ខេត្តសៀមរាប ៖ បើតាមប្រភពពីមន្ត្រីរដ្ឋបាលព្រៃឈើខេត្តបានប្រាប់ថា ក្រោយពីសមត្ថកិច្ចចម្រុះចុះឆែកឆេរទីតាំងឃ្លាំងស្តុបឈើខុសច្បាប់ ដែលបង្កប់ក្នុងសណ្ឋាគារ«អង្គរអេរ៉ា»នោះ បានរកឃើញមានឯកសារអនុញ្ញាតិច្បាប់ដឹកជញ្ជូនឈើអារចំនួន១២ច្បាប់ និងឯកសារដឹកជញ្ធូនឈើមូលចំនួន១៨ច្បាប់ ស្មើនឹងទំហំនៃការអនុញ្ញាតិឱ្យដឹកជញ្ជូនឈើចំនួន២៧៤ម៉ែត្រគីប ។ ប្រភពបន្តថា…
ខេត្តសៀមរាប ៖ បើតាមប្រភពពីមន្ត្រីរដ្ឋបាលព្រៃឈើខេត្តបានប្រាប់ថា ក្រោយពីសមត្ថកិច្ចចម្រុះចុះឆែកឆេរទីតាំងឃ្លាំងស្តុបឈើខុសច្បាប់ ដែលបង្កប់ក្នុងសណ្ឋាគារ«អង្គរអេរ៉ា»នោះ បានរកឃើញមានឯកសារអនុញ្ញាតិច្បាប់ដឹកជញ្ជូនឈើអារចំនួន១២ច្បាប់ និងឯកសារដឹកជញ្ធូនឈើមូលចំនួន១៨ច្បាប់ ស្មើនឹងទំហំនៃការអនុញ្ញាតិឱ្យដឹកជញ្ជូនឈើចំនួន២៧៤ម៉ែត្រគីប ។
ប្រភពបន្តថា ក្នុងនោះ សមត្ថកិច្ចចម្រុះបានរកឃើញនៅក្នុងឃ្លាំងស្តុកឈើនោះ មានឈើអត់ច្បាប់ចំនួន២៥២ម៉ែត្រគីប ក្នុងចំណោមជាង១ពាន់ម៉ែត្រគីប ដែលយកមករក្សាទុកនៅក្នុងឃ្លាំងនោះ។ បើច្បាប់ស្តីពីព្រៃឈើតាមមាត្រា៩៧ ចែងថា ឈើដែលខុសច្បាប់ទាំងអស់នោះ អាចពិន័យជាអន្តរកាលមានន័យថា ឈើ១គីប ពិន័យគុណនឹង៣ដង ហើយចំពោះឈើទាំងនោះ ត្រូវរឹបអូសយកជាសម្បត្តិរដ្ឋ ។
ឧទាហរណ៍ ឈើ១គីប តម្លៃក្នុងទីផ្សារ១ពាន់ដុល្លារ ត្រូវពិន័យគុណនឹង៣ដង ស្មើនឹង៣ពាន់ដុល្លារ ។ ដូច្នេះ ឈើទំហំជាង២០០ម៉ែត្រគីបនោះ គឺបើគិតតាមច្បាប់ គឺត្រូវរដ្ឋពិន័យបានប្រាក់ចូលរដ្ឋយ៉ាងច្រើនសន្ធឹក សន្ធាប់ផងដែរ។ ប៉ុន្តែសមត្ថកិច្ច យើងបានឱ្យម្ចាស់សណ្ឋាគារយកឯកសារ ពាក់ព័ន្ធដែលច្បាប់អនុញ្ញាតិមកផ្ទៀងផ្ទាត់គ្នាព្រោះថា សមត្ថកិច្ចអាចអនុវត្តច្បាប់លើឈើណាដែលគ្មានច្បាប់ ។ ដោយឡែក ឈើដែលមានច្បាប់ គឺសមត្ថកិច្ចមិនអាចហ៊ានប៉ះពាល់ឡើយ ។
បើតាមប្រសាសន៍របស់លោក ទា គឹម សុទ្ធ ប្រធានមន្ទីរកសិកម្មរុក្ខាប្រមាញ់ និងនេសាទ ខេត្តសៀមរាប បានប្រាប់ភ្នាក់ងារកោះសន្តិភាព កាលពីរសៀលថ្ងៃទី៥ កក្កដា នេះថា ករណីឈើនោះ លោកមិនបានដឹងច្បាស់ទេ ព្រោះលោកនៅឆ្ងាយ បើចង់ដឹងច្បាស់ សួរទៅខាងជំនាញ គឺលោក ម៉ុង ប៊ុនលីម នាយខណ្ឌរដ្ឋ បាលព្រៃឈើខេត្ត ទើបបានដឹងច្បាស់។
សូមបញ្ជាក់ថា ម្ចាស់សណ្ឋាគារអង្គរអេរ៉ា ហើយក៏ជាម្ចាស់ឈើ ឈ្មោះលី ស៊ីណា ភេទប្រុស អាយុប្រហែល៥០ឆ្នាំ មានទីលំនៅភូមិខ្នារ សង្កាត់ជ្រាវ ក្រុងសៀមរាប ហើយល្បីខាងប្រមូលទិញឈើយកមកពីខេត្តព្រះ វិហារ ឆ្លងកាត់តាមស្រុកអន្លង់វែង ចូលមកស្តុបទុក នៅឃ្លាំងខាងក្រោយក្នុងសណ្ឋាគារអង្គរអេរ៉ា កណ្តាលក្រុងសៀមរាប ត្រូវបានសមត្ថកិច្ចនិងមន្ត្រីជំនាញ ឆែកឆេររកឃើញ ឈើអត់ច្បាប់មានចំនួន២៥២ម៉ែត្រគីប ក្នុងចំណោម ឈើ ប្រមាណជាង១ពាន់ម៉ែត្រគីប ត្រូវបានរឹបអូសយកទៅរក្សាទុកនៅខណ្ឌរដ្ឋបាលព្រៃឈើខេត្តសៀមរាប ។
ចំណែកម្ចាស់សណ្ឋាគារអង្គរអេរ៉ា និងជាម្ចាស់ឈើនោះ ត្រូវបានខាងមន្ត្រីខណ្ឌរដ្ឋបាលព្រៃឈើខេត្តឱ្យចូល ខ្លួន ដើម្បីផាកវិន័យអន្តរកាល ទៅតាមច្បាប់ស្តីពីព្រៃឈើ នៅថ្ងៃទី៥ កក្កដា ឆ្នាំ២០១៩ នេះ ប្រសិនបើមិនចូលខ្លួនដោះស្រាយទេ ខាងជំនាញនិងរៀបចំកសាងសំណុំរឿងបញ្ជូនទៅតុលាការខេត្ត នេះបើតាមសម្តីរបស់លោក ម៉ុង ប៊ុនលីម នាយខណ្ឌរដ្ឋបាលព្រៃឈើខេត្តសៀមរាប ដែលបានប្រាប់ភ្នាក់ងារកោះសន្តិភាពនៅវេលាម៉ោង៤និង៣០នាទីរសៀលថ្ងៃទី៥ខែកក្កដាឆ្នាំ២០១៩នេះ ។ (សម្រួលដោយ៖ ស្រីណា)
ចែករំលែកព័តមាននេះ