ខេត្តកំពង់ឆ្នាំង ៖ លោកឧត្តមសេនីយ៍ទោ ខូវ លី ស្នងការនគរបាលខេត្តកំពង់ឆ្នាំងនៅរសៀលថ្ងៃទី០១ ខែកក្កដានេះបានដឹកនាំមន្ត្រីនៃស្នងការដ្ឋាននគរបាលខេត្តចុះសាកសួរសុខទុក្ខដល់នាយនគរបាលចំនួន២រូប ដែលកំពុងសម្រាកព្យាបាលជំងឺនៅលំនៅដ្ឋាន ។ នៅក្នុងឱកាសសាកសួរសុខទុក្ខនោះដែរ…
ខេត្តកំពង់ឆ្នាំង ៖ លោកឧត្តមសេនីយ៍ទោ ខូវ លី ស្នងការនគរបាលខេត្តកំពង់ឆ្នាំងនៅរសៀលថ្ងៃទី០១ ខែកក្កដានេះបានដឹកនាំមន្ត្រីនៃស្នងការដ្ឋាននគរបាលខេត្តចុះសាកសួរសុខទុក្ខដល់នាយនគរបាលចំនួន២រូប ដែលកំពុងសម្រាកព្យាបាលជំងឺនៅលំនៅដ្ឋាន ។
នៅក្នុងឱកាសសាកសួរសុខទុក្ខនោះដែរ លោកឧត្តមសេនីយ៍ទោ ស្នងការនគរបាលខេត្តបានឧបត្ថម្ភដល់មន្ត្រីដែលមានជំងឺទាំងពីរនាក់ ទី១- គឺលោកវរសេនីយ៍ទោ បួរសាវ៉ាត នាយរងការិយាល័យសរុបផែនការនៃស្នងការដ្ឋាននគរបាលខេត្តកំពង់ឆ្នាំង ដោយបានឧបត្ថម្ភថវិកាចំនួន៣លាន៦៧ម៉ឺនរៀល ព្រមទាំងគ្រឿងឧបភោគបរិភោគមួយចំនួន និងទី២- លោកវរសេនីយ៍ត្រី ឃ្លោក ស្រឿង នាយផ្នែកការិយាល័យប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្តក៏បានឧបត្ថម្ភថវិកាចំនួន២លានរៀល ក្នុងគ្រឿងឧបភោគបរិភោគមួយចំនួនផងដែរ ។
នៅក្នុងឱកាសនោះលោកឧត្តមសេនីយ៍ទោក៏បានផ្តាំផ្ញើដល់មន្ត្រីទាំងពីរនាក់ ដែលកំពុងសម្រាកព្យាបាលទៅយកចិត្តទុកដាក់ថែទាំសុខភាពលេបថ្នាំតាមវេជ្ជបញ្ជា អោយឲ្យឆាប់ជាសះស្បើយ ដើម្បីចូលធ្វើការបំពេញភារកិច្ចវិញ ។ ក្នុងឱកាសនោះដែរមន្ត្រីនគរបាលទាំងពីររូបក៏បានថ្លែងអំណរគុណយ៉ាងជ្រាលជ្រៅចំពោះលោកឧត្តមសេនីយ៍ទោ ខូវ លី ស្នងការនគរបាលខេត្តដែលបានយកចិត្តទុកដាក់ចំពោះខ្លួន ដែលមានជំងឺប្រចាំកាយ និងសូមជូនពរលោកស្នងការជួបប្រទះ៤ប្រការ គឺអាយុ វណ្ណៈ សុខៈ និងពលៈ ៕ កែសម្រួលដោយ ៖ សុឃាក់
ចែករំលែកព័តមាននេះ