រាជធានីភ្នំពេញ៖ បច្ចុប្បន្ននេះមនុស្សភាគច្រើនគិតថា បើសិនជាចង់ចំណេញច្រើន ឬមានឆាប់ត្រូវចាប់ផ្តើមរកស៊ី និងឈប់ ធ្វើការឲ្យគេ។ ការយល់ឃើញនេះកើតឡើងតាមរយៈការសង្កេតឃើញជាក់ស្តែងរបស់មនុស្សទូទៅ ហើយក៏មានអ្នកខ្លះឈប់ធ្វើការឲ្យគេ ហើយចាប់ផ្តើមធ្វើអាជីវកម្មតាមរយៈការយកផលិតផលណាមួយ មកចែកចាយបន្ត…
រាជធានីភ្នំពេញ៖ បច្ចុប្បន្ននេះមនុស្សភាគច្រើនគិតថា បើសិនជាចង់ចំណេញច្រើន ឬមានឆាប់ត្រូវចាប់ផ្តើមរកស៊ី និងឈប់ ធ្វើការឲ្យគេ។ ការយល់ឃើញនេះកើតឡើងតាមរយៈការសង្កេតឃើញជាក់ស្តែងរបស់មនុស្សទូទៅ ហើយក៏មានអ្នកខ្លះឈប់ធ្វើការឲ្យគេ ហើយចាប់ផ្តើមធ្វើអាជីវកម្មតាមរយៈការយកផលិតផលណាមួយ មកចែកចាយបន្ត ឬបង្កើតមុខរបរដោយខ្លួនឯង។
ជាការពិតណាស់ ការបង្កើតមុខរបរដោយខ្លួនឯង គឺពិតជាអាចរកប្រាក់ចំណូលបានច្រើនជាងការធ្វើការឲ្យគេ បើសិនជាជំនួញដែលធ្វើទៅទទួលបានភាពជោគជ័យ ផ្ទុយទៅវិញបើជំនួញនោះមិនទទួលបានជោគជ័យ អ្នកនឹងបង់ខាត ហើយអាចជំពាក់គេ វ័ណ្ឌកទៅវិញ។ ដើម្បីជៀសវាងការធ្វើអាជីវកម្មបរាជ័យ ឬជ្រើសរើសផលិតផលខុសក្នុងការធ្វើអាជីវកម្ម យើងខ្ញុំសូមធ្វើការចែករំលែកនូវចំណុចសំខាន់ៗ ដែលអ្នកត្រូវពិចារណាមុនពេលជ្រើសរើសផលិតផលណាមួយយកមកធ្វើអាជីវកម្ម ឬចែកចាយបន្ត។
១). ម៉ាកសញ្ញា ៖ អ្នកត្រូវជ្រើសរើសផលិតផលដែលមានម៉ាកសញ្ញាត្រឹមត្រូវ និងមានការទទួលស្គាល់ ជាសកល (ល្បី)។
២). គុណភាព ៖ ផលិតផលត្រូវមានគុណភាព និងស្តង់ដាត្រឹមត្រូវ (ទុកដាក់ និងវេចខ្ចប់ត្រឹមត្រូវ) ព្រោះថាបើអ្នកលក់ផលិតផលអន់ និងគ្មានស្តង់ដាត្រឹមត្រូវ អតិថិជនអ្នកនឹងមិនទិញអ្នកជាលើកទីពីរនោះទេ។
៣).មានច្រើនជម្រើស ៖ ផលិតផលដែលមានច្រើនជម្រើសនឹងផ្តល់ភាពងាយស្រួលដល់អតិថិជនក្នុង ការជ្រើសរើសនូវខ្នាត ទំហំ ដែលពួកគេពេញចិត្ត។
៤). សេវាកម្ម៖ ផលិតផលដែលផ្តល់សេវាកម្មល្អដល់អតិថិជន គឺជាកត្តាដ៏សំខាន់ដែលជម្រុញឲ្យអតិថិជនគាំទ្រ និងចង់មករកយើងជាលើកទីពីរ។
៥). តម្រូវការទីផ្សារ ៖ ការចែកចាយ និងអាជីវកម្មរបស់អ្នកនឹងដំណើរការបានយ៉ាងល្អ ប្រសិនបើ ផលិតផលដែលអ្នកជ្រើសរើសយកមកធ្វើអាជីវកម្ម មានតម្រូវការខ្លាំងនៅលើទីផ្សារ។
សូមស្តាប់ការចែករំលែកបទពិសោធន៍ជាក់ស្តែង របស់បងប្រុស ធី គុយសេង សម្រាប់ការចាប់ផ្តើមនៃអាជីវកម្មរបស់គាត់ និងរបៀបនៃការជ្រើសរើសផលិតផលសម្រាប់ការចែកចាយបន្ត។ ដោយសហការ (កែសម្រួលដោយ ៖ បុប្ផា)
សូមទស្សនាវីដេអូខាងក្រោម
ចែករំលែកព័តមាននេះ