រាជធានីភ្នំពេញ ៖ កម្លាំងល្បាតប៉ុស្តិ៍នគេបាលរដ្ឋបាលទន្លេបាសាក់ បានពួនស្ទាក់ក្នុងមូលដ្ឋានទប់ស្កាត់បទល្មើសផ្សេងៗ ការពារសុវត្ថិភាពជូនប្រជាពលរដ្ឋ ក៏ប្រទះឃើញជនម្នាក់កំពុងស្រែកឡូឡាដើរចុះដើរឡើងម្នាក់ឯង ដោយសង្ស័យក៏ឃាត់ខ្លួនត្រួតពិនិត្យ និងនាំមកសាកសួរនាំបន្តនៅស្នាក់ការប៉ុស្តិ៍នគរបាលទន្លេបាសាក់ ធ្វើតេស្តទឹកនោមក៏ឃើញមានសារជាតិញៀន ។…
រាជធានីភ្នំពេញ ៖ កម្លាំងល្បាតប៉ុស្តិ៍នគេបាលរដ្ឋបាលទន្លេបាសាក់ បានពួនស្ទាក់ក្នុងមូលដ្ឋានទប់ស្កាត់បទល្មើសផ្សេងៗ ការពារសុវត្ថិភាពជូនប្រជាពលរដ្ឋ ក៏ប្រទះឃើញជនម្នាក់កំពុងស្រែកឡូឡាដើរចុះដើរឡើងម្នាក់ឯង ដោយសង្ស័យក៏ឃាត់ខ្លួនត្រួតពិនិត្យ និងនាំមកសាកសួរនាំបន្តនៅស្នាក់ការប៉ុស្តិ៍នគរបាលទន្លេបាសាក់ ធ្វើតេស្តទឹកនោមក៏ឃើញមានសារជាតិញៀន ។ ហេតុការណ៍នេះ កាលពីវេលាម៉ោង០៧ និង៣០នាទីយប់ថ្ងៃទី០៣ កក្កដា នៅមុខផ្ទះលេខ328 ភូមិ16 ក្រុម125 ផ្លូវព្រះនរោត្តម សង្កាត់ទន្លេបាសាក់ ខណ្ឌចំការមន។
ជនសង្ស័យដែលឃាត់ខ្លួនមានឈ្មោះ ម៉ៅ ប៊ុនធឿន ភេទប្រុស អាយុ២៩ឆ្នាំ មុខរបរមិនពិតប្រាកដ ស្នាក់នៅផ្ទះជួលកន្លែងកើតហេតុខាងលើ ។ ប្រភពព័ត៌មានពីកម្លាំងល្បាតប៉ុស្តិ៍នគរបាលទន្លេបាសាក់ បានឱ្យដឹងថា មុនកើតហេតុ គឺកម្លាំងល្បាតប៉ុស្តិ៍នគរបាលទន្លេបាសាក់បានល្បាតពួនស្ទាក់នៅក្នុងមូលដ្ឋាន ។ លុះមកដល់ចំណុចកើតហេតុ ក៏ប្រទះឃើញជនសង្ស័យខាងលើ ស្រែកឡូឡាពេញផ្លូវ ដើរចុះដើរឡើងតែម្នាក់ ។
ដោយខ្លាច បង្កភាពអសន្តិសុខក្នុងមូលដ្ឋានដែលធ្វើឱ្យពលរដ្ឋមានការភ័យខ្លាច កម្លាំងបានឃាត់ខ្លួនត្រួតពិនិត្យនៅប៉ុស្តិ៍នគរបាលទន្លេបាសាក់ ។ បន្ទាប់ពីសាកសួរនាំកម្លាំងសមត្ថកិច្ចក៏បានធ្វើតេស្តរកសារធាតុញៀននៅក្នុងទឹកនោមជនសង្ស័យខាងលើ លទ្ធផលវិជ្ជមាន(មានសារធាតុញៀនក្នុងទឹកនោម)ក៏ឃាត់ខ្លួនតែម្តង។ (សម្រួលដោយ៖ ស្រីណា)
ចែករំលែកព័តមាននេះ