត្រូវបានចុះផ្សាយដោយ talkSPORT បានបង្ហាញពីជំនួបរវាងលោក Mourinho ជាមួយនឹងលោក Hui Ka Yan ដែលជាអ្នកលេងធ្លោក្នុងវិស័យបាល់ទាត់ចិន។ លោក Hui គឺជាម្ចាស់ក្រុមហ៊ុន Evergrande ដែលជាតែងតែផ្តល់ប្រាក់ទៅឱ្យក្លិបបាល់ទាត់ Guangzhou Evergrande និង ប៉ងចង់ធ្វើឱ្យបាល់ទាត់ចិនល្បីដល់អឺរ៉ុប។
មហាសេដ្ឋីខាងផ្នែកអភិវឌ្ឍអចលនទ្រព្យរូបនេះ មានបំណងចង់ឱ្យប្រទេសចិនឡើងដល់ World Cup និង លេងដោយមានកិត្តិយស។ នៅពេលថ្មីៗនេះ លោកបានទៅជួបជាមួយនឹង លោក Mourinho ដែលជាអតីតគ្រូបង្វឹកក្លិប Chelsea និង Manchester United ដើម្បីនិយាយពីការចូលកាន់តំណែងជាគ្រូបង្វឹកនៅក្លិប Guangzhou Evergrande និង ក្រុមជម្រើសជាតិចិន។ គេនៅមិនទាន់ដឹងច្បាស់នៅឡើយទេ ថាលោក Mourinho ព្រមទទួលឬក៏អត់ ឬក៏ទទួលមួយអត់មួយ។
ការទិញយកគ្រូបង្វឹកល្អៗទៅក្លិបបាល់ទាត់ចិន បានធ្វើឱ្យយើងឃើញយ៉ាងច្បាស់ថា ចិនពិតជាមានមហិច្ឆតាធំមែន ពាក់ព័ន្ធនឹងវិស័យមួយនេះ។ នាពេលបច្ចុប្បន្នមានគ្រូបង្វឹកល្បីៗជាច្រើនបានមកកាន់តំណែងនៅចិន ដែលមានដូចជា លោក Fabio Capello និង Sven-Goran Eriksson ជាដើម៕ (សម្រួលដោយ៖ ស្រីណា)
ចែករំលែកព័តមាននេះ