រាជធានីភ្នំពេញ ៖ ចៅក្រមស៊ើបសួរសាលាដំបូងរាជធានីភ្នំពេញ កាលពីថ្ងៃទី៤ កក្កដា បានចេញដីកាបង្គាប់ឲ្យចូលខ្លួនលើកទី៣ ទៅលើពាណិជ្ជករជនជាតិថៃ សញ្ជាតិខ្មែរចំនួន៣នាក់ឪពុក និងកូន ពាក់ព័ន្ធទៅ…
រាជធានីភ្នំពេញ ៖ ចៅក្រមស៊ើបសួរសាលាដំបូងរាជធានីភ្នំពេញ កាលពីថ្ងៃទី៤ កក្កដា បានចេញដីកាបង្គាប់ឲ្យចូលខ្លួនលើកទី៣ ទៅលើពាណិជ្ជករជនជាតិថៃ សញ្ជាតិខ្មែរចំនួន៣នាក់ឪពុក និងកូន ពាក់ព័ន្ធទៅ និង បទល្មើសរំលោភលើទំនុកចិត្តពិសេស ដោយអភិបាល ឬបុគ្គលផ្សេងទៀត និង ពីបទលួច ។
ពាណិជ្ជករទាំង៣នាក់នោះ ១.ឈ្មោះ SOMBOON SUKCHAROENKRAISRI ឈ្មោះខ្មែរ ហៅ លី បាក់ឡេង ភេទប្រុស អាយុ៦៧ ឆ្នាំ (ជាឪពុក និងថៅកែកាស៊ីណូ) ២.ឈ្មោះ លី បាក់តុង ភេទប្រុស អាយុ៣៥ ឆ្នាំ និង ៣.ឈ្មោះ លី បាក់ហ៊ុយ ភេទប្រុស អាយុ៣៤ ឆ្នាំ (ត្រូវជាកូន) មានអាសយដ្ឋាននៅភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយ មានជ័យ ។
តាមដីកាបង្គាប់ឲ្យចូល ខ្លួនលើកទី៣ របស់ចៅក្រមស៊ើបសួរ បានបញ្ជាក់ច្បាស់ថា បាន ឃើញដីកា
សន្និ ដ្ឋានបញ្ជូនឲ្យស៊ើបសួរលេខ១០៣៦ អ.យ.ក.ចុះថ្ងៃទី១៩ ខែមិនា ឆ្នាំ២០១៩ របស់អយ្យការអមសាលាដំបូងរាជធានីភ្នំពេញ ដែលបានចោទប្រកាន់លើឈ្មោះ SOMBOON SUKCHAROENKRAISRI (ហៅ លី បាក់ឡេង) ឈ្មោះ លី បាក់តុង និង ឈ្មោះ លី បាក់ហ៊ុយ ពីបទ.រំលោភលើទំនុកចិត្តពិសេស ដោយអភិបាល ឬបុគ្គលផ្សេងទៀត និងពីបទ.លួច ប្រព្រឹត្តនៅរាជ ធានីភ្នំពេញ ចាប់ពីអំឡុងឆ្នាំ ២០១៥.២០១៧ តាមបញ្ញាត្តិមាត្រា៣៩៣ មាត្រា៣៥៣ និងមាត្រា៣៥៦ នៃក្រមព្រហ្មទណ្ឌ ។
ដីកាបានបង្គាប់ឲ្យជនត្រូវចោទទាំង៣នាក់ឪពុកកូន ចូលខ្លួនទៅកាន់សាលាដំបូងរាជធានីភ្នំពេញ វេលាម៉ោង៨ និង៣០ នាទីព្រឹកថ្ងៃទី២៦ ខែកក្កដា ជាកំហិត ដើម្បីបំភ្លឺពីដំណើររឿងដូចការ ចោទប្រកាន់ខាងនេះ ។
យោងតាមការចោទប្រកាន់នេះ ត្រូវបានធ្វើឡើង ដោយមូលហេតុ ពាណិជ្ជករជនជាតិថៃទាំង៣នាក់ឪពុកកូន បានបើកប្រតិបត្តិការធ្វើអាជីវកម្មកាស៊ីណូខុសច្បាប់ ដោយរំលោភបំពានកាតព្វកិច្ចមិនប្រកួតប្រជែងអាជីវកម្ម ធ្វើឲ្យម្ចាស់បណ្ដឹង ទទួលនូវការខាតបង់ចំណូលរាប់សិបលានដុល្លារអាមេរិក ។
យ៉ាងណាក្តី ដីកាបង្គាប់ឲ្យចូលខ្លួនលើកទី៣នេះ អ្នកច្បាប់បាននិយាយថា បើជនត្រូវចោទមិនចូលខ្លួនតាមដីកានោះទៀតទេ ចៅ ក្រមស៊ើបសួរសាលាដំបូង និងសម្រេចចេញដីកាឲ្យនាំខ្លួន ឬចាប់ខ្លួន ទៅសមត្ថកិច្ចដែលជាមន្ត្រីនគរបាលយុត្តិធម៌ អនុវត្តលើជនត្រូវចោទទាំង៣ នាក់នោះតែម្តង ។
គួរបញ្ជាក់ថា រឿងក្តីមួយនេះ ផ្តើមចេញពីការបំពានខមិនប្រកួតប្រជែង ដែលមានពាក់ព័ន្ធផងដែរ នឹងការបើកប្រតិបត្តិការអាជីវកម្មកាស៊ីណូ Parawinsor និងកាស៊ីណូ Paramax ក្នុងក្រុងប៉ោយប៉ែត ខេត្តបន្ទាយមានជ័យ ដែលកំពុងមានវិវាទ ជាច្រើនករណីយ៉ាងចំរូងចំរាស់គួរឲ្យចាប់អារម្មណ៍ ទាំងនៅតុលាការ និងស្ថាប័នមានសមត្ថកិច្ច ពាក់ព័ន្ធ នឹងអាជីវកម្មកាស៊ីណូនេះ ។
ប្រភពព័ត៌មានក៏បានបង្ហើបឲ្យដឹងថា កាស៊ីណូ Parawinsor កំពុងធ្វើប្រតិបត្តិការនោះទំនងពុំមានអាជ្ញាប័ណ្ណ ពីស្ថាប័នមានសមត្ថកិច្ចទេ តាមរយៈនេះអាជ្ញាធរ គប្បីចុះត្រួតពិនិត្យ និងចាត់វិធានការនានា ចំពោះការប្រកបអាជីវកម្មដែលមិនមានច្បាប់អនុញ្ញាតនោះ ៕ (សម្រួលដោយ៖ ស្រីណា)
ចែករំលែកព័តមាននេះ