ខេត្តបន្ទាយមានជ័យ ៖ សេចក្តីរាយការបឋមឲ្យដឹងថា កាលពីវេលាម៉ោង២និង១២នាទីរសៀល ថ្ងៃទី០១ ខែកក្កដានេះ កម្លាំងនគរបាលប៉ុស្ដិ៍រដ្ឋបាលនិមិត្ត ក្រុងប៉ោយប៉ែត ខេត្តបន្ទាយមានជ័យបានចុះល្បាតក្នុងភូមិសាស្ត្រ ប្រទះឃើញជនសង្ស័យម្នាក់កំពុងធ្វើសកម្មភាពប្រើប្រាស់គ្រឿងញៀន…
ខេត្តបន្ទាយមានជ័យ ៖ សេចក្តីរាយការបឋមឲ្យដឹងថា កាលពីវេលាម៉ោង២និង១២នាទីរសៀល ថ្ងៃទី០១ ខែកក្កដានេះ កម្លាំងនគរបាលប៉ុស្ដិ៍រដ្ឋបាលនិមិត្ត ក្រុងប៉ោយប៉ែត ខេត្តបន្ទាយមានជ័យបានចុះល្បាតក្នុងភូមិសាស្ត្រ ប្រទះឃើញជនសង្ស័យម្នាក់កំពុងធ្វើសកម្មភាពប្រើប្រាស់គ្រឿងញៀន ហើយត្រូវបានឃាត់ខ្លួននាំទៅសាកសួរ ។
ជនសង្ស័យមានឈ្មោះ ឆោម រ៉ាឆា ភេទប្រុស អាយុ២១ឆ្នាំ រស់នៅភូមិកូបធំ សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ ។ នៅពេលសមត្ថកិច្ចសាកសួរ ជនសង្ស័យបានសារភាពថា រូបគេពិតជាបានទិញថ្នាំញៀនយកមកប្រើប្រាស់ និងចែកចាយបន្ត ប៉ុន្តែមិនធំដុំដូចគេទេ ។
បន្ទាប់ពីមានចម្លើយជាក់កម្លាំងនគរបាលប៉ុស្តិ៍និមិត្តបាននាំជនសង្ស័យទៅឆែកឆេរលំនៅឋាន ទើបរកឃើញកន្លែងលាក់ទុកអាវុធកែឆ្នៃ (កាំភ្លើងខ្យល់) ចំនួន៧ដើម វែង០២ដើម ខ្លី០៥ដើម និងវត្ថុតាងមួយចំនួនទៀតដូចជា ៖ រុំសេវសម្រាប់ផ្ទុះ០២ដប គីបផ្ទុះ០២បន្ទាស់ បំពងស្ទុប់ខ្យល់០៣ដើម បំពងខ្យល់ចំនួន០៣ដើម ដែកសម្រាប់ធ្វើការណុងចំនួន១ ដប់ជកចំនួន១ ។
ក្នុងនោះដែរសមត្ថកិច្ចបានដកហូតថ្នាំញៀនប្រភេទម្សៅ ពណ៌សថ្លាចំនួន១១កញ្ចប់តូចដែលជនសង្ស័យប្រើប្រាស់ផង និងចែកចាយបន្តផង ។ អ្វីដែលកត់សម្គាល់នោះ គឺថា ជនសង្ស័យគ្រាន់តែជាអ្នកចែកចាយគ្រឿងញៀនតូចតាចនៅជាយដែនសោះមានប្រើប្រាស់អាវុធកែឆ្នៃរហូតទៅ៧ដើមមិនធម្មតាទេ ៕ កែសម្រួលដោយ ៖ សុឃាក់
ចែករំលែកព័តមាននេះ