នោះ…ស្រីស្អាតពេជ្រ ចរណៃ បន្ទោសអ្នកសារព័ត៌មាន
- ភ្នំពេញ
រាជធានីភ្នំពេញ ៖ ក្រោយផ្ទុះការរិះគន់ តាមរយៈវីដេអូឃ្លីបរបស់ខ្លួន ពេជ្រ ចរណៃ បានបង្ហោះនៅថ្ងៃទី៣ កក្កដា ឆ្នាំ២០១៩ បញ្ជាក់ថា…
រាជធានីភ្នំពេញ ៖ ក្រោយផ្ទុះការរិះគន់ តាមរយៈវីដេអូឃ្លីបរបស់ខ្លួន ពេជ្រ ចរណៃ បានបង្ហោះនៅថ្ងៃទី៣ កក្កដា ឆ្នាំ២០១៩ បញ្ជាក់ថា…
រាជធានីភ្នំពេញ ៖ ក្រោយផ្ទុះការរិះគន់ តាមរយៈវីដេអូឃ្លីបរបស់ខ្លួន ពេជ្រ ចរណៃ បានបង្ហោះនៅថ្ងៃទី៣ កក្កដា ឆ្នាំ២០១៩ បញ្ជាក់ថា រូបភាពដែលទស្សនិកជនបានឃើញនោះ គឺជាការថតMVមួយ ដែលនាងដើរជាតួឯក ។ នៅថ្ងៃដែលត្រូវថតបទច្រៀងមួយនេះ ត្រង់ឈុតឆាកឃាតកម្មនេះ ក៏មានការថតឡាយពីតួប្រុស និងក្រុមការងារបង្ហាញពីសកម្មភាពថត ហើយក៏មានជាប់រូបរបស់នាងនៅក្នុងនោះដែរ ទើបបណ្តាលឲ្យមានការយល់ច្រឡំកើតឡើង ។ នៅក្នុងសាច់រឿងនៃបទចម្រៀងនោះ គឺអ្នកដឹកនាំរឿងតម្រូវឲ្យសកម្មភាពដែលគេបានធ្វើឃាតនាងនោះមានការLIVE ផ្ទាល់ពីអ្នកសារព័ត៌មានដែលបានទៅ ដើម្បីឲ្យតួប្រុសបានឃើញ ហើយរត់ទៅរកតួស្រីនៅកន្លែងកើតហេតុនោះតែម្តង ។
ពេជ្រ ចរណៃ បានបដិសេធចោលរាល់មតិទាំងឡាយ ដែលចោទប្រកាន់រូបនាងថា បង្ហោះរូបទាំងនោះដើម្បីល្បីផ្ទាល់ខ្លួន ខណៈពេលដែលនាងមិនចង់ល្បីបែបនេះឡើយ ។ ពេជ្រ ចរណៃ ហាក់បន្ទោសអ្នកសារព័ត៌មាន និងស្នើមុននឹងចុះផ្សាយគួរទាក់ទងសុំការបញ្ជាក់ពីរូបនាងជាមុនសិន ចៀសវាងការចេញព័ត៌មានទៅនាំឲ្យមហាជនភាន់ច្រឡំ និងមានការខឹងរូបនាងដែលមិនដឹងខ្លួន។
សួមបញ្ជាក់ថា រូបភាពដែលបានផ្សព្វផ្សាយតាមហ្វេសប៊ុកពីការធ្វើឃាតតារាសម្តែង នាងពេជ្រ ចរណៃ ច្រកចូលក្នុងការុងយកទៅចោលនៅក្រោមស្ពានជ្រោយចង្វាកាលពីពេល ថ្មីៗនេះ ត្រូវមហាជន និងភាគីពាក់ព័ន្ធរិះគន់ខ្លាំង ចាត់ទុកជាការបំពុលសភាពការណ៍ ។ រូបភាពប៉ុន្មានសន្លឹកត្រូវគេប្រទះឃើញនៅលើ
ហ្វេសប៊ុក ធ្វើឲ្យភ្ញាក់ផ្អើលខ្លាំង ដ្បិតបង្ហាញថា តារាសម្តែងនាងពេជ្រ ចរណៃ ត្រូវគេសម្លាប់យ៉ាងព្រៃផ្សៃ ។ បណ្តាញសារព័ត៌មានអនឡាញផ្សេងៗបានចុះផ្សាយ ដោយមិនមានការបញ្ជាក់ពីសាមីខ្លួនទេ បើទោះបីជាមានអ្នកខ្លះយល់ឃើញថា គ្រាន់តែជាការសម្តែងក៏ដោយ។
នៅពេលដឹងច្បាស់ថា ជារូបភាពនៃការសម្តែង មហាជននាំគ្នារិះគន់ ដោយថា មិនគួរយករូបបែបនេះមកផ្សព្វផ្សាយ នាំឲ្យមានការយល់ច្រឡំ និងបំពុលបរិយាកាសក្នុងសង្គម។ ជាងនេះទៅទៀតវានាំឲ្យអ្នកនាំពាក្យនៃស្នងការដ្ឋាននគរបាលរាជធានីភ្នំពេញចេញសេចក្តីប្រកាសបញ្ជាក់ថា ពុំមានរឿងឃោរឃៅបែបនោះកើតឡើងទេ គ្រាន់តែជាការថតសម្តែង ហើយផលិតករមិនបានជូនដំណឹងដល់អាជ្ញាធរប៉ុណ្ណោះ ទើបបង្កឲ្យមានការភ្ញាក់ផ្អើល។
គួរបញ្ជាក់ទៀតថា មហាជនខ្លះបានរិះគន់ ព្រមទាំងស្នើឲ្យសមត្ថកិច្ចចាត់ការឲ្យអ្នកបំពុលចេញមុខបកស្រាយ ហើយទទួលខុសចំពោះមហាជន ចំណែកសារព័ត៌មានអនឡាញដែលចុះផ្សាយត្រូវកែតម្រូវវិញ ។ ពួកគេបញ្ជាក់ថា «របរអ្វីក៏ដោយ ឲ្យមានចំណេះដឹងទូទៅ និងយល់ផលប៉ះពាល់សង្គម អាជ្ញាធរ ពិសេសមេបាក្រុមហ៊ុន ឬអាជ្ញាធរ សមត្ថកិច្ចគួរដុសក្អែលក្រុមនេះម្តង នេះគឺការបំផុសFack newsបំពុលសង្គម ដែលប្រមុខរដ្ឋាភិបាលកំពុងព្យាយាមលុបបំបាត់»។ (សម្រួលដោយ៖ ស្រីណា)
ចែករំលែកព័តមាននេះ