រាជធានីភ្នំពេញ ៖ អ្នកនាំពាក្យក្រសួងការពារជាតិលោក ឈុំ សុជាត បានអះអាងថា ក្នុងឆមាសទី១ ឆ្នាំ២០១៩នេះ សមត្ថកិច្ចនៅតាមព្រំដែនបានបង្ក្រាបបទល្មើសបានជិត៣ម៉ឺន ករណីបទល្មើស…
រាជធានីភ្នំពេញ ៖ អ្នកនាំពាក្យក្រសួងការពារជាតិលោក ឈុំ សុជាត បានអះអាងថា ក្នុងឆមាសទី១ ឆ្នាំ២០១៩នេះ សមត្ថកិច្ចនៅតាមព្រំដែនបានបង្ក្រាបបទល្មើសបានជិត៣ម៉ឺន ករណីបទល្មើស ។ យោងតាមបណ្តាញសង្គមរបស់ ឈុំ សុជាត បានឲ្យដឹងក្នុងកិច្ចប្រជុំបូកសរុបលទ្ធផលការងារប្រចាំឆមាសទី១ និងលើកទិសដៅអនុវត្តបន្តសម្រាប់ឆមាសទី២ ឆ្នាំ២០១៩ របស់ក្រសួងការពារជាតិ ក្រោមអធិបតីភាព សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ នាព្រឹកថ្ងៃទី៣ ខែកក្កដានេះ ។
នៅទីស្តីការក្រសួងថា ក្នុងឆមាសទី១ ឆ្នាំ២០១៩នេះកងទ័ពជើងគោកបានសហការ និងម្ចាស់ការធ្វើល្បាតការពារ និងត្រួតពិនិត្យបង្គោលសីមា ភូមិសាស្ត្រ ទទួលខុសត្រូវ ដើម្បីក្តាប់សភាពការណ៍នៅតាមខ្សែ បន្ទាត់ ព្រំដែន ទប់ស្កាត់ និងបង្ក្រាបបទល្មើសផ្សេងៗសរុបបានចំនួន២.៩៨១ លើក នៅព្រំដែនកម្ពុជា-ថៃ ១.២៨៩លើក ព្រំដែនកម្ពុជា-វៀតណាម១.១៧៩លើក និងព្រំដែន កម្ពុជា-ឡាវ ៥១៣លើក ។ លោកបន្ថែមថា ទន្ទឹមនេះបានសហការជាមួយក្រុមរុករកអដ្ឋិធាតុវៀតណាមដោយរុករកឃើញអដ្ឋិធាតុទាហានស្ម័គ្រចិត្តវៀតណាមចំនួន៥៤០ធាតុ (យោធភូមិភាគ ពិសេស ចំនួន៦២ធាតុ យោធភូមិភាគទី១ ចំនួន៤០ធាតុ យោធភូមិភាគទី២ ចំនួន២២៨ធាតុ យោធភូមិភាគទី៣ ចំនួន៥៨១ធាតុ យោធភូមិភាគទី៤ ចំនួន៤៨ធាតុ និងយោធភូមិភាគទី៥ ចំនួន៨៤ធាតុ ។
លោកបន្តថា សម្រាប់ឆមាសទី១ ឆ្នាំ២០១៩នេះ កងយោធពលខេមរភូមិន្ទបានបន្តពង្រឹងប្រៀបការពារជាតិលើគ្រប់វិស័យនៅតាមតំបន់ព្រំដែនធ្វើល្បាតជាប្រចាំ ដើម្បីតាមដានត្រួតពិនិត្យគ្រប់គ្រងសភាពការណ៍ និងភូមិសាស្ត្រទទួលខុសត្រូវ និងចូលរួមទប់ស្កាត់បទល្មើសគ្រប់ប្រភេទ និងសកម្មភាពឆ្លងដែនខុសច្បាប់ ព្រមទាំងបានបន្តកិច្ចសហប្រតិបត្តិការល្អ ជាមួយប្រទេសជិតខាងដោះស្រាយបញ្ហាផ្សេងៗដែលកើតឡើងដោយសន្តិវិធី ៕ កែសម្រួលដោយ ៖សុឃាក់
ចែករំលែកព័តមាននេះ