រាជធានីភ្នំពេញ ៖ លោកអង្គ វឌ្ឍានា រដ្ឋមន្ត្រីក្រសួយុត្តិធម៌បានអះអាងថា គិតត្រឹមខែឧសភាកន្លងមកនេះ មានអ្នកទោសជាប់ពន្ធនាគារសរុបទាំងជាង៣ម៉ឺននាក់ ក្នុងនោះក៏មានស្ត្រីមានគភ៌ និងស្ត្រីមានកូនតូចផងដែរ ។…
រាជធានីភ្នំពេញ ៖ លោកអង្គ វឌ្ឍានា រដ្ឋមន្ត្រីក្រសួយុត្តិធម៌បានអះអាងថា គិតត្រឹមខែឧសភាកន្លងមកនេះ មានអ្នកទោសជាប់ពន្ធនាគារសរុបទាំងជាង៣ម៉ឺននាក់ ក្នុងនោះក៏មានស្ត្រីមានគភ៌ និងស្ត្រីមានកូនតូចផងដែរ ។ ឆ្លើយសំណួរសមាជិករដ្ឋសភា ក្នុងសម័យប្រជុំពេញអង្គរដ្ឋសភានា ព្រឹកថ្ងៃទី៤ ខែកក្កដានេះ លោកអង្គវង្សវឌ្ឍានា រដ្ឋមន្ត្រីក្រសួងយុត្តិធម៌បានលើកឡើងថា រាជរដ្ឋាភិបាលបានកំពុងខិតខំក្នុងការដោះស្រាយពីបញ្ហាកកស្ទះនៅក្នុងពន្ធនាគារ និងអ្នកជាប់ឃុំ ពិសេសនោះអ្នកទោសជាស្ត្រី អនីតិជន ស្ត្រីមានគភ៌ ស្ត្រីមានកូនតូច នៅជាមួយ ។
លោករដ្ឋមន្ត្រីបានបញ្ជាក់ថា ៖«បើគិតត្រឹមខែឧសភា ឆ្នាំ២០១៩ មានអ្នកទោសជាប់ពន្ធនាគារទាំងជនជាប់ចោទជនត្រូវចោទទណ្ឌិតទាំងអស់សរុប៣២០៩៧នាក់ ក្នុងនោះមានអ្នកជាប់ឃុំជាស្ត្រីចំនួន២៨៨៥នាក់ នោះមានស្ត្រីមានគភ៌៣៣នាក់ និងស្ត្រីមានកូនតូចចំនួន១១៤នាក់» ។
លោកបញ្ជាក់ថា ៖«ដើម្បីចូលរួមចំណែកដោះស្រាយបញ្ហានេះក៏ដូចជា ប្រធានគណៈ កម្មការថ្នាក់ជាតិត្រួតពិនិត្យ និងវាយតម្លៃបញ្ជីឈ្មោះទណ្ឌិតសម្រាប់បន្ធូរបន្ថយ និងលើកលែងទោសនោះខ្ញុំក៏បានស្នើសុំដល់ និងតាស់តឿនដល់ថ្ងៃចៅក្រម ព្រះរាជអាជ្ញាឲ្យពន្លឿន និងធ្វើការជំនុំជម្រះឲ្យបានឆាប់ ទាំងសំណុំរឿងរដ្ឋប្បវេណី និងសំណុំរឿងព្រហ្មទណ្ឌ» ។
លោករដ្ឋមន្ត្រីបន្តថា ជាលទ្ធផលនៅក្នុងរយៈពេលថ្មីៗនេះសំណុំរឿងត្រូវបានពន្លឿនពាក់ព័ន្ធនឹងអ្នកជាប់ឃុំបញ្ចប់ការស៊ើបសួរមានចំនួន២១១៨នាក់ ក្នុងនោះមានស្ត្រី១៤៣នាក់ និងសំណុំរឿងបញ្ចប់ការជំនុំជម្រះមានចំនួន២៤៩៥នាក់ ក្នុងនោះមានស្ត្រី២៨៨នាក់ ។ លោកបានបញ្ជាក់ថា ៖«ការលើកនីតិវិធីជំនុំជម្រះរឿងក្តី គឺជាវិធានការណ៍មួយក្នុងការជួយសម្រួលការកកស្ទះចង្អៀតណែននៅពន្ធនាគារផងដែរ» ៕ កែសម្រួលដោយ ៖ សុឃាក់
ចែករំលែកព័តមាននេះ