រាជធានីភ្នំពេញ ៖គណៈកម្មាធិការអចិន្ត្រៃយ៍រដ្ឋសភា នៅព្រឹកថ្ងៃទី៣ ខែកក្កដានេះ បានបើកកិច្ចប្រជុំពិភាក្សាលើករបៀបវារៈចំនួន គឺកំណត់ថ្ងៃបើកសម័យប្រជុំពេញអង្គរដ្ឋស ភា ដើម្បីសួរដេញដោលលោក អង្គ វង្ស…
រាជធានីភ្នំពេញ ៖គណៈកម្មាធិការអចិន្ត្រៃយ៍រដ្ឋសភា នៅព្រឹកថ្ងៃទី៣ ខែកក្កដានេះ បានបើកកិច្ចប្រជុំពិភាក្សាលើករបៀបវារៈចំនួន គឺកំណត់ថ្ងៃបើកសម័យប្រជុំពេញអង្គរដ្ឋស ភា ដើម្បីសួរដេញដោលលោក អង្គ វង្ស វឌ្ឍានា រដ្ឋមន្ត្រីក្រសួងយុត្តិធម៌ ។ កិច្ចប្រជុំអចិន្ត្រៃយ៍រដ្ឋសភាក្រោមអធិបតីភាពសម្តេចហេង សំរិន ប្រធានរដ្ឋសភា និងមានការចូលរួមពីសមាជិកទាំងអស់ដើម្បីធ្វើការពិនិត្យសំណើសុំអញ្ជើញលោកអង្គ វង្សវឌ្ឍានារដ្ឋមន្ត្រីក្រសួងយុត្តិធម៌ មកឆ្លើយសំណួរក្នុងសម័យប្រជុំរដ្ឋសភាលើកទី២ នីតិកាលទី៦ របស់លោកបណ្ឌិត ប៉ែន បញ្ញា ប្រធានក្រុមតំណាងរាស្ត្រទី៦ នៃរដ្ឋសភា ។
(យោងលិខិតលេខ ១៨០ រ.ស ចុះថ្ងៃទី ២៨ ខែមិថុនា ឆ្នាំ២០១៨ របស់រដ្ឋសភា និងលិខិតលេខ ១៨ សជណ.កវៀច ចុះថ្ងៃទី ១ ខែកក្កដា ឆ្នាំ២០១៩ របស់រាជរដ្ឋាភិបាលកម្ពុជា) កិច្ចប្រជុំអចិន្ត្រៃយនេះ ដើម្បីធ្វើការការពិនិត្យកាលបរិច្ឆេទបន្តសម័យប្រជុំរដ្ឋសភាលើកទី២ នីតិកាលទី៦ សម្រាប់ ការតាំង និងការឆ្លើយសំណួររបស់ឯកឧត្តមរដ្ឋមន្ត្រីក្រសួងយុត្តិធម៌ ។
សូមជម្រាបថា ការបើកកិច្ចប្រជុំកំណត់ថ្ងៃ ដើម្បីសម័យប្រជុំរដ្ឋសភាពេញអង្គនេះ ដើម្បីសួរដេញដោលរដ្ឋមន្ត្រីក្រសួងយុត្តិធម៌នេះ គឺជាលើកដំបូងហើយ សម្រាប់រដ្ឋសភាឯកបក្ស ក្នុងអាណត្តិទី២ នីតិកាលទី៦នៃរដ្ឋសភា ។ យោងតាមមាត្រា៩៦ នៃរដ្ឋធម្មនុញ្ញចែងថា តំណាងរាស្ត្រមានសិទ្ធិដាក់សំណួរដល់ រាជរដ្ឋាភិបាល ហើយចម្លើយអាចធ្វើឡើងដោយរដ្ឋមន្ត្រីមួយរូបឬច្រើនរូប អាស្រ័យដោយបញ្ហា ដែលបានចោទឡើង ។
បើបញ្ហាពាក់ព័ន្ធដល់នយោបាយទូទៅរបស់ រាជរដ្ឋាភិបាល នាយករដ្ឋមន្ត្រីត្រូវឆ្លើយផ្ទាល់ខ្លួន ។ មាត្រានេះ អនុញ្ញាតឲ្យរដ្ឋមន្ត្រី ឬ នាយករដ្ឋមន្ត្រី ឆ្លើយ ផ្ទាល់មាត់ ក៏បានឆ្លើយជាលាយលក្ខណ៍អក្សរ ក៏បាន ។ តាមការសង្កេតក្នុងនីតិកាលទី ៦នេះ កិច្ចប្រជុំពិភាក្សា និងអនុម័តសេចក្តីព្រាងច្បាប់ម្តង ៗ របស់រដ្ឋសភាមិនសូវមានការសួរដេញដោល គ្នា ឬមានភាពផុសផុលក្នុងការ តតាំងគ្នាឡើយ ពោល គឺមិនដូចកាលមានសមាជិកសភាមកពីអតីតបក្សប្រឆាំង ។
ជាកាកត់សម្គាល់រដ្ឋសភាក្នុងនីតិកាលទី ៦នេះ ក៏រងការរិះគន់ពី មជ្ឈដ្ឋាន ជាតិ – អន្តរជាតិមួយចំនួនថា ជារដ្ឋសភា ឯកបក្សដោយសារអាណត្តិនេះមានតែគណបក្សប្រជាជន កម្ពុជាតែមួយគត់ដែលគ្រប់គ្រងអាសនៈក្នុង រដ្ឋសភា ។ ទោះយ៉ាងណាក្តីកាលពីពេលកន្លងមក ភាគីរដ្ឋាភិបាលក៏ដូចជា គណបក្សកាន់អំណាច ធ្លាប់បានអះអាងថា ទោះរដ្ឋសភាមាន គណបក្ស តែមួយក៏កម្ពុជានៅតែជាប្រជាធិបតេយ្យ សេរី ពហុបក្ស ដែរ ព្រោះកម្ពុជាមាន គណបក្សច្រើនក្នុងការប្រកួតប្រជែងក្នុងការបោះឆ្នោតតែគ្រាន់គណបក្សទាំងនោះមិនទទួលបានអាសនៈក្នុងរដ្ឋសភា ៕ កែសម្រួលដោយ ៖សុឃាក់
ចែករំលែកព័តមាននេះ