រាជធានីភ្នំពេញ ៖ លោក កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជាបានអះអាងថាលោកនឹងស្នើសុំមេធាវីសម្តេចតេជោ ហ៊ុនសែន ការពារក្តីចំពោះសំណុំរឿងស្ត្រីដែលជាប់ពន្ធនាគាររហូតដល់១៦៥ឆ្នាំ ហើយមានកូនតូចនៅជាមួយ ។ ការលើកឡើងរបស់លោកកែវ រ៉េមី បន្ទាប់ពីមហាជនមានការភ្ញាក់ផ្អើកចំពោះការទទួលទោសរបស់ស្ត្រីម្នាក់ នៅមណ្ឌលអប់រំកែប្រែទី២ ម២ ។
លោកកែវ រ៉េមីបានលើកឡើងបណ្តាញសង្គមនៅថ្ងៃទី៣ ខែកក្កដាថា« សូមអរគុណជាអនេកជូនដល់ឯឧ.អង្គវង្ស វឌ្ឍានា រដ្ឋមន្ត្រីក្រសួងយុត្តិធម៌ និង ឯឧ. ជីវ កេង អនុប្រធានតុលាកំពូលដែលបានយកចិត្តទុកដាក់លើករណី ពេជ្រ សូណែត ដើម្បីបង្កើនល្បឿនទាក់ទងបណ្តឹងឧទ្ធរណ៍ ។
លោកបន្តថា កាលណាចូលជាស្ថាពរហើយតុលាការនឹងប្រើវិធានស្រូបទោស ដោយយកទោសធ្ងន់ជាងគេតែមួយយកមកអនុវត្តន៍ បើទោះជាគាត់ជាប់ទោសច្រើនរាប់សិបឆ្នាំច្រើនករណីយ៉ាងណាក៏ដោយ ។ ខ្ញុំនឹងស្នើមេធាវីសម្តេចតេជោជួយទទួលរឿងក្តីនេះ ៕ កែសម្រួលដោយ ៖ សុឃាក់
ចែករំលែកព័តមាននេះ