សហរដ្ឋអាមេរិក ៖ ប្រធានាធិបតីអាមេរិកលោកដូណាល់ត្រាំ គ្រោងធ្វើព្យុហយាត្រាយោធាដោយមានកងរថក្រោះបើកហែក្បួន ព្រមទាំងការហោះហើរសម្ដែងប្ញទ្ធិរបស់កងយន្តហោះ នាឱកាសថ្ងៃបុណ្យឯករាជ្យជាតិរបស់សហរដ្ឋអាមេរិក៤កក្កដា។ លោកត្រាំចង់ឲ្យបណ្ដារថក្រោះបើកកាត់ក្រុងNATIONAL MALL ដើម្បីប្រារព្ធទិវាបុណ្យឯករាជ្យជាតិ របស់សហរដ្ឋអាមេរិក…
សហរដ្ឋអាមេរិក ៖ ប្រធានាធិបតីអាមេរិកលោកដូណាល់ត្រាំ គ្រោងធ្វើព្យុហយាត្រាយោធាដោយមានកងរថក្រោះបើកហែក្បួន ព្រមទាំងការហោះហើរសម្ដែងប្ញទ្ធិរបស់កងយន្តហោះ នាឱកាសថ្ងៃបុណ្យឯករាជ្យជាតិរបស់សហរដ្ឋអាមេរិក៤កក្កដា។
លោកត្រាំចង់ឲ្យបណ្ដារថក្រោះបើកកាត់ក្រុងNATIONAL MALL ដើម្បីប្រារព្ធទិវាបុណ្យឯករាជ្យជាតិ របស់សហរដ្ឋអាមេរិក ហើយព្យុហយាត្រាយោធា ត្រូវមានរៀងរាល់ឆ្នាំនាថ្ងៃទី៤កក្កដា។ ក្រៅពីក្បួនរថក្រោះមានការហោះហើរសម្ដែងប្ញទ្ធិរបស់កងយន្តហោះ ព្រមទាំងមានការបាញ់កាំជ្រួចដែលជាប្រពៃណី។
ការប្រកាសពីការរៀបចំព្យុហយាត្រាយោធានោះរបស់លោកត្រាំ នាំឲ្យមានការរិះគន់នានា។ សម្រាប់ពួកអ្នកប្រជាធិបតេយ្យក្នុងសភាយល់ថា ការធ្វើព្យុហយាត្រាយោធានេះ ជាវិធីមួយដើម្បីបង្វែរមករកព្រឹត្តិការណ៍មួយ ដែលផ្ដល់ប្រយោជន៍ដល់ខ្លួនលោក ក្នុងទស្សនវិស័យនៃការបោះឆ្នោតប្រធានាធិបតី នាឆ្នាំ២០២០ខាងមុខ។ ពួកអ្នកប្រជាធិបតេយ្យទាំងនោះ ម្យ៉ាងទៀតបានលើកពីការចំណាយយ៉ាងខ្ពស់សម្រាប់ការធ្វើព្យុហយាត្រាយោធា។ រដ្ឋការលោកត្រាំមកទល់ពេលនេះ នៅមិនទាន់ឆ្លើយតបចំពោះរឿងនេះនៅឡើយ។
ចំណែកបណ្ដាអ្នកទទួលខុសត្រូវនៃស្រុកកូឡុំប៊ីយ៉ាលើកពីបញ្ហាមួយទៀតដែលថា ទីក្រុងNATIONAL MALLនៃស្រុកនេះ ពុំមែនសម្រាប់ទទួលឧបករណ៍យោធាទាំងនេះឡើយ។ បណ្ដារថក្រោះអាចបណ្ដាលឲ្យមានការខូចផ្លូវនានា។ គេត្រូវមានការប្រុងប្រយ័ត្នជាមួយរថក្រោះទាំងនោះ ព្រោះផ្លូវថ្នល់ពុំមាននិន្នាការទ្រទម្ងន់រថក្រោះធុនធ្ងន់ឡើយ។ តែប្រមុខសេតវិមានឆ្លើយតបថា ដូច្នេះយើងត្រូវដាក់រថក្រោះទាំងនេះក្នុងតំបន់មួយចំនួន។
ការចង់ឲ្យមានព្យុហយាត្រាយោធានៅអាមេរិក ពុំមែនជារឿងថ្មីដែលលោកត្រាំបានលើកឡើយ តែលោកធ្លាប់បានលើកពេលលោកទៅទស្សនាក្យួនព្យុហយាត្រាយោធានៅបារាំង កាលពីថ្ងៃទី១៤កក្កដាឆ្នាំ២០០១៧ ពេលបុណ្យជាតិបារាំង៕ (កែសម្រួលដោយ ៖ បុប្ផា)
ចែករំលែកព័តមាននេះ