ខេត្តប៉ៃលិន ៖ តាមសេចក្តីរាយការណ៍បឋមបានឲ្យដឹងថា បុរសម្នាក់បានរងរបួសធ្ងន់ត្រូវគេបញ្ជូនទៅសង្គ្រោះនៅមន្ទីរពេទ្យបង្អែកខេត្ត ខណៈបុរសរងគ្រោះបាននាំកម្មករទៃទៀតទៅស៊ីឈ្នួលធ្វើដំបូលផ្ទះឱ្យប្រជាពលរដ្ឋក្នុងភូមិ ដែលហេតុការណ៍ករណីខ្សែភ្លើងឆក់នេះបានកើតឡើងនៅវេលាម៉ោង៩និង ៣០នាទីព្រឹក ថ្ងៃទី០១ ខែកក្កដានេះ ស្ថិតនៅចំណុច…
ខេត្តប៉ៃលិន ៖ តាមសេចក្តីរាយការណ៍បឋមបានឲ្យដឹងថា បុរសម្នាក់បានរងរបួសធ្ងន់ត្រូវគេបញ្ជូនទៅសង្គ្រោះនៅមន្ទីរពេទ្យបង្អែកខេត្ត ខណៈបុរសរងគ្រោះបាននាំកម្មករទៃទៀតទៅស៊ីឈ្នួលធ្វើដំបូលផ្ទះឱ្យប្រជាពលរដ្ឋក្នុងភូមិ ដែលហេតុការណ៍ករណីខ្សែភ្លើងឆក់នេះបានកើតឡើងនៅវេលាម៉ោង៩និង ៣០នាទីព្រឹក ថ្ងៃទី០១ ខែកក្កដានេះ ស្ថិតនៅចំណុច ក្បែរផ្លូវជាតិលេខ៥៧ ក្នុងភូមិផ្សារព្រំ ឃុំស្ទឹងកាច់ ស្រុកសាលា ក្រៅ ។
សេចក្តីរាយការណ៍បន្ត ប្រភពព័ត៌មានបានឱ្យដឹងថា ជនរងគ្រោះមានឈ្មោះ ណាត ភេទប្រុស អាយុ២៩ឆ្នាំ ជាជាងផ្សារដែក រស់នៅភូមិអូរឈើក្រំ ឃុំស្ទឹងកាច់ ស្រុកសាលាក្រៅ រងរបួសធ្ងន់ឆេះជើងខាងស្ដាំ និងរលាកពេញរាងកាយ ។
ប្រភពបន្តទៀតថា មុនពេលកើតហេតុជនរងគ្រោះបាននាំកម្មករចំនួន៤នាក់ទៅស៊ីឈ្នួលផ្សារដំបូលផ្ទះប្រជាពលរដ្ឋមួយកន្លែង ដែលមានម្ចាស់ឈ្មោះ មុំ ក្នុងភូមិកើតហេតុ ខណៈពេលកំពុងតែផ្សារដំបូលសុខៗ ស្រាប់តែជាងខ្វះដែកក៏ប្រើឱ្យកម្មកររងគ្រោះហុចដែក១ដើមដែលមានបណ្ដោយប្រវែង៦ម៉ែត្រ ទទឹង២៥លី ។ ពេលកំពុងតែហុចនោះជនរងគ្រោះបានទាញលើកដែកឡើងក៏ប៉ះចំខ្សែភ្លើងកាបស្រាត៣ខ្សែ មានកម្ពស់បង្គោលភ្លើងធំមកដីប្រហែល១០ម៉ែត្រ បណ្ដាលឲ្យឆក់ភ្លាម់ៗ ក្រោយមកបងប្អូន និងកម្មករលើកដាក់រថយន្តរបស់ម្ចាស់ផ្ទះដឹកយកទៅមន្ទីរពេទ្យបង្អែកខេត្តប៉ៃលិន ៕ កែសម្រួលដោយ ៖សុឃាក់
ចែករំលែកព័តមាននេះ