នាយករដ្ឋមន្ត្រីកម្ពុជាណែនាំទូរទស្សន៍នានា មានកម្មវិធីផ្តល់ព័ត៌មានភាសាសញ្ញា
- ភ្នំពេញ
រាជធានីភ្នំពេញ ៖ នាយករដ្ឋមន្ត្រីកម្ពុជា សម្តេចតេជោ ហ៊ុន សែន នៅព្រឹកថ្ងៃទី០១ ខែកក្កដា ឆ្នាំ២០១៩ នេះ…
រាជធានីភ្នំពេញ ៖ នាយករដ្ឋមន្ត្រីកម្ពុជា សម្តេចតេជោ ហ៊ុន សែន នៅព្រឹកថ្ងៃទី០១ ខែកក្កដា ឆ្នាំ២០១៩ នេះ បានណែនាំជាថ្មីដល់ម្ចាស់ស្ថានីយទូរទស្សន៍នានា ត្រូវតែរៀបចំនូវកម្មវិធីនានា ដែលមានអ្នកប្រែ ភាសាសញ្ញា ដើម្បីផ្តល់នូវព័ត៌មាននានាដល់បងប្អូន កូនក្មួយ ដែលជាជនពិការឱ្យទទូលបាននូវព័ត៌មាននានា តាមរយៈមានអ្នកប្រែជាភាសាសញ្ញា សម្រាប់អ្នកពិការគ-ថ្លង់នោះ ។
ថ្លែងនៅក្នុងពិធីផ្ទេរការគ្រប់គ្រង សាលាកុមារ ពិការភ្នែក និងគ ថ្លង់ ៃនអង្គការគ្រួសារថ្មី ស្ថិតនៅខណ្ឌសែនសុខ រាជធានីភ្នំពេញ សម្តេចតេជោ ហ៊ុន សែន មានប្រសាសន៍បញ្ជាក់ថា កុមារពិការកម្ពុជាពិការ
ភ្នែក ជនគ-ថ្លង់ មានភ័ព្វសំណាងមួយ ដោយសារតែទាំងជនជាតិបរទេសទាំងខ្មែរយើងធ្វើការស្រាវជ្រាវ សម្រាប់ភាសាសញ្ញា តាំងពីអក្សរស្ទាប អក្សរសញ្ញាដ ែលនៅតាមប្រទេសមួយចំនួន គេក៏បានចាក់ផ្សាយទៅតាមកញ្ចក់ទូរទស្សន៍ ។
យ៉ាងណាមិញ សម្តេចតេជោ ហ៊ុន សែន បានថ្លែងរបៀបហួសចិត្តថា «ប៉ុន្តែ អភ័ព្វនៅប្រទេសរបស់យើង ណែនាំម្តងបានម្តង ។ ណែនាំ២ដងបាន២ដង ។ មើលអស់លោកទូរទស្សន៍ ស្ថានីយទូរទស្សន៍នានា ឥឡូវបាយ័ន្តបាត់ ឬក៏នៅ ? ព្រោះកន្លងទៅអានព័ត៌មាន តែងតែមានអ្នកបកប្រែ ភាសាគ-ថ្លង់ ។ អញ្ចឹងសុំឲ្យទូរទស្សន៍នានា ផ្តល់សិទ្ធិឲ្យអ្នកគ-ថ្លង់ បានយល់ផងទេ ហើយអ្នកធ្វើការនៅ (អង្គការ) គ្រួសារថ្មីនេះ ជាអ្នកដែលនឹងត្រូវឡើងប៉ុស្តិ៍ទៅធ្វើជាសញ្ញា ដើម្បីជាការយល់ដឹង»។
សម្តេចនាយករដ្ឋមន្ត្រីក៏បានស្នើទៅម្ចាស់ស្ថានីយទូរទស្សន៍នានានៅកម្ពុជាថា «ប៉ុន្តែសង្ឃឹមថា ទូរទស្សន៍មួយៗគប្បីរៀបចំឲ្យមានអ្នកបកប្រែ សម្រាប់ការទទួលបានព័ត៌មានរបស់ ក្មួយៗ ចៅៗ ដែលជាអ្នកគ-ថ្លង់» ៕ (សម្រួលដោយ៖ ស្រីណា)
ចែករំលែកព័តមាននេះ