ខេត្តត្បូងឃ្មុំ ៖ អាជ្ញាធរគ្រប់លំដាប់ថ្នាក់រួមនឹងស្ថាប័នជំនាញបានចុះទៅដល់ភូមិកំពូលសេរី និងភូមិ សោយ ក្នុងឃុំមៀន ស្រុកអូររាំងឪ ជាតំបន់ដែលផ្ទុះជំងឺប៉េស្តជ្រូកអាហ្វ្រិច ដោយរហូតមកដល់រសៀ លថ្ងៃទី៤…
ខេត្តត្បូងឃ្មុំ ៖ អាជ្ញាធរគ្រប់លំដាប់ថ្នាក់រួមនឹងស្ថាប័នជំនាញបានចុះទៅដល់ភូមិកំពូលសេរី និងភូមិ
សោយ ក្នុងឃុំមៀន ស្រុកអូររាំងឪ ជាតំបន់ដែលផ្ទុះជំងឺប៉េស្តជ្រូកអាហ្វ្រិច ដោយរហូតមកដល់រសៀ
លថ្ងៃទី៤ កក្កដា ២០១៩ នូវបន្តតាមដានដោយមិនអនុញ្ញាតឲ្យមានការទិញ-លក់ជ្រូកនោះឡើយ។
លោកងួន ប៊ុណ្ណាន អភិបាលស្រុកអូររាំងឪប្រាប់ឲ្យដឹងថា លោក និងសហការីជាច្រើននាក់រួមនឹងលោក
អ៊ាង សុផល្លែត ប្រធានក្រុមការងារចុះជួយស្រុកអូររាំងឪ បានចុះទៅដល់តំបន់ដែលផ្ទុះជំងឺប៉េស្ត ជ្រូកអាហ្វ្រិក កាលពីថ្ងៃទី៣ កក្កដា ក្នុងនោះដោយបានណែនាំដល់ប្រជាពលរដ្ឋដែលមានរបរចិញ្ចឹមជ្រូកឲ្យចេះពីវិធីការពារជំងឺ និងការទប់ស្កាត់មិនឲ្យឆ្លងផងដែរ។
លោកអភិបាលស្រុកអូររាំងឪប្រាប់បន្តថា ភូមិកំពូលសេរី និងភូមិសោយ ក្នុងឃុំមៀន ស្រុកអូររាំងឪក្នុងរង្វង់៣គីឡូម៉ែត្រ ត្រូវបានហាមមិនឲ្យមានការទិញលក់ជ្រូកនោះទេ ដោយបានបាញ់ថ្នាំសម្លាប់មេរោគ ហើយនិងក្នុងរង្វង់១០គីឡូម៉ែត្រ ស្ថិតក្នុងការតាមដានតាមរយៈការយកសំណាកទៅពិនិត្យឃើញមានជ្រូកចំនួន១១ក្បាលបានងាប់ និងត្រូវបានជីកកប់ក្នុងដីដោយដាក់ថ្នាំដើម្បីចៀសវាងកុំឲ្យឆ្លងរាលដាលជំងឺ។
ជាមួយនោះបានបង្កើតគណៈកម្មការចំរុះ ដោយបានឃ្លាំមើល២៤ម៉ោងលើ២៤ម៉ោងនៅតំបន់ផ្ទុះជំងឺប៉េស្តជ្រូកអាហ្វ្រិកផងដែរ។
តាមមន្ត្រីបសុព្យាបាលខេត្តវិញបានប្រាប់ឲ្យដឹងថា ចាប់តាំងពីថ្ងៃទី២៣ មិថុនា រហូតដល់ថ្ងៃទី៤ កក្កដា
ឆ្នាំ២០១៩ ជ្រូកនៅក្នុងភូមិកំពូលសេរីបានងាប់ចំនួន៣ក្បាល និងភូមិសោយចំនួន១៩ក្បាល សរុបងាប់២២ក្បាលដោយសារកើតជំងឺប៉េស្តជ្រូកអាហ្វ្រិក ហើយដោយមានការណែនាពីថ្នាក់លើ ក៏ដូចលោកអភិបាលខេត្តនោះ មន្ត្រីជំនាញបានចុះបាញ់ថ្នាំសម្លាប់មេរោគចំនួន៣ថ្ងៃ ចាប់ពីថ្ងៃទី២ ដល់៤ កក្កដា ដោយបាញ់លើកង់ម៉ូតូ និងរថយន្ត ដែលបើកបរកាត់ភូមិចំនួន២ខាងលើ និងតាមផ្ទះរបស់ប្រជាពលរដ្ឋបានជាច្រើនខ្នង។
កម្លាំងជំនាញនូវបន្តតាមដានជំងឺនេះបន្តទៀត ដោយមានកិច្ចសហការជាមួយនឹងអាជ្ញាធរពាក់ព័ន្ធ៕
(កែសម្រួលដោយ ៖ ធីតា)
ចែករំលែកព័តមាននេះ