ខេត្តសៀមរាប ៖ បុរសជនជាតិចិនម្នាក់បានធ្លាក់ពីជាន់ទី៥នៃសណ្ឋាគាររ៉ូយ៉ាល់ក្រោន ដែលមានកម្ពស់ជាង១០ម៉ែត្រ តែជាគ្រោះល្អពេលធ្លាក់នោះប៉ះបង្កាន់ដៃជាន់ទី៤ក៏ខ្ទាតចូលទៅ ក្នុងអាងទឹកនៃសណ្ឋាគារទើបមិនបណ្តាលឲ្យស្លាប់ ។ ទោះបីជាបែបណា ជនជាតិចិននេះ បានរងរបួសធ្ងន់…
ខេត្តសៀមរាប ៖ បុរសជនជាតិចិនម្នាក់បានធ្លាក់ពីជាន់ទី៥នៃសណ្ឋាគាររ៉ូយ៉ាល់ក្រោន ដែលមានកម្ពស់ជាង១០ម៉ែត្រ តែជាគ្រោះល្អពេលធ្លាក់នោះប៉ះបង្កាន់ដៃជាន់ទី៤ក៏ខ្ទាតចូលទៅ ក្នុងអាងទឹកនៃសណ្ឋាគារទើបមិនបណ្តាលឲ្យស្លាប់ ។ ទោះបីជាបែបណា ជនជាតិចិននេះ បានរងរបួសធ្ងន់ និងបង្កឱ្យមានការភ្ញាក់ផ្អើលពេញសណ្ឋាគារ ហើយភ្លាមៗនោះត្រូវបានអ្នកគ្រប់គ្រងសណ្ឋាគារ ហៅរថយន្តសង្គ្រោះបន្ទាន់ របស់មន្ទីរពេទ្យអន្តរជាតិរ៉ូយ៉ាល់សៀមរាប មកដឹកយកទៅសង្គ្រោះ ។
ហេតុការណ៍នេះ កើតឡើងកាលពីវេលាម៉ោងប្រមាណ៤និង១០នាទីទៀបភ្លឺថ្ងៃទី៣០ ខែមិថុនា ដែលសណ្ឋាគារខាងលើស្ថិតនៅតាមផ្លូវ៧មករាក្នុងភូមិវត្តបូព៌ សង្កាត់សាលាកំរើក ក្រុងសៀមរាប ។ លោកវរសេនីយ៍ឯក តូច សុគន្ធ នាយការិយាល័យនគរបាលស៊ើបអង្កេតនិងអនុវត្តនីតិវិធីខេត្តថ្លែងថា បុរសជនជាតិចិនរូបនេះឈ្មោះ Sha Peng Cheng អាយុ៣៤ឆ្នាំ កាន់លិខិតឆ្លងដែនលេខ E៦៧៣៤៧៤៥០ ជាភ្ញៀវទេសចរ ចូលមកប្រទេសកម្ពុជាកាលពីថ្ងៃទី២៥ ខែមិថុនា ឆ្នាំ២០១៩ តាមច្រកព្រលានយន្តហោះអន្តរជាតិសៀមរាប ហើយចូលមកស្នាក់នៅបន្ទប់លេខ៥១៧ នៃសណ្ឋាគាររ៉ូយ៉ាល់ក្រោន ។
លោកនាយការិយាល័យបន្ត តាមការពិនិត្យគឺជនរងគ្រោះមានរងរបួសចង្កេះធ្ងន់ និងភ្លាត់ដៃស្តាំ ។ តាមការសាកសួរមិត្តភក្តិបានប្រាប់សមត្ថកិច្ចថា នៅថ្ងៃទី២៩ ខែមិថុនា វេលាម៉ោងជាង៦ល្ងាច រូបគេនិងជនរងគ្រោះបាននាំគ្នាទៅផឹកស្រានៅម្តុំផាប់ស្ទ្រីត និងបន្តទៅច្រៀងលេងនៅខារ៉ាអូខេ រហូតដល់ម៉ោងប្រហែល៣រំលងអធ្រាត្រទើបនាំគ្នាត្រឡប់មកវិញ ហើយចូលក្នុងបន្ទប់សម្រាករៀងៗខ្លួន ។
ប្រភពពីមិត្តភក្តិឲ្យដឹងទៀតថា លុះនៅម៉ោងប្រហែលជាង៤ទៀបភ្លឺថ្ងៃទី៣០ ខែមិថុនា ឆ្នាំ២០១៩ បុគ្គ លិកសណ្ឋាគាររ៉ូយ៉ាល់ក្រោនបានទៅគោះទ្វារបន្ទប់ប្រាប់ថា មិត្តភក្តិរបស់គាត់ធ្លាក់ពីលើសណ្ឋាគារជាន់ទី៥ចូលក្នុងអាងទឹក ។ ខណៈឮដូច្នោះ រូបគាត់បានចុះមកមើល និងជួយបញ្ជូនជនរងគ្រោះទៅមន្ទីរពេទ្យជាមួយបុគ្គលិកសណ្ឋាគារ ។
បុរសរងគ្រោះជនជាតិចិនរូបនេះ ត្រូវបានផ្ទេរពីមន្ទីរពេទ្យអន្តរជាតិរ៉ូយ៉ាល់សៀមរាប មកសម្រាកព្យាបាលនៅមន្ទីរពេទ្យបង្អែកខេត្តសៀមរាបវិញ ៕
ចែករំលែកព័តមាននេះ