ក្លិបបិសាចក្រហមនឹងបន្តដំណើរជាមួយ Axel Tuanzebe ទៀត
តាមប្រភពព័ត៌មាន The Sun បានឱ្យដឹងថា កីឡាករ Axel Tuanzebe សម្រេចចិត្តបន្តកុងត្រារយៈពេល៣ឆ្នាំជាមួយនឹងក្លិបបិសាចក្រហម កាលពីថ្ងៃទី៥ ខែកក្កដា…
តាមប្រភពព័ត៌មាន The Sun បានឱ្យដឹងថា កីឡាករ Axel Tuanzebe សម្រេចចិត្តបន្តកុងត្រារយៈពេល៣ឆ្នាំជាមួយនឹងក្លិបបិសាចក្រហម កាលពីថ្ងៃទី៥ ខែកក្កដា…
តាមប្រភពព័ត៌មាន The Sun បានឱ្យដឹងថា កីឡាករ Axel Tuanzebe សម្រេចចិត្តបន្តកុងត្រារយៈពេល៣ឆ្នាំជាមួយនឹងក្លិបបិសាចក្រហម កាលពីថ្ងៃទី៥ ខែកក្កដា កន្លងមកនេះ។
កីឡាករវ័យ២១ឆ្នាំ ដែលចូលលេងនៅក្លិបតាំងបិសាចក្រហមពីនៅអាយុ៨ឆ្នាំ បានចំណាយពេលមួយរដូវកាលខ្ចីជើងនៅ Aston Villa។ រូបគេបានលេងនៅ United ជាលើកដំបូងកាលពីឆ្នាំ២០១៧ ហើយក៏ចាប់ផ្តើមឡើងជើងតាំងពីពេលនោះមក។ កីឡាកររូបនេះ មានក្តីសោមនុស្សយ៉ាងក្រៃលែង ដែលមានឱកាសអាចបន្តនៅក្លិបនេះតទៅទៀត។
Tuanzebe បានប្រាប់លើវេបសាយរបស់ក្លិបថា៖ “ខ្ញុំបានធំធាត់នៅក្លិបបិសាចក្រហម Manchester United ហើយវាតែងតែជាផ្នែកមួយយ៉ាងធំក្នុងជីវិតរបស់ខ្ញុំ និង របស់គ្រួសារខ្ញុំ។ ខ្ញុំពិតជាអរគុណយ៉ាងខ្លាំង ចំពោះការជឿទុកចិត្តពីសំណាក់ក្លិបនេះ ហើយខ្ញុំចង់តបស្នងមកវិញជាមួយនឹងការលេងឱ្យបានល្អនៅលើតារាង។”
គេក៏បានបន្តថា៖ “ខ្ញុំដឹងថា ខ្ញុំមានអ្វីដែលត្រូវរៀនច្រើនណាស់នៅខាងមុខនេះ តែបទពិសោធន៍ដែលខ្ញុំទទួលបានកាលពីរដូវកាលមុន បានធ្វើឱ្យខ្ញុំត្រៀមខ្លួនបានយ៉ាងល្អសម្រាប់ពេលខាងមុខ។” ជាមួយគ្នានេះដែរ គ្រូបង្វឹកក្លិបបិសាចក្រហម លោក Ole Gunnar Solskjaer ថា៖ “Axel គឺជាឧទាហរណ៍យ៉ាងល្អ បង្ហាញពីប្រភេទកីឡាករដែលបានឆ្លងកាត់ប្រព័ន្ធរបស់ Manchester United។
គេដាក់ខ្លួន ឧស្សាហ៍ព្យាយាម ពោរពេញដោយទេពកោសល្យ និង អាចលេងជាក្រុមបានយ៉ាងល្អ។ គេនឹងមកលេងនៅការប្រកួតសម្រាប់មុនពេលចូលរដូវកាលថ្មី ដែលអាចជួយឱ្យយើងលេងបានកាន់តែល្អ ក្រោយមកពីខ្ចីជើងនៅ Aston Villa។”
គួរបញ្ជាក់ផងដែរថា ការប្រកាសបន្តកុងត្រានេះ ធ្វើឡើងនៅថ្ងៃជាមួយគ្នានឹងការប្រកាសចុះកុងត្រារបស់ Andreas Pereira រយៈពេល៤ឆ្នាំ ជាមួយនឹងក្លិបបិសាចក្រហម៕ (សម្រួលដោយ៖ ស្រីណា)
ចែករំលែកព័តមាននេះ