តម្លៃ​ប្រេង​​កើន​លើស២% ខណៈ OPEC ពង្រីក​ការ​កាត់​បន្ថយ​ការ​ផ្គត់ផ្គង់​ប្រេង


​(​សិង្ហ​បុរី​)៖ តម្លៃ​ប្រេង​បាន​កើនឡើង​ជាង ១ ដុល្លារ​ក្នុង​មួយ​បា​រែ​ល កាលពី​ថ្ងៃ​ច័ន្ទ ដោយ​អង្គការ OPEC និង​សម្ព័ន្ធមិត្ត​របស់​ខ្លួន​នឹង​បន្ត​ពន្យា​ពេល​នៃ​ការ​កាត់​បន្ថយ​ការ​ផ្គត់ផ្គង់​រហូត​ដល់​ចុងឆ្នាំ ២០១៩ នៅ​ឯ​កិច្ចប្រជុំ​របស់​ពួក​គេ នៅ​ទីក្រុង​វី​យែ​ន​នៅ​ស​ប្តា​ហ៍​នេះ​។ នេះ​បើ​យោង​តាម​ទីភ្នាក់ងារ Reuters ចុះ​ផ្សាយ​ថ្ងៃ​ច័ន្ទ ទី ០១ ខែកក្កដា ឆ្នាំ​២០១៩ ម្សិលមិញ ។

​ប្រេង​ឆៅ​ប្រភេទ Brent សម្រាប់​កិច្ចសន្យា​អនាគត​ត្រូវ​អនុវត្ត​សម្រាប់​ខែកញ្ញា បាន​រង​ប៉ះ​នឹង​តម្លៃ​ខ្ពស់​ដល់​ទៅ ៦៦,៦៣ ដុល្លារ​ក្នុង​មួយ​បារ៉ែល (​ចំណុះ​ប្រមាណ ១៥៩ លី​ត្រ​) និង​បាន​កើនឡើង ១,៧២ ដុល្លារ ឬ ២,៧% ក្នុង​តម្លៃ ៦៦,៤៦ ដុល្លារ​ក្នុង​មួយ​បា​រែ​ល នៅ​ម៉ោង ៦៖៣៩ នាទី​ព្រឹក​។ ចំណែក​តម្លៃ​ប្រេង​ឆៅ​នៅ​អា​មេ​រិ​ក​ក្នុង​ខែសីហា​បាន​កើនឡើង ១,៥២ ដុល្លារ ឬ ២,៦% គឺ ៥៩,៩៩ ដុល្លារ​ក្នុង​មួយ​បា​រែ​ល បន្ទាប់​ពី​បាន​ឡើងថ្លៃ​ខ្ពស់​បំផុត​ក្នុង​រយៈពេល ៥ ស​ប្តា​ហ៍​ជាប់​គ្នា​ដល់​ទៅ​គឺ ៦០,១៣ ដុល្លារ​អា​មេ​រិ​ក​នោះ ។ ប្រទេស​អ៊ី​រ៉​ង់​កាលពី​ថ្ងៃ​ច័ន្ទ បាន​ចូលរួម​ជាមួយ​ក្រុមហ៊ុន​ផលិត​កំពូល ដូច​ជា អា​រ៉ា​ប៊ី​សា​អូឌីត អ៊ី​រ៉ា​ក់ និង​រុ​ស្ស៊ី ក្នុង​ការ​គាំទ្រ​ដល់​គោលនយោបាយ​មួយ​ក្នុង​គោលបំណង​បង្កើន​តម្លៃ​ប្រេង​ឆៅ​ក្នុង​គ្រា​ដែល​សេដ្ឋកិច្ច​ពិភពលោក​កំពុង​ធ្លាក់​ចុះ​។

​អង្គការ​នៃ​ប្រទេស​នាំ​ចេញ​ប្រេង (OPEC) ប្រទេស រុ​ស្ស៊ី និង​អ្នក​ផលិត​ផ្សេង​ទៀត​ដែល​ជា​សម្ព័ន្ធភាព​ដែល​គេ​ស្គាល់​ថា​ជា​អង្គការ OPEC + បាន​ជួប​ប្រជុំ​គ្នា​នៅ​ថ្ងៃ​ច័ន្ទ​និង​អង្គា​រ៍ ដើម្បី​ពិភាក្សា​ពី​ការ​កាត់​បន្ថយ​ការ​ផ្គត់ផ្គង់​។ ក្រុម​នេះ​បាន​កាត់​បន្ថយ​ទិន្នផល​ប្រេង​ចាប់តាំងពី​ឆ្នាំ ២០១៧ ដើម្បី​ទប់ស្កាត់​តម្លៃ​មិន​ឱ្យ​ធ្លាក់​ចុះ​នៅ​ចំពោះ​មុខការ​ធ្លាក់​ចុះ​នៃ​សេដ្ឋកិច្ច​ពិភពលោក​និង​ការ​បង្កើន​ទិន្នផល​អា​មេ​រិ​ក​។

ប្រធានាធិបតី​រុ​ស្ស៊ី លោក​វ្ល៉ា​ឌី​មៀរ ពូ​ទី​ន (Vladimir Putin) បាន​និយាយ​កាលពី​ថ្ងៃអាទិត្យ​ថា លោក​បាន​យល់ព្រម​ជាមួយ​អា​រ៉ា​ប៊ី​សា​អ៊ូ​ឌី​ត​ដើម្បី​ពង្រីក​ការ​កាត់​បន្ថយ​ទិន្នផល​ដែល​មាន​ស្រាប់​ចំនួន ១,២ លាន​បា​រែ​ល​ក្នុង​មួយ​ថ្ងៃ (bpd) ពី ៦ ទៅ ៩ ខែ​។ ចំណែក លោក Khalid al-Falih រដ្ឋមន្ត្រី​ថាមពល​អា​រ៉ា​ប៊ី​សា​អ៊ូ​ឌី បាន​និយាយ​ថា​កិច្ចព្រមព្រៀង​នេះ​នឹង​ត្រូវ​បាន​ពង្រីក​បន្ថែម​ទៀត​ក្នុង​រយៈពេល​ប្រាំបួន​ខែ​ហើយ​គ្មាន​ការ​កាត់​បន្ថយ​ស៊ីជម្រៅ​ទេ​។

​ក្រុម​អ្នកវិភាគ ANZ បាន​និយាយ​នៅ​ក្នុង​សេចក្តីថ្លែងការណ៍​ថា «​ខណៈ​ពេល​ដែល​សេចក្តី​ត្រូវការ​នេះ​ត្រូវ​បាន​ផ្តល់​សច្ចាប័ន​ដោយ​សមាជិក​ដែល​នៅ​សេសសល់​នៃ​ក្រុម​អង្គការ OPEC + នោះ​វា​ហាក់ដូចជា​បាន​សម្រេច​ទៅ​ហើយ​» ។

​លោក Stephen Innes ដៃគូ​គ្រប់គ្រង​នៅ Vanguard Markets នៅ​ទីក្រុង​បាងកក ប្រទេស​ថៃ បាន​ថ្លែង​ថា​តម្លៃ​ប្រេង​ក៏​អាច​ត្រូវ​បាន​គាំទ្រ​ក្នុង​រយៈពេល​មធ្យម​ផង​ដែរ​ដោយសារ​ភាព​តានតឹង​ខាង​ភូមិសាស្ត្រ​នយោបាយ​នៅ​មជ្ឈិមបូព៌ា និង​ខណៈ​ធនាគារកណ្តាល​ចិន​បន្ធូរបន្ថយ​គោលនយោបាយ​រូបិយ​វត្ថុ​ដើម្បី​ទូទាត់​ផល​ប៉ះពាល់​ពី​ពន្ធ​អា​មេ​រិ​ក​។

​តម្លៃ​ប្រេង​បាន​ស្ថិត​ក្រោម​ការ​ដាក់​សម្ពាធ​ជា​ថ្មី​ក្នុង​រយៈពេល​ប៉ុន្មាន​ខែ​ថ្មី​ៗ​នេះ ពី​ការ​កើនឡើង​នៃ​ការ​ផ្គត់ផ្គង់​របស់​សហរដ្ឋអាមេរិក និង​សេដ្ឋកិច្ច​សកល​យឺត​។

យោង​តាម​រដ្ឋបាល​ព័ត៌មាន​ថាមពល​របស់​សហរដ្ឋអាមេរិក ទិន្នផល​ប្រេង​ឆៅ​របស់​អា​មេ​រិ​ក​ក្នុង​ខែមេសា​បាន​កើនឡើង​ដល់ ១២,១៦ លាន​បា​រែ​ល​ក្នុង​មួយ​ខែ ទោះបីជា​កំណើន​ផលិតកម្ម​ថ្ម​សែ​ល​ទំនងជា​ឡើង​ដល់​កម្រិត​ខ្ពស់​កាលពី​ឆ្នាំ​មុន​។

​ទន្ទឹម​នឹង​នេះ​ដែរ ទីផ្សារ​ហិរញ្ញវត្ថុ​ត្រូវ​បាន​រង្គោះរង្គើ​ដោយ​ការ​រលាយ​នៃ​ទំនាក់ទំនង​រវាង​សហរដ្ឋអាមេរិក​និង​ចិន បន្ទាប់​ពី​មេដឹកនាំ​នៃ​ប្រទេស​មាន​សេដ្ឋកិច្ច​ធំ​ៗ​ពីរ នៅ​លើ​ពិភពលោក​បាន​យល់ព្រម​កាលពី​ថ្ងៃ​សៅរ៍ ដើម្បី​ចាប់ផ្តើម​កិច្ច​ពិភាក្សា​ពាណិជ្ជកម្ម​ឡើង​វិញ​។ ប៉ុន្តែ​ក្រុម​អ្នកវិភាគ Citi បាន​មើលឃើញ​ការ​ប្រកាស​នេះ​ថា​ជា​ការ​ឈប់​បាញ់​បណ្ដោះអាសន្ន​ដើម្បី​លុប​បំបាត់​សង្គ្រាម​ពាណិជ្ជកម្ម​និង​ពន្ធគយ ហើយ​មានការ​សង្ស័យ​ថា​ភាគី​ទាំង​ពីរ​អាច​ឈាន​ដល់​កិច្ចព្រមព្រៀង​មួយ​ក្នុង​ពេល​ឆាប់​ៗ​ទោះបីជា​កិច្ចព្រមព្រៀង​ពាណិជ្ជកម្ម ៩០ ភាគរយ​ត្រូវ​បាន​បញ្ចប់​ក៏​ដោយ​។

​ពួក​គេ​បាន​សរសេរ​នៅ​ក្នុង​កំណត់​សំគាល់ថា «​ការ​ពិត​ដែល​ថា​ភាគី​ទាំង​ពីរ​មិន​អាច​ទទួល​បាន​កិច្ចសន្យា​ដែល​នៅ​សេសសល់​នោះ​ដើម្បី​បញ្ចប់​វា ដូច្នេះ​វា​ពិបាក​ក្នុង​ការ​ស្មានថា​តើ​ព្រោះតែ ពេលវេលា​មិន​បាន​ល្អ ឬ​ភាគី​ណា​នោះ​ប្រហែលជា​មិន​ចង់បាន​កិច្ចព្រមព្រៀង​» ៕ (​កែសម្រួល​ដោយ ៖ បុប្ផា​)

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ព័ត៌មាន​អន្តរជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ