រាជធានីភ្នំពេញ ៖ មុននេះបន្តិចតាមរយៈហ្វេសប៊ុកផ្លូវការរបស់សម្តេចតេជោ ហ៊ុន សែន បានឲ្យដឹងថា នំបញ្ចុកខ្មែរបានបង្ហាញវត្តមានដល់ទីស្នាក់ការអង្គការពាណិជ្ជកម្មពិភពលោក (World Trade Organization-WTO) និងមានបរទេសទទួលទានយ៉ាងឆ្ងាញ់ពិសាតែម្តង ។
សម្តេចនាយករដ្ឋមន្ត្រីបានសរសេរសារមានខ្លឹមសារថា «ខ្ញុំពិតជារីករាយ ដែលនំបញ្ចុកខ្មែរបានមកដល់ទីស្នាក់ការ អង្គការពាណិជ្ជកម្មពិភពលោក (World Trade Organization-WTO) កាលពីយប់មិញ នៅក្នុងកម្មវិធីសង្គម និងវប្បធម៌» ។
សម្តេចបានបន្ថែមថា «ដូចយើងដឹងហើយថា នំបញ្ចុក គឺជាអត្តសញ្ញាណនំរបស់ជាតិយើង ដែលបង្ហញពីសាមគ្គីភាពស្អិតរមួតវេញត្របាញ់ចូលគ្នាដូចជា ចង្វាយនំបញ្ចុក ដែលមានគ្រឿងផ្សំជាច្រើននាំមកនូវក្លិនដ៏ឈ្ងុយ និងរសជាតិដ៏ឆ្ងាញ់ពិសា ដែលនាំមកនូវសុខភាពពិតៗ យើងចូលរួមអោយតម្លៃលើកតម្កើងម្ហូបអាហារ និងនំចំណីខ្មែរអោយបានកាន់តែទូលំទូលាយនៅក្នុងពិធីសំខាន់ៗតូចធំទាំងក្នុង និងក្រៅប្រទេស ។ សូមអរគុណ និងជូនពរបងប្អូនជនរួមជាតិជួបតែសេចក្តីសុខ និងសំណាងល្អគ្រប់ទីកន្លែង» ។
ជាមួយគ្នានោះផងដែរ ពិធីការិនីស្រស់សោភា នាង ឌួង ហ្សូរីដា ក៏បានចូលទៅខមមិនលើហ្វេសប៊ុកផេករបស់សម្តេចតេជោ បង្ហាញនូវអារម្មណ៍រំភើប និងពោរពេញដោយមោទនភាពថា «ពិតជាមានមោទនភាពបំផុត ដែលនំបញ្ចុកខ្មែរ អាចយកទៅបង្ហាញ និងអញ្ជើញជនជាតិបរទេសបានទទួលទានដូចជាតិយើងដែរ ៕ កែសម្រួលដោយ ៖ សុឃាក់
ចែករំលែកព័តមាននេះ